Números 8:8 - Li Santil hu

⁸ Chirix aꞌan teꞌxqꞌue junak li toro toj sa̱j chokꞌ xcꞌatbil mayejeb rochben li cha̱bil cꞌaj yokꞌbil riqꞌuin aceite. Ut teꞌxqꞌue ajcuiꞌ jun li toro toj sa̱j re teꞌxmayeja re xtzꞌa̱manquil xcuybal li ma̱c.

Q'eqchi Bible

⁸ Chirix chik a'an, te'xk'e junaq wakax rochb'een li k'aj yoq'inb'il rik'in aseeyt, ut laa'at taak'e jun chik li wakax re xmayejankil chirix li kuyuk maak.

Números 8:8 ပူးပေါင်းရင်းမြစ်များ

Levítico 2:1

Nak junak cristian tixmayeja ru li racui̱mk, tento nak tixqꞌue li cha̱bil cꞌaj. Tixqꞌue aceite saꞌ xbe̱n ut tixqꞌue ajcuiꞌ incienso.

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

Romanos 8:3

Li najter chakꞌrab incꞌaꞌ naru toxcol chiru li ma̱c ut li ca̱mc. Ma̱cꞌaꞌ xcuanquil re kacolbal xban nak incꞌaꞌ nocoru chixba̱nunquil li naxye. Incꞌaꞌ nocoru chixba̱nunquil li naxye xban nak chalen chak saꞌ kayoꞌlajic la̱o aj ma̱c. Aban li Dios xoxcol chiru li ma̱c. Quixtakla chak li Jesucristo li Ralal chi tzꞌejcualocꞌ saꞌ ruchichꞌochꞌ. Li Ka̱cuaꞌ Jesucristo quixmayeja rib re xsachbal xcuanquil li ma̱c.

Isaías 53:10

Li Dios ac cuan saꞌ xchꞌo̱l nak ta̱rahobtesi̱k ut quixqꞌue chi cꞌuluc raylal. Quicam re xcuybal xsachbal li kama̱c. Ta̱najtokꞌ rok lix yuꞌam ut ta̱rileb ru li ralal xcꞌajol. Ut saꞌ xcꞌabaꞌ aꞌan ta̱tzꞌaklok ru li cꞌaꞌru quiraj li Dios.

Levítico 16:3

Nak ta̱oc laj Aarón cuan cuiꞌ li tabernáculo, tento nak tixcꞌam jun cuacax te̱lom li ta̱mayeja̱k re xtzꞌa̱manquil xcuybal li ma̱c. Ut tixcꞌam ajcuiꞌ jun li carner te̱lom chokꞌ re li cꞌatbil mayej.

Levítico 8:2

—Ta̱xakabeb laj Aarón ut eb li ralal chi cꞌanjelac chokꞌ aj tij. Ta̱cꞌameb chiru li oqueba̱l re li tabernáculo. Ut ta̱cꞌam ajcuiꞌ li rakꞌeb laj tij ut li aceite re xqꞌuebal saꞌ xjolomeb. Ta̱cꞌam junak li toro li ta̱mayeja̱k re xtzꞌa̱manquil xcuybal lix ma̱queb. Ut ta̱cꞌameb ajcuiꞌ cuib li carner te̱lom ut li chacach li cuan cuiꞌ li caxlan cua li ma̱cꞌaꞌ xchꞌamal.

Levítico 4:14

Ut nak teꞌxnau nak ma̱c li xeꞌxba̱nu, li tenamit teꞌxqꞌue junak li sa̱j toro chokꞌ xmayej re xtzꞌa̱manquil xcuybal lix ma̱queb. Li mayej aꞌan teꞌxcꞌam chiru li tabernáculo.

Levítico 4:3

Cui nama̱cob junak li xbe̱nil aj tij, lix ma̱c nacana saꞌ xbe̱neb li tenamit. Tento nak li xbe̱nil aj tij tixmayeja jun li toro toj sa̱j ut tzꞌakal re ru. Joꞌcaꞌin nak tixtoj rix lix ma̱c chiru li Ka̱cuaꞌ.

Levítico 1:3

Cui cuacax teꞌxqꞌue chokꞌ xcꞌatbil mayej, tento nak teꞌxqꞌue li toro tzꞌakalak re ru. Ut teꞌxqꞌue joꞌ na-ala saꞌ xchꞌo̱leb. Teꞌxcꞌam lix mayej chiru li Ka̱cuaꞌ saꞌ li oqueba̱l re li tabernáculo li nequeꞌxchꞌutub cuiꞌ ribeb li tenamit chixlokꞌoninquil li Dios.

Éxodo 29:3

Te̱qꞌue saꞌ jun li chacach ut te̱cꞌam saꞌ li tabernáculo re te̱mayeja chicuu rochben li chꞌina toro ut li cuib chi carner.

Éxodo 29:1

Aꞌan aꞌin li ta̱ba̱nu nak ta̱kꞌaxtesiheb ut ta̱xakabeb chi cꞌanjelac chicuu chokꞌ aj tij: Ta̱sicꞌ jun li toro toj sa̱j ut cuib li carner te̱lom li cha̱bileb. Ma̱cꞌaꞌak xyajeleb.