Números 9:6 - Li Santil hu

⁶ Abanan cuanqueb cuib oxib li cui̱nk li incꞌaꞌ queꞌru xninkꞌeinquil li Pascua saꞌ li cutan aꞌan xban nak queꞌxmux ribeb xban xchꞌeꞌbal li camenak. Joꞌcan nak queꞌcuulac riqꞌuin laj Moisés ut laj Aarón saꞌ li cutan aꞌan.

Q'eqchi Bible

⁶ Ab'anan wankeb' winq ke'xmux rib' xb'aan xch'e'b'al junaq kamenaq; jo'kan naq ink'a' ke'ruhank chi xninq'ehinkil li Paswa sa' li kutan a'an. Toja' naq koxe'xk'ut rib' chiru laj Moisés ut laj Aharón sa' ajwi' li kutan a'an

Números 9:6 ပူးပေါင်းရင်းမြစ်များ

Números 27:2

Eb li o̱b chi ixk, li ri̱tzꞌineb rib, queꞌcuulac chiru li oqueba̱l re li tabernáculo ut queꞌxakli chiru laj Moisés, laj Eleazar laj tij, ut chiruheb li nequeꞌcꞌamoc be ut chiruheb ajcuiꞌ li chꞌutchꞌu̱queb aran ut queꞌxye reheb:

Éxodo 18:15

Laj Moisés quichakꞌoc ut quixye re: —Eb li cristian nequeꞌchal chi patzꞌoc cuiqꞌuin chirix li cꞌaꞌru naxye li Dios.

Números 19:16

Ut muxbilak ajcuiꞌ ru li ani ta̱chꞌeꞌok re junak camenak saꞌ cꞌaleba̱l, usta quicamsi̱c chi chꞌi̱chꞌ, malaj ut yal nacam chi joꞌcan. Ut muxbilak ru li ani ta̱chꞌeꞌok re xbakel li camenak malaj ut junak li mukleba̱l. Muxbil ru ta̱cana̱k chiru cuukub cutan.

Números 19:11

Li ani tixchꞌeꞌ junak camenak muxbil ru ta̱cana̱k chiru cuukub cutan.

San Juan 18:28

Toj ekꞌela chi us queꞌrisi li Jesús riqꞌuin laj Caifás ut queꞌxcꞌam saꞌ li naꞌajej li narakoc cuiꞌ a̱tin laj Pilato li acuabej aj Roma. Eb li nequeꞌtaklan saꞌ xbe̱neb laj judío incꞌaꞌ queꞌoc saꞌ li rochoch laj Pilato xban nak aꞌan ma̱cuaꞌ aj judío. Cui ta queꞌoc saꞌ rochoch junak ma̱cuaꞌ aj judío, queꞌxmux raj rib saꞌ lix pa̱ba̱leb. Xban nak queꞌraj cuaꞌac re li ninkꞌe Pascua, incꞌaꞌ queꞌru chi oc saꞌ li cab aꞌan.

Números 19:18

Chirix aꞌan junak li cui̱nk li incꞌaꞌ muxbil ru tixchap jun li rukꞌ cheꞌ hisopo ut tixtzꞌa saꞌ li haꞌ. Ut riqꞌuin li rukꞌ li hisopo tixrachrachi li haꞌ chiru li muheba̱l ut chiruheb chixjunil li cꞌaꞌak re ru cuan saꞌ li muheba̱l. Ut tixrachrachi ajcuiꞌ saꞌ xbe̱neb li cristian li cuanqueb aran. Tento nak ta̱rachrachi̱k li haꞌ saꞌ xbe̱neb li queꞌchꞌeꞌoc re xbakel li camenak, malaj ut li mukleba̱l, malaj ut junak li camenak li quicamsi̱c chi chꞌi̱chꞌ, malaj ut quicam yal chi joꞌcan.

Éxodo 18:26

Ut queꞌrakoc a̱tin rajlal cutan. Cui incꞌaꞌ nim li chꞌaꞌajquilal, eb li cui̱nk aꞌan queꞌrakoc a̱tin. Ut li nimla chꞌaꞌajquilal queꞌxcꞌam riqꞌuin laj Moisés.

Éxodo 18:19

Abi li cꞌaꞌru tinye a̱cue. Ut li Dios taxak chitenkꞌa̱nk a̱cue chixba̱nunquil. La̱at aj jalol a̱tin chiru li Dios chirixeb li cristian. Ta̱ye re li Dios cꞌaꞌru li chꞌaꞌajquilal cuanqueb cuiꞌ li cristian.

Números 27:5

Ut laj Moisés quixpatzꞌ re li Dios cꞌaꞌru tixba̱nu.

Números 15:33

Eb li queꞌtaꞌoc re chixsicꞌbal lix siꞌ queꞌxcꞌam li cui̱nk riqꞌuin laj Moisés ut laj Aarón chiruheb chixjunileb li tenamit.

Levítico 24:11

Li cui̱nk, lix yum li ixk aj Israel, quixhob ut quixmajecua xcꞌabaꞌ li Ka̱cuaꞌ. Joꞌcan nak quicꞌameꞌ riqꞌuin laj Moisés. Lix naꞌ Selomit xcꞌabaꞌ. Aꞌan lix rabin laj Dibri xcomoneb li ralal xcꞌajol laj Dan.

Levítico 21:11

Incꞌaꞌ naru na-oc cua̱nk cuiꞌ junak camenak, usta xnaꞌ usta xyucuaꞌ. Incꞌaꞌ naru tixmux rib riqꞌuineb aꞌan.

Números 9:7

Ut queꞌxye re laj Moisés: —La̱o xkamux kib xban xchꞌeꞌbal li camenak. Abanan, ¿cꞌaꞌut nak incꞌaꞌ ta̱ru̱k takaqꞌue kamayej re li Ka̱cuaꞌ saꞌ xkꞌehil kochbeneb li kacomon? chanqueb.

Números 19:14

Aꞌin li chakꞌrab tinqꞌue chirixeb li cuanqueb saꞌ li muheba̱l bar cuiꞌ nacam junak: muxbilakeb ru li cuanqueb saꞌ li muheba̱l ut muxbilakeb ru li ani teꞌoc saꞌ li muheba̱l aꞌan. Muxbilak ruheb chiru cuukub cutan.