Números 9:13 - Li Santil hu

¹³ Ut cui cuan junak li incꞌaꞌ tixninkꞌei li Pascua ut moco muxbil ta ru chi moco yo̱ ta chi viajic, li jun aꞌan ta̱isi̱k saꞌ xya̱nkeb laj Israel xban nak incꞌaꞌ quixqꞌue xmayej chicuu saꞌ xkꞌehil. Tento nak li jun aꞌan tixtoj rix lix ma̱c xban nak incꞌaꞌ quixninkꞌei li Pascua.

Q'eqchi Bible

¹³ Ab'anan wi junaq ink'a' xmuxum rib' ut maab'ar xkoho, ut tixkanab' xninq'ehinkil li Paswa, li winq a'an taa'isiiq sa' xyanqeb' laj Israel. A'an junelik wanq xmaak sa' xb'een, xb'aan naq ink'a' xmayejak chiru li Qaawa' tz'aqal sa' xkutankil.

Números 9:13 ပူးပေါင်းရင်းမြစ်များ

Éxodo 12:15

Chiru cuukub cutan yo̱kex chi ninkꞌei̱k. Saꞌ li xbe̱n cutan te̱risi saꞌ le̱ rochoch chixjunil li naxqꞌue chi si̱pocꞌ li caxlan cua. Re li cuukub cutan li caxlan cua li te̱cuaꞌ, aꞌan xcomon li ma̱cꞌaꞌ xchꞌamal. Ut cui junak cristian tixcuaꞌ li caxlan cua xcomon li cuan xchꞌamal, li cristian aꞌan ta̱isi̱k saꞌ e̱ya̱nk.

Génesis 17:14

Cui junak cui̱nk incꞌaꞌ tixcꞌul li circuncisión, aꞌan tzꞌekta̱nanbilak xban nak aꞌan xkꞌet lin chakꞌrab, chan li Dios.

Números 9:7

Ut queꞌxye re laj Moisés: —La̱o xkamux kib xban xchꞌeꞌbal li camenak. Abanan, ¿cꞌaꞌut nak incꞌaꞌ ta̱ru̱k takaqꞌue kamayej re li Ka̱cuaꞌ saꞌ xkꞌehil kochbeneb li kacomon? chanqueb.

Hebreos 12:25

Me̱tzꞌekta̱na li ra̱tin li Dios joꞌ queꞌxba̱nu eb laj Israel. Eb aꞌan incꞌaꞌ queꞌxcuy rabinquil xchakꞌrab li Dios ut queꞌxtzꞌekta̱na li ra̱tin nak quichꞌoloba̱c chak xya̱lal chiruheb aran saꞌ li tzu̱l. Ut quirakeꞌ a̱tin saꞌ xbe̱neb. Cui incꞌaꞌ queꞌcoleꞌ eb aꞌan, ¿ma tojaꞌ ta chic la̱o tocolekꞌ cui takatzꞌekta̱na li Dios li naa̱tinac chak toj saꞌ choxa?

Hebreos 9:28

Joꞌcan nak li Jesucristo jun sut ajcuiꞌ quixmayeja rib re risinquil lix ma̱queb li qꞌuila tenamit. Mokon tol-e̱lk cuiꞌchic, aban ma̱cuaꞌ chic re cuyuc ma̱c ta̱cha̱lk. Tol-e̱lk ban li Jesucristo re xtzꞌakobresinquil li kacolbal chikajunil li yo̱co chi yoꞌoni̱nc re.

Hebreos 6:6

Cuan li ac xeꞌtzꞌakon riqꞌuin li rusilal li Dios ut nequeꞌxtzꞌekta̱na chirix xchꞌo̱l. Chanchan nak yo̱queb cuiꞌchic chixqꞌuebal chiru cruz li Jesucristo, li Ralal li Dios. Yo̱queb chixqꞌuebal chi hobecꞌ ut chi seꞌe̱c xbaneb li tenamit. Eb aꞌan incꞌaꞌ chic naru teꞌyotꞌekꞌ xchꞌo̱l ut incꞌaꞌ chic teꞌxjal xcꞌaꞌux xban nak yo̱queb chixtzꞌekta̱nanquil li Jesucristo.

Hebreos 2:3

Cui eb aꞌan queꞌxcꞌul xtojbal xma̱c, ¿chan put ru nak tocolekꞌ la̱o chiru li tojba ma̱c cui nakatzꞌekta̱na li lokꞌlaj colba-ib li quixyechiꞌi ke li Ka̱cuaꞌ Jesucristo? Li Jesucristo quixyechiꞌi ke li kacolbal kꞌaxal lokꞌ. Ut chirix aꞌan, eb li queꞌabin re li ra̱tin, aꞌan eb ajcuiꞌ queꞌchꞌoloban lix ya̱lal chiku.

Ezequiel 23:49

Eb li cuib chi ixk aꞌan teꞌxcꞌul chi joꞌcan xban li ma̱usilal xeꞌxba̱nu. Teꞌxtoj rix li ma̱c xeꞌxba̱nu nak xeꞌxlokꞌoniheb li jalanil dios. Ut riqꞌuin aꞌin che̱junilex te̱qꞌue retal nak la̱in li nimajcual Dios.—

Números 19:13

Yalak ani li ta̱chꞌeꞌok re junak camenak ut incꞌaꞌ tixsantobresi rib, li jun aꞌan tixmux ru lix tabernáculo li Ka̱cuaꞌ. Tento nak ta̱isi̱k saꞌ xya̱nkeb laj Israel. Muxbil ru ta̱cana̱k xban nak incꞌaꞌ quirachrachi̱c li haꞌ saꞌ xbe̱n re santobresi̱c.

Números 5:31

Cui li ixk quixmux ru xsumlajic, tento nak tixtoj rix lix ma̱c ut li be̱lomej ma̱cꞌaꞌak xma̱c.

Levítico 20:20

Cui junak cui̱nk tixchꞌic rib riqꞌuin li ras malaj ut riqꞌuin li rixakil li rican, li cui̱nk aꞌan tixcꞌut xxuta̱n li rican. Li cui̱nk joꞌ ajcuiꞌ li ixk teꞌxtoj rix li ma̱c queꞌxba̱nu. Teꞌca̱mk chi incꞌaꞌ teꞌcua̱nk ralal xcꞌajoleb.

Levítico 17:10

Cui junak aj Israel, malaj ut junak jalan xtenamit cua̱nk saꞌ e̱ya̱nk, tixtiu li quicꞌ, la̱in tinjoskꞌokꞌ riqꞌuin ut tincuisi aꞌan saꞌ e̱ya̱nk la̱ex aj Israel.

Levítico 17:4

ut cui incꞌaꞌ tixcꞌam chiru li oqueba̱l re li tabernáculo re tixmayeja chiru li Ka̱cuaꞌ, li cui̱nk aꞌan cua̱nk xma̱c xban nak quicamsin. Ta̱cana̱k joꞌ jun aj camsinel. Tento nak ta̱isi̱k saꞌ xya̱nkeb laj Israel xban nak quirisi xquiqꞌuel li xul.

Levítico 22:9

Chixjunileb laj tij teꞌxba̱nu li chakꞌrab li quinqꞌue reheb. Cui incꞌaꞌ teꞌxba̱nu teꞌma̱cobk ut teꞌca̱mk xban nak teꞌxkꞌet li chakꞌrab. La̱in li Ka̱cuaꞌ. La̱in ninsantobresin reheb.

Éxodo 12:19

Cuukub cutan tzꞌakal ma̱cꞌaꞌak li caxlan cua li cuan xchꞌamal saꞌ le̱ rochoch. Li ani ta̱cuaꞌok li caxlan cua li cuan xchꞌamal usta yal numecꞌ yo̱ saꞌ e̱ya̱nk, aꞌan ta̱isi̱k saꞌ e̱ya̱nk la̱ex aj Israel.

Éxodo 12:47

Chixjunileb laj Israel teꞌxba̱nu aꞌin.

Éxodo 30:33

Cui ani tixyi̱b jun chic li aceite joꞌ aꞌin, li jun aꞌan ta̱isi̱k saꞌ xya̱nkeb laj Israel. Ut cui ani tixqꞌue saꞌ xbe̱n junak li ma̱cuaꞌ aj tij, aꞌan ta̱isi̱k ajcuiꞌ saꞌ xya̱nkeb laj Israel.

Éxodo 30:38

Cui ani tixyi̱b junak chic incienso joꞌ aꞌin yal re ta̱rutzꞌ, li jun aꞌan ta̱isi̱k saꞌ xya̱nkeb laj Israel.

Levítico 24:15

Ta̱ye reheb laj Israel nak li ani tixmajecua li Dios, tento nak tixtoj rix lix ma̱c.

Números 19:20

Abanan cui incꞌaꞌ tixsantobresi rib junak li muxbil ru, tento nak li jun aꞌan ta̱isi̱k saꞌ xya̱nkeb laj Israel xban nak quixmux ru lix tabernáculo li Ka̱cuaꞌ. Muxbil ru ta̱cana̱k xban nak incꞌaꞌ quirachrachi̱c li haꞌ saꞌ xbe̱n re santobresi̱c.