Números 8:24 - Li Santil hu

²⁴ —Teꞌcꞌanjelak saꞌ li tabernáculo li cuanqueb o̱b xcaꞌcꞌa̱l chihab reheb, joꞌ eb ajcuiꞌ li ac numenakeb o̱b xcaꞌcꞌa̱l chihab.

Q'eqchi Bible

²⁴ “Eb' laj Leví tento te'ok chi k'anjelak sa' li Loq'laj Na'ajej chalen laj oob' xka'k'aal chihab',

Números 8:24 ပူးပေါင်းရင်းမြစ်များ

1 Crónicas 23:3

Quixtakla rajlanquileb chixjunileb li ralal xcꞌajol laj Leví li cuanqueb laje̱b xcaꞌcꞌa̱l chihab reheb, joꞌ ajcuiꞌ li numenakeb laje̱b xcaꞌcꞌa̱l chihab. Nak queꞌajla̱c cuanqueb cuakxaklaju xcaꞌcꞌa̱l mil (38,000) chi cui̱nk.

Números 4:3

Ta̱cuajlaheb chixjunileb li cui̱nk li cuan laje̱b xcaꞌcꞌa̱l (30) chihab reheb joꞌ eb ajcuiꞌ li ac numenak laje̱b roxcꞌa̱l chihab toj ta̱cuulak laje̱b roxcꞌa̱l (50) chihab. Aꞌaneb li teꞌoc chi cꞌanjelac saꞌ li tabernáculo.

2 Corintios 10:4

Ut li kacꞌanjeleba̱l re pletic riqꞌuin li ma̱usilal ma̱cuaꞌ joꞌ li cꞌanjeleba̱l re ruchichꞌochꞌ. Re ban li Dios ut kꞌaxal nim xcuanquil re xsachbal chixjunil lix cꞌanjel li ma̱usilal.

1 Corintios 9:7

Junak soldado, ¿ma incꞌaꞌ ta biꞌ tixcꞌul lix tojbal? Ut junak aj acuinel, ¿ma incꞌaꞌ ta biꞌ tixtzaca li ru li racui̱mk? Ut junak aj qꞌuiresinel cuacax, ¿ma incꞌaꞌ ta biꞌ ta̱rucꞌ re lix leche lix cuacax?

Números 4:23

Ta̱cuajla chixjunileb li cui̱nk li cuan laje̱b xcaꞌcꞌa̱l chihab reheb joꞌ eb ajcuiꞌ li ac numenakeb laje̱b xcaꞌcꞌa̱l chihab toj ta̱cuulak laje̱b roxcꞌa̱l chihab. Aꞌaneb li teꞌoc chi cꞌanjelac saꞌ li tabernáculo.

1 Timoteo 6:12

Yal a̱kꞌe chi qꞌui̱c saꞌ la̱ pa̱ba̱l ut qꞌue a̱chꞌo̱l chire̱chaninquil li junelic yuꞌam, li bokbilat cuiꞌ xban li Dios. La̱at xaye ut xacꞌutbesi chi tzꞌakal la̱ pa̱ba̱l chiruheb nabal.

1 Timoteo 1:18

At Timoteo, chanchanat li cualal chicuu nak nacatcuil. Tinqꞌue a̱cue la̱ taklanquil joꞌ queꞌxye li profeta cha̱cuix junxil. Li a̱tin queꞌxye, aꞌan ta̱qꞌuehok xcacuil a̱chꞌo̱l chixba̱nunquil li cꞌanjel qꞌuebil a̱cue. Joꞌcan ut nak yal a̱kꞌe chi cꞌanjelac chiru li Ka̱cuaꞌ.

Números 1:53

Ut eb li ralal xcꞌajol laj Leví teꞌxyi̱b lix muheba̱leb chi xjun sutam li tabernáculo. Ut aꞌaneb li teꞌilok re, re nak li Dios incꞌaꞌ ta̱joskꞌokꞌ saꞌ xbe̱neb laj Israel.

Números 4:30

Ta̱cuajla chixjunileb li cui̱nk li cuan laje̱b xcaꞌcꞌa̱l chihab reheb joꞌ eb ajcuiꞌ li ac numenakeb laje̱b xcaꞌcꞌa̱l chihab toj ta̱cuulak laje̱b roxcꞌa̱l chihab. Aꞌaneb li teꞌoc chi cꞌanjelac saꞌ li tabernáculo.

Números 4:43

Queꞌrajla chixjunileb li cui̱nk li ac cuan laje̱b xcaꞌcꞌa̱l chihab reheb joꞌ eb ajcuiꞌ li ac numenakeb laje̱b xcaꞌcꞌa̱l chihab toj quicuulac laje̱b roxcꞌa̱l chihab reheb. Aꞌaneb li queꞌoc chi cꞌanjelac saꞌ li tabernáculo.

Números 8:23

Li Ka̱cuaꞌ quia̱tinac cuiꞌchic riqꞌuin laj Moisés ut quixye re:

Números 8:25

Abanan nak teꞌxba̱nu laje̱b roxcꞌa̱l chihab, teꞌxcanab cꞌanjelac. Incꞌaꞌ chic teꞌcꞌanjelak saꞌ li tabernáculo.

2 Crónicas 31:17

Ut queꞌxjeqꞌui ajcuiꞌ reheb laj tij li tzꞌi̱banbil xcꞌabaꞌeb saꞌ li hu li tzꞌi̱banbil cuiꞌ xcꞌabaꞌeb laj tij, ut reheb ajcuiꞌ laj levita li ac xeꞌxba̱nu junmay chihab aꞌ yal joꞌ qꞌuialeb saꞌ li ju̱nk chꞌu̱tal ut aꞌ yal cꞌaꞌru lix cꞌanjeleb.