Oseas 1:7 - Li Santil hu

⁷ Abanan eb li ralal xcꞌajol laj Judá tincuil xtokꞌoba̱l ruheb. La̱in li Ka̱cuaꞌ lix Dioseb. La̱in tincolok reheb. Incꞌaꞌ tebincol riqꞌuin tzimaj, chi moco riqꞌuin chꞌi̱chꞌ, chi moco riqꞌuin pletic, chi moco riqꞌuineb cui̱nk li nequeꞌchal chirix cacua̱y chi pletic, chan li Ka̱cuaꞌ.

Q'eqchi Bible

⁷ Ab'anan twil xtoq'ob'aal ru eb' laj Judá ut tinkoleb': maawa' rik'in simaj malaj q'esnal ch'iich', rik'in yalok malaj kawaay, chi moko rik'ineb' li neke'xik chirixeb' kawaay, sa' ink'ab'a' b'an laa'in li Qaawa', li xYoseb'”.

Oseas 1:7 ပူးပေါင်းရင်းမြစ်များ

Zacarías 4:6

Lix ángel li Ka̱cuaꞌ quichakꞌoc ut quixye cue: —Aꞌan aꞌin li quixye li Ka̱cuaꞌ re laj Zorobabel: Moco riqꞌuin ta e̱metzꞌe̱u chi moco riqꞌuin ta e̱cuanquil te̱ba̱nu li cꞌanjel aꞌin. Riqꞌuin ban lix cuanquil lin Santil Musikꞌ li tinqꞌue e̱re, chan li nimajcual Dios.

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

2 Reyes 19:35

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsi jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u ac camenakeb chic chixjunil.

Oseas 11:12

—Eb li ralal xcꞌajol laj Efraín junes ticꞌtiꞌic nequeꞌxba̱nu chicuu. Ut eb laj Israel junes balakꞌic nequeꞌxba̱nu. Ut eb laj Judá queꞌxkꞌetkꞌeti ribeb chicuu la̱in li tzꞌakal Dios ut yo̱queb chixqꞌuebal xlokꞌal li yi̱banbil dios.

Isaías 7:14

Joꞌcan ut nak li Ka̱cuaꞌ ta̱qꞌuehok e̱re junak retalil. Aꞌan aꞌin li retalil li ta̱qꞌuehekꞌ e̱re: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk xcꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ.

Isaías 49:6

Li Ka̱cuaꞌ quixye cue: —Ma̱cuaꞌ caꞌaj cuiꞌ aꞌin li cꞌanjel ta̱ba̱nu. Tinqꞌue ban chic jun li cꞌanjel a̱cue kꞌaxal lokꞌ. Ma̱cuaꞌ caꞌaj cuiꞌ xtenkꞌanquileb li ralal xcꞌajol laj Jacob ta̱ba̱nu re nak teꞌsukꞌi̱k cuiꞌchic cuiqꞌuin. Tatinqꞌue aj ban cuiꞌ chokꞌ xcutan xsakeneb li ma̱cuaꞌeb aj Israel ut la̱at tatyehok resil li colba-ib reheb li cuanqueb saꞌ chixjunil li ruchichꞌochꞌ.—

Salmos 33:16

Li acuabej re li ruchichꞌochꞌ ma̱ jokꞌe ta̱colekꞌ yal xbaneb lix soldados. Ut li cau rib incꞌaꞌ tixcol rib yal riqꞌuin xmetzꞌe̱u xjunes rib.

1 Samuel 17:47

Chixjunileb li chꞌutchꞌu̱queb arin teꞌxqꞌue retal nak li chꞌi̱chꞌ ut li la̱ns ma̱cꞌaꞌ na-oc cuiꞌ chiru li Dios. Aꞌ li Ka̱cuaꞌ, aꞌan li ta̱e̱chani̱nk re li ple̱t aꞌin ut aꞌan ta̱kꞌaxtesi̱nk e̱re saꞌ kukꞌ la̱o aj Israel, chan laj David.

2 Reyes 19:29

Ut laj Isaías quixye re laj Ezequías: —Aꞌan aꞌin li retalil li cꞌaꞌru ta̱cꞌulma̱nk. Saꞌ li chihab aꞌin ut saꞌ li chihab ta̱cha̱lk la̱ex te̱tzaca li ru li trigo li namok yal xjunes. Abanan saꞌ li rox chihab la̱ex tex-a̱uk ut texkꞌolok re nak textzaca̱nk. Te̱rau le̱ uvas ut te̱tzaca li ru li naxqꞌue.

Isaías 30:18

Abanan li Ka̱cuaꞌ yo̱ chiroybeninquil re ta̱ruxta̱na e̱ru. Naraj xcꞌutbesinquil che̱ru nak aꞌan naxtokꞌoba e̱ru. Li Ka̱cuaꞌ li nimajcual Dios aꞌan ti̱c xchꞌo̱l. Us xak reheb li nequeꞌxcꞌojob xchꞌo̱l riqꞌuin li Ka̱cuaꞌ.

Jeremías 25:5

Eb li profetas queꞌxye e̱re, “Canabomak xba̱nunquil li ma̱usilal. Me̱ba̱nu chic li incꞌaꞌ us re nak naru texcua̱nk saꞌ li naꞌajej li quiqꞌueheꞌ e̱re la̱ex ut reheb ajcuiꞌ le̱ xeꞌto̱nil yucuaꞌ chi junelic xban li Ka̱cuaꞌ.

Jeremías 25:6

Me̱lokꞌoniheb li jalanil dios chi moco texcꞌanjelak chiruheb, chi moco te̱ta̱keheb. Me̱chikꞌ injoskꞌil riqꞌuin xlokꞌoninquil li cꞌaꞌru xeyi̱b riqꞌuin le̱ rukꞌ re nak la̱in incꞌaꞌ tinqꞌue raylal saꞌ e̱be̱n,” chanqueb.

Jeremías 33:26

la̱in xintzꞌekta̱na ajcuiꞌ raj li ralal xcꞌajol laj Jacob ut eb li ralal xcꞌajol laj David laj cꞌanjel chicuu. Ut incꞌaꞌ raj quebinxakab chi takla̱nc eb li ralal xcꞌajol laj Abraham ut laj Isaac ut laj Jacob. Abanan la̱in incꞌaꞌ tintzꞌekta̱naheb. Tincuuxta̱na ban ruheb ut tebinqꞌue cuiꞌchic chi sukꞌi̱c saꞌ lix naꞌajeb li queꞌcꞌameꞌ cuiꞌ chi pre̱xil, chan li Ka̱cuaꞌ.

Oseas 1:8

Ut nak ac xmakꞌ xtuꞌ lix cꞌulaꞌal, lix Gomer quicuan jun chic xcꞌulaꞌal te̱lom.

Éxodo 14:13

Laj Moisés quixye reheb: —Mexxucuac. Cacuubresihomak ban e̱chꞌo̱l. Ho̱n nequeril chanru nak tocolekꞌ xban li Ka̱cuaꞌ Dios. Eb laj Egipto li yo̱quex chi rilbal anakcuan ma̱ jun cua chic te̱ril ruheb.

Éxodo 14:30

Joꞌcaꞌin nak li Ka̱cuaꞌ Dios quixcoleb laj Israel saꞌ rukꞌeb laj Egipto saꞌ li cutan aꞌan. Ut xban xcuanquil li Ka̱cuaꞌ Dios, eb laj Egipto queꞌcam saꞌ li palau. Eb laj Israel queꞌril nak camenakeb chic laj Egipto chire li palau.

2 Reyes 6:18

Nak ac oqueb re laj Siria chi pletic saꞌ li tenamit Dotán, li profeta quitijoc ut quixye: —At Ka̱cuaꞌ, at inDios, cheꞌmutzꞌokꞌ ta li xnakꞌ ruheb laj Siria, chan. Ut li Ka̱cuaꞌ quixsume lix tij ut quixqꞌueheb chi mutzꞌocꞌ lix nakꞌeb ru ut incꞌaꞌ chic queꞌiloc.

2 Reyes 19:34

La̱in tin-ilok re li tenamit ut la̱in ajcuiꞌ tincolok re. Tinba̱nu aꞌin saꞌ incꞌabaꞌ la̱in ut saꞌ xcꞌabaꞌ laj David li quicꞌanjelac chicuu,” chan li Ka̱cuaꞌ.—

Salmos 44:7

La̱at ban catcoloc ke chiruheb li xicꞌ nequeꞌiloc ke ut cacꞌuteb xxuta̱n.