Números 8:7 - Li Santil hu

⁷ Joꞌcaꞌin ta̱ba̱nu re xsantobresinquileb. Ta̱rachrachi saꞌ xbe̱neb li haꞌ li nacꞌanjelac re santobresi̱nc ut ta̱ye reheb nak teꞌxjo li rismaleb ut teꞌxpuchꞌ li rakꞌeb re nak teꞌcana̱k chi santobresinbil.

Q'eqchi Bible

⁷ B'aanu chi jo'ka'in: taapuuxiheb' rik'in osob'tesinb'il ha'. Te'xjo chixjunil li xjunqxaqalileb', te'xpuch' li raq'eb' ut ch'ajob'resinb'ileb' te'kanaaq.

Números 8:7 ပူးပေါင်းရင်းမြစ်များ

Números 19:13

Yalak ani li ta̱chꞌeꞌok re junak camenak ut incꞌaꞌ tixsantobresi rib, li jun aꞌan tixmux ru lix tabernáculo li Ka̱cuaꞌ. Tento nak ta̱isi̱k saꞌ xya̱nkeb laj Israel. Muxbil ru ta̱cana̱k xban nak incꞌaꞌ quirachrachi̱c li haꞌ saꞌ xbe̱n re santobresi̱c.

Levítico 8:6

Tojoꞌnak laj Moisés quixcꞌameb chi ubej laj Aarón ut eb li ralal ut quixchꞌajeb re xsantobresinquileb.

Apocalipsis 7:14

Ut la̱in quinchakꞌoc ut quinye re: —Ka̱cuaꞌ, la̱at nacatnaꞌoc re.— Ut aꞌan quixye cue: —Aꞌaneb aꞌin li xeꞌcuyuc chak xnumsinquil li nimla raylal xeꞌxcꞌul. Aꞌaneb li cuybil sachbil lix ma̱queb xban nak quihoyeꞌ xquiqꞌuel li Jun li chanchan carner nak quicam saꞌ xcꞌabaꞌeb.

1 Pedro 3:21

Li butꞌi haꞌ, aꞌan retalil li cubi haꞌ colbilex cuiꞌ anakcuan. Li cubi haꞌ, aꞌan ma̱cuaꞌ re risinquil lix tzꞌajnil li katibel. Cuan ban xya̱lal. Aꞌan retalil nak cuybil sachbil chic li kama̱c. Ut nakatzꞌa̱ma chiru li Dios nak cha̱bilak li kacꞌaꞌux. Colbilo xban nak quicuacli cuiꞌchic chi yoꞌyo li Jesucristo.

Santiago 4:8

Cauhak e̱chꞌo̱l riqꞌuin li Dios ut li Dios ta̱tenkꞌa̱nk e̱re. La̱ex aj ma̱c, jalomak e̱cꞌaꞌux. Me̱ba̱nu chic li ma̱usilal. Joꞌcan ajcuiꞌ la̱ex li yal cuib e̱chꞌo̱l saꞌ le̱ pa̱ba̱l, yotꞌomak e̱chꞌo̱l ut jalomak e̱cꞌaꞌux re nak li Dios tixti̱cobresi le̱ chꞌo̱l.

Hebreos 9:13

Saꞌ lix pa̱ba̱leb junxil cuan nak riqꞌuin li cꞌaꞌru nequeꞌxba̱nu laj tij, nequeꞌxmux ru lix cꞌanjel saꞌ li tabernáculo. Ut re xsachbal lix paltileb queꞌxmayeja li chiba̱t ut li toro. Lix quiqꞌuel ut lix chahil li cꞌatbil tukꞌ ixk cuacax narachrachi̱c saꞌ xbe̱neb laj tij.

Hebreos 9:10

Saꞌ lix pa̱ba̱leb junxil cuan li chakꞌrab chirix li cꞌaꞌru teꞌxtzaca ut cꞌaꞌru teꞌrucꞌ joꞌ ajcuiꞌ chanru nak teꞌchꞌajok re xsantobresinquileb rib. Usta incꞌaꞌ quijala lix naꞌlebeb, aban tento queꞌxba̱nu li chakꞌrab aꞌan toj quicuulac xkꞌehil nak li Dios quixjal nak quixqꞌue li acꞌ naꞌleb.

Ezequiel 36:25

Chanchan nak texinchꞌajobresi riqꞌuin sak ru haꞌ nak tincuisi li ma̱usilal xeba̱nu nak xemux e̱rib riqꞌuin xlokꞌoninquil li jalanil dios.

Jeremías 4:14

La̱ex aj Jerusalén, canabomak xba̱nunquil li ma̱usilal re nak naru texcolekꞌ. ¿Joꞌ najtil chic toj yo̱kex xcꞌoxlanquil xba̱nunquil li ma̱usilal?

Isaías 52:15

Abanan nabaleb li tenamit teꞌsach xchꞌo̱leb xban ut li nequeꞌtaklan saꞌ ruchichꞌochꞌ mem teꞌcana̱k nak teꞌril li ma̱ jun sut rilomeb ut nak teꞌxtau ru lix ya̱lal li ma̱ jun sut rabiomeb, chan li Dios.

Salmos 51:7

Chati̱cobresi taxak inchꞌo̱l re nak ma̱cꞌaꞌak chic inma̱c. Isi li ma̱c li cuan saꞌ li cua̱m re nak ta̱cana̱k chi sak ru joꞌ li ratzꞌam que.

Salmos 51:2

Chacuisiheb taxak lin ma̱usilal ut chati̱cobresi taxak lin chꞌo̱l re nak ma̱cꞌaꞌak chic inma̱c.

Números 31:20

Tento nak te̱santobresi ajcuiꞌ chixjunil li tꞌicr ut li cꞌaꞌak re ru yi̱banbil riqꞌuin tzꞌu̱m, ut li rix li chiba̱t joꞌ ajcuiꞌ li yi̱banbil riqꞌuin cheꞌ, chan.

Levítico 16:28

Li ani ta̱cꞌatok reheb lix tibel li xul aꞌan, tento nak ta̱ati̱nk ut tixpuchꞌ li rakꞌ. Chirix aꞌan naru na-oc saꞌ li naꞌajej li cuanqueb cuiꞌ lix muheba̱leb laj Israel.

Levítico 15:27

Ut muxbilak ru li ani ta̱chꞌeꞌok re li cꞌaꞌak re ru aꞌin. Tento nak ta̱ati̱nk ut tixpuchꞌ li rakꞌ. Muxbil ru ta̱cana̱k toj ta̱oc li kꞌojyi̱n.

Levítico 15:6

Ut muxbilak ru li ani ta̱cꞌojla̱k saꞌ li naꞌajej li xcꞌojla cuiꞌ li cui̱nk aꞌan. Tento nak ta̱ati̱nk ut tixpuchꞌ li rakꞌ ut muxbil ru ta̱cana̱k toj ta̱oc li kꞌojyi̱n.

Éxodo 19:10

Li Dios quixye re laj Moisés: —Tatxic riqꞌuineb li cristian. Chiru li cutan aꞌin ut cuulaj ta̱kꞌaxtesiheb saꞌ cuukꞌ. Eb aꞌan teꞌxpuchꞌ li rakꞌeb, ut teꞌxti̱cobresi lix yuꞌameb chi tzꞌakal. Teꞌati̱nk ut teꞌxpuchꞌ li rakꞌeb joꞌ retalil nak xeꞌxyi̱b xyuꞌameb.

Génesis 35:2

Laj Jacob quixye reheb li ralal xcꞌajol joꞌ eb ajcuiꞌ li cuanqueb rubel xtakl: —Isihomak chixjunileb li jalanil dios li cuanqueb e̱riqꞌuin. Tex-ati̱nk ut texjalok chokꞌ retalil nak te̱canab xba̱nunquil li ma̱usilal.

Números 8:21

Eb laj levita queꞌxsantobresi ribeb ut queꞌxpuchꞌ li rakꞌeb. Ut laj Aarón quixkꞌaxtesiheb re li Ka̱cuaꞌ joꞌ jun mayej ut quixsantobresiheb chiru li Ka̱cuaꞌ.