Números 9:15 - Li Santil hu

¹⁵ Saꞌ li cutan nak quixakaba̱c li tabernáculo, quitzꞌapeꞌ xban jun li chok. Chalen saꞌ li ecuu toj nasake̱u li chok cuan saꞌ xbe̱n. Ut li chok chanchan xam.

Q'eqchi Bible

¹⁵ Sa' li kutan naq kixaqab'aak li Loq'laj Na'ajej, kichalk jun li choql sa' xb'een xna'aj li Loq'laj Kaax ut kikanaak aran. Chalen ewu toj eq'la li choql wank sa' xb'een li Loq'laj Na'ajej kama' xam.

Números 9:15 ပူးပေါင်းရင်းမြစ်များ

Éxodo 13:21

Cuan nak queꞌbe̱c chi kꞌek chi cutan. Chiru li cutan li Ka̱cuaꞌ Dios quicꞌamoc be chiruheb riqꞌuin jun chok ut chiru li kꞌojyi̱n quicꞌamoc be riqꞌuin jun xam saꞌ choxa re xcutanobresinquil ruheb lix beheb.

Éxodo 40:34

Quicube chak li chok ut quixtzꞌap li tabernáculo. Ut quinujac li tabernáculo riqꞌuin xlokꞌal li Dios.

Salmos 78:14

Quixtakla li chok chi cꞌamoc be chiruheb chi cutan ut chi kꞌek jun li xam quicꞌamoc be chiruheb.

Nehemías 9:19

Xban xnimal la̱ cuusilal la̱at incꞌaꞌ catzꞌekta̱naheb nak yo̱queb chak chi numecꞌ saꞌ li chaki chꞌochꞌ. La̱at ban catcꞌamoc be chiruheb xban nak li chok incꞌaꞌ quisach chiruheb nak yo̱queb chi be̱c chi cutan. Joꞌcan ajcuiꞌ chiru kꞌojyi̱n, incꞌaꞌ quisach li xam chiruheb li yo̱ chi cꞌutuc lix beheb nak yo̱queb chi xic.

1 Corintios 10:1

Ex inherma̱n, la̱in nacuaj nak texcꞌoxlak caꞌchꞌinak chirix li cꞌaꞌru queꞌxcꞌul li kaxeꞌto̱nil yucuaꞌ nak queꞌel saꞌ li tenamit Egipto. Li Dios quixtakla li chok chi cꞌamoc be chiruheb ut chixjunileb queꞌnumeꞌ jun pacꞌal li Caki Palau nak quixjach rib re teꞌnumekꞌ.

Isaías 4:5

Li Ka̱cuaꞌ tixqꞌue li chok ut li sib chi cutan saꞌ xbe̱n li tzu̱l Sión ut saꞌ xbe̱neb chixjunileb li cuanqueb aran Jerusalén ut tixqꞌue li xam chiru kꞌojyi̱n. Riqꞌuin aꞌin tixcꞌutbesi lix lokꞌal saꞌ xbe̱neb laj Israel.

Salmos 105:39

Li Dios quixqꞌue jun li chok re xmuheb laj Israel chi cutan ut quixqꞌue li xam re xcutanobresinquil lix beheb chiru kꞌojyi̱n.

Nehemías 9:12

La̱at catcꞌamoc be chiruheb laj Israel chi cutan riqꞌuin jun li chok ut chi kꞌek catcꞌamoc be chiruheb riqꞌuin jun li xam re nak teꞌril lix beheb bar yo̱keb chi xic.

Números 14:14

Ut teꞌxye resil reheb li cuanqueb Canaán. Eb aꞌan ac xeꞌrabi a̱cuesil. Ac nequeꞌxnau nak cuancat kiqꞌuin ut xcuil a̱cuu. Nequeꞌxnau nak la̱at catcꞌamoc be chiku riqꞌuin li chok chi cutan ut riqꞌuin li xam chiru kꞌojyi̱n.

Éxodo 40:38

Chi joꞌcan li chok li quitakla̱c xban li Dios cuan saꞌ xbe̱n li tabernáculo chi cutan. Ut chi kꞌek nacꞌutun joꞌ xam. Li chok yo̱ chi cꞌamoc be chiruheb laj Israel nak yo̱queb chi xic toj retal queꞌcuulac.

Éxodo 40:2

—Saꞌ xticlajic li xbe̱n po re li chihab te̱yi̱b li tabernáculo. Ut aran te̱chꞌutub e̱rib re tine̱lokꞌoni.

Éxodo 14:24

Nak yo̱ chi sake̱uc cuan li Ka̱cuaꞌ Dios saꞌ li chok ut saꞌ li xam. Quirileb laj Egipto ut quixtakla li raylal saꞌ xbe̱neb.

Éxodo 13:22

Li chok ut li xam cuan chi junelic. Incꞌaꞌ napaltoꞌ chi cꞌamoc be chiruheb.

Números 10:34

Ut li chok, li taklanbil xban li Ka̱cuaꞌ, cuan saꞌ xbe̱neb ut yo̱ chi cꞌamoc be chiruheb chi cutan nak yo̱queb chi xic.

Números 17:7

Ut laj Moisés quixqꞌueheb li xukꞌ chiru li Ka̱cuaꞌ saꞌ li tabernáculo.

Deuteronomio 1:33

Ut li Ka̱cuaꞌ yo̱ chi cꞌamoc be che̱ru riqꞌuin li xam chi kꞌojyi̱n ut li chok chi cutan. Quixcꞌut che̱ru bar te̱yi̱b cuiꞌ le̱ muheba̱l ut quixcꞌut che̱ru bar cuan li be te̱cꞌam nak texxic.

Éxodo 40:35

Laj Moisés incꞌaꞌ naru na-oc xban nak sutsu saꞌ chok li tabernáculo, ut nujenak riqꞌuin xlokꞌal li Dios.