Números 9:14 - Li Santil hu

¹⁴ Nak eb li jalaneb xtenamit li cuanqueb saꞌ e̱ya̱nk teꞌxninkꞌei li Pascua, tento nak teꞌxba̱nu joꞌ xexinchakꞌrabi cuiꞌ. Juntakꞌe̱t le̱ chakꞌrabinquil la̱ex riqꞌuin lix chakꞌrabinquileb li jalaneb xtenamit, chan li Dios.

Q'eqchi Bible

¹⁴ “Ut wi sa' eeyanq laa'ex wank junaq aj jalan tenamit, a'an ajwi' tento tixninq'ehi li Paswa sa' xk'ab'a' li Qaawa'. Jun paayaq ajwi' li mayejak sa' eeyanq, jo' cho'q re li jalan xtenamit jo' ajwi' cho'q laj ral ch'och'”.

Números 9:14 ပူးပေါင်းရင်းမြစ်များ

Levítico 24:22

Li chakꞌrab aꞌin tenebanbil saꞌ xbe̱neb laj Israel joꞌ eb ajcuiꞌ li jalaneb xtenamit. La̱in li Ka̱cuaꞌ le̱ Dios.—

Deuteronomio 31:12

Ta̱chꞌutub ruheb chixjunileb laj Israel, joꞌ cui̱nk, joꞌ ixk, joꞌ cocꞌal. Ut joꞌcan ajcuiꞌ li jalaneb xtenamit li cuanqueb saꞌ e̱ya̱nk. Ta̱chꞌutubeb chixjunileb re nak teꞌrabi ut teꞌxtzol rib chixba̱nunquil li naxye saꞌ li chakꞌrab aꞌin. Cheꞌxxucua ru li Ka̱cuaꞌ le̱ Dios ut teꞌxqꞌue xchꞌo̱l chixba̱nunquil li naxye li chakꞌrab.

Deuteronomio 29:11

Ut cuanqueb li ixk ut eb li cocꞌal joꞌ eb ajcuiꞌ li jalan xtenamiteb li cuanqueb saꞌ e̱ya̱nk, li nequeꞌyocꞌoc re le̱ siꞌ ut nequeꞌbelan re le̱ haꞌ.

Levítico 25:15

Lix xtzꞌak li chꞌochꞌ aꞌan aꞌ yal joꞌ najtil ta̱cua̱nk li chꞌochꞌ riqꞌuin li ani ta̱lokꞌok re ut aꞌ yal jarub sut ta̱e̱lk li racui̱mk saꞌ li chꞌochꞌ aꞌan toj ta̱cuulak li chihab re sahil chꞌo̱lejil.

Levítico 22:25

Incꞌaꞌ naru te̱mayeja li xul li xecꞌul riqꞌuin junak li jalan xtenamit. Eb li xul aꞌan incꞌaꞌ tzꞌakal re ruheb ut incꞌaꞌ teꞌcꞌulekꞌ xban li Ka̱cuaꞌ.

Levítico 19:10

Nak te̱sicꞌ ru le̱ uvas, incꞌaꞌ te̱sicꞌ chi us, chi moco te̱molcꞌa li natꞌaneꞌ. Te̱canab ban reheb li nebaꞌ ut reheb li jalaneb xtenamit. La̱in li Ka̱cuaꞌ le̱ Dios xinyehoc re aꞌin.

Éxodo 12:43

Li Ka̱cuaꞌ Dios quixye re laj Moisés ut laj Aarón: —Joꞌcaꞌin nak texninkꞌei̱k re xjulticanquil chanru nak quexcoleꞌ nak quilajeꞌcamsi̱c li xbe̱n ralaleb laj Egipto. Ma̱ jun jalan xtenamit ta̱tzaca̱nk re li tzacae̱mk aꞌin.

Éxodo 12:47

Chixjunileb laj Israel teꞌxba̱nu aꞌin.

Números 15:15

Li chakꞌrab aꞌin qꞌuebil e̱re la̱ex ut qꞌuebil ajcuiꞌ reheb li jalaneb xtenamit li cuanqueb saꞌ e̱ya̱nk. Aꞌin jun li chakꞌrab te̱ba̱nu chi junelic la̱ex joꞌ eb ajcuiꞌ li jalaneb xtenamit li cuanqueb saꞌ e̱ya̱nk.

Números 15:16

Li chakꞌrab li te̱ba̱nu la̱ex, aꞌan ajcuiꞌ li teꞌxba̱nu li jalaneb xtenamit li cuanqueb saꞌ e̱ya̱nk.

Esdras 6:21

Queꞌcuaꞌac chixjunileb laj Israel, eb li queꞌchapeꞌ ut queꞌcꞌameꞌ saꞌ jalan tenamit li queꞌsukꞌi cuiꞌchic Jerusalén. Queꞌcuaꞌac ajcuiꞌ chixjunileb li ma̱cuaꞌeb aj judío li queꞌxcanab xba̱nunquil li ma̱usilal ut queꞌoc saꞌ xya̱nkeb laj judío ut queꞌxqꞌue xlokꞌal li Ka̱cuaꞌ, lix Dioseb laj Israel.