Oseas 10:10 - Li Santil hu

¹⁰ Abanan nak ta̱cuulak xkꞌehil la̱in texinqꞌue chixtojbal rix le̱ ma̱c. Eb li jalaneb xtenamit teꞌxjunaji ribeb chi numta̱c saꞌ e̱be̱n. Ut kꞌaxal ra te̱cꞌul xban xqꞌuial le̱ ma̱usilal.

Q'eqchi Bible

¹⁰ Tolinraqoq aatin sa' xb'eeneb'; ut eb' li tenamit te'xjunaji rib' chi yalok rik'ineb', re xk'ajtesinkil ruheb' sa' xk'ab'a' li maa'usilal xe'xb'aanu”, chan li Qaawa'.

Oseas 10:10 ပူးပေါင်းရင်းမြစ်များ

Ezequiel 5:13

Nak acak xinba̱nu li cꞌaꞌru xinye, ta̱e̱lk lin joskꞌil ut ta̱cꞌojla̱k inchꞌo̱l. Nak xcuisi lin joskꞌil saꞌ e̱be̱n, te̱qꞌue retal nak la̱in li Ka̱cuaꞌ quinyehoc re aꞌin nak yo̱ injoskꞌil.

Oseas 4:9

Chanru lix naꞌlebeb li tenamit, joꞌcan ajcuiꞌ e̱naꞌleb la̱ex aj tij. Joꞌcan nak texinqꞌue chixtojbal rix le̱ ma̱c aꞌ yal chanru le̱ yehom e̱ba̱nuhom.

Jeremías 16:16

Li Ka̱cuaꞌ quixye: —La̱in tintaklaheb li jalan tenamit chixchapbaleb laj Israel. Chanchanakeb laj chapol car ut chanchanakeb laj yo̱ nak yo̱keb chixsicꞌbaleb li xul saꞌ eb li tzu̱l ut saꞌ eb li ochoch pec ut saꞌ eb li sako̱nac.

San Mateo 22:7

Ut li rey nak quirabi aꞌan, cꞌajoꞌ nak quijoskꞌoꞌ. Quixtaklaheb lix soldado chixcamsinquil li queꞌcamsin reheb lix mo̱s. Ut quixtakla xcꞌatbal lix tenamiteb.

Oseas 8:10

Lin tenamit teꞌxtumina ruheb laj Asiria. Ut la̱in tebinchꞌutub ru ut tebinqꞌue chixcꞌulbal li raylal saꞌ rukꞌeb lix reyeb laj Asiria joꞌqueb ajcuiꞌ li nequeꞌcꞌanjelac chiru.

Oseas 8:1

Ya̱basi li trompeta xban nak yo̱queb chi cha̱lc chi pletic li xicꞌ nequeꞌiloc reheb lin tenamit. Chanchaneb li cꞌuch nak yo̱queb chi cha̱lc. Xban nak lin tenamit xeꞌxtzꞌekta̱na li contrato quinba̱nu riqꞌuineb, joꞌcan nak teꞌxcꞌul li raylal. Xeꞌxtzꞌekta̱na li chakꞌrab xinqꞌue reheb.

Ezequiel 23:46

Aꞌan aꞌin li naxye li nimajcual Dios: —La̱in tinchꞌutubeb li tenamit ut tintaklaheb chixqꞌuebal xxiuheb ut chirelkꞌanquil li cꞌaꞌru cuan reheb.

Ezequiel 23:9

Joꞌcan nak la̱in xinkꞌaxtesi saꞌ rukꞌeb li cui̱nk laj Asiria li cuanqueb riqꞌuin xban nak quiraj cua̱nc riqꞌuineb.

Ezequiel 16:42

Ut chirix aꞌan ma̱cꞌaꞌak chic injoskꞌil saꞌ a̱be̱n. Ut moco xicꞌ ta chic tatcuil.

Ezequiel 16:37

Joꞌcan nak la̱in tinchꞌutubeb chixjunileb li cui̱nk li queꞌcuan a̱cuiqꞌuin, li nacacꞌojob cuiꞌ a̱chꞌo̱l, joꞌ eb ajcuiꞌ li xicꞌ nacacuileb. Tinchꞌutubeb cha̱jun sutam ut chiruheb aꞌan tincuisi la̱ cuakꞌ re nak tꞌustꞌu tatcana̱k chiruheb.

Jeremías 21:4

Li Ka̱cuaꞌ lix Dioseb laj Israel xye chi joꞌcaꞌin, “La̱in tinqꞌueheb chi oc saꞌ le̱ tenamit laj Babilonia li yo̱queb chixsutbal le̱ tenamit. Li chꞌi̱chꞌ li cuan saꞌ e̱rukꞌ re texpletik cuiꞌ riqꞌuineb laj Babilonia ma̱cꞌaꞌ ta̱oc cuiꞌ che̱ru. La̱ex incꞌaꞌ texru̱k chixsumenquileb.

Jeremías 15:6

La̱ex xine̱canab, chan li Ka̱cuaꞌ. Ut junelic nequeba̱nu li incꞌaꞌ us. Joꞌcan nak la̱in texinqꞌue chixtojbal e̱ma̱c. Incꞌaꞌ chic tincuil xtokꞌoba̱l e̱ru.

Isaías 1:24

Joꞌcan nak li Ka̱cuaꞌ li nimajcual Dios, li cau rib saꞌ xbe̱neb laj Israel, naxye chi joꞌcaꞌin: —La̱in tincuisi injoskꞌil saꞌ e̱be̱n la̱ex li xicꞌ nequex-iloc cue. Tinqꞌue re̱kaj e̱re li cꞌaꞌru nequeba̱nu cue.

Deuteronomio 28:63

Joꞌ nak quisahoꞌ xchꞌo̱l li Ka̱cuaꞌ nak quexqꞌue chi nabalocꞌ, joꞌcan ajcuiꞌ nak ta̱sahokꞌ xchꞌo̱l nak texqꞌue chi sachecꞌ. Tex-isi̱k saꞌ li naꞌajej li oc e̱re chire̱chaninquil.

Oseas 10:9

Li Ka̱cuaꞌ quixye reheb laj Israel: —Chalen nak quetiquib chak ma̱cobc aran Gabaa toj chalen anakcuan toj yo̱quex ajcuiꞌ chi ma̱cobc chicuu. Ut nak quicuan li ple̱t aran Gabaa riqꞌuineb li incꞌaꞌ useb xnaꞌleb, la̱ex incꞌaꞌ quex-osoꞌ.

1 Reyes 12:28

Joꞌcan nak laj Jeroboam quixpatzꞌ xnaꞌleb riqꞌuin laj qꞌuehol naꞌleb ut quixba̱nu joꞌ queꞌxye. Quixqꞌue chi yi̱ba̱c cuib li cuacax oro ut quixye reheb li tenamit: —La̱ex aj Israel, nabal sut ac xexcuulac chak Jerusalén chi lokꞌoni̱nc. Joꞌcan nak anakcuan arin chic texlokꞌoni̱nk. Arin cuan le̱ dios. Aꞌaneb aꞌin li xeꞌisin chak e̱re saꞌ li naꞌajej Egipto, chan laj Jeroboam reheb.

Li xHu LAJ JOB 39:10

¿Ma ta̱ru̱k ta biꞌ ta̱bacꞌ li yugo saꞌ xbe̱n ut ta̱min ru chi becoc chꞌochꞌ riqꞌuin arado? ¿Ma ta̱ru̱k ta biꞌ ta̱cꞌam cha̱cuix chi cꞌanjelac saꞌ pim?

Oseas 4:19

Chanchan nak teꞌcꞌamekꞌ yalak bar xban li ikꞌ nak teꞌosokꞌ. Ta̱cuulak xkꞌehil nak teꞌxuta̱nobresi̱k xban lix ma̱usilaleb.