Números 8:17 - Li Santil hu

¹⁷ Chixjunileb li xbe̱n ralaleb laj Israel, aꞌan cueheb la̱in. Ut cueheb ajcuiꞌ li xbe̱n raleb li xul li te̱lom. La̱in quinsiqꞌueb ru nak quinqꞌueheb chi ca̱mc li xbe̱n alalbej aran Egipto.

Q'eqchi Bible

¹⁷ Xb'aan naq weheb' chixjunileb' li xb'een ralaleb' laj Israel, jo' li ralaleb' li winq malaj li xb'een raleb' li ketomq: kinsik'eb' ru cho'q we sa' li kutan kinsacheb' wi' chixjunil li xb'een ralaleb' laj Ejiipt.

Números 8:17 ပူးပေါင်းရင်းမြစ်များ

San Lucas 2:23

Queꞌxba̱nu chi joꞌcan xban nak saꞌ li chakꞌrab li quiqꞌueheꞌ reheb xban li Ka̱cuaꞌ naxye nak li xbe̱n alalbej tento ta̱kꞌaxtesi̱k saꞌ rukꞌ li Ka̱cuaꞌ.

Santiago 1:18

Xban nak joꞌcan quiraj li Dios, joꞌcan nak quixye nak chiru li Dios chanchano li xbe̱n ru li racui̱mk li quixyoꞌobtesi chak.

Hebreos 11:28

Xban lix pa̱ba̱l, laj Moisés quixba̱nu li pascua joꞌ quiyeheꞌ re xban li Dios. Nak e̱lqueb re Egipto quixtakla xqꞌuebal xquiqꞌuel li carner chiruheb li puerta. Ut nak quinumeꞌ li ángel chi camsi̱nc, ma̱ jun li xbe̱n ralaleb laj Israel quixcamsi.

Hebreos 10:29

Numtajenak cuiꞌchic ra teꞌxcꞌul li nequeꞌtzꞌekta̱nan re li Ralal li Dios ut nequeꞌxsach xcuanquil lix quiqꞌuel xban nak riqꞌuin xquiqꞌuel li Jesucristo xakabanbil xcuanquil li acꞌ contrato ut santobresinbilo la̱o. Numtajenak cuiꞌchic ra teꞌxcꞌul li nequeꞌxmajecua li Santil Musikꞌej li naqꞌuehoc ke li rusilal li Dios.

San Juan 17:19

Saꞌ xcꞌabaꞌ eb aꞌan xinkꞌaxtesi cuib la̱in chixba̱nunquil li cꞌaꞌru xaye cue. Ut saꞌ xcꞌabaꞌ li ya̱l li xinye eb aꞌan teꞌxkꞌaxtesi ajcuiꞌ ribeb chixba̱nunquil li cꞌaꞌru nacacuaj.

San Juan 10:36

Li Acuabej Dios xsicꞌoc cuu ut xinixtakla chak saꞌ ruchichꞌochꞌ. ¿Cꞌaꞌut nak nequeye la̱ex nak yo̱quin chixmajecuanquil li Dios riqꞌuin nak ninye nak la̱in li Ralal?

Ezequiel 20:12

La̱in quinye reheb nak teꞌx-oxlokꞌi li hiloba̱l cutan chokꞌ retalil li contrato li xkaba̱nu chi kibil kib nak la̱in li Ka̱cuaꞌ ninsantobresin reheb.

Salmos 135:8

Quixtakla xcamsinquileb li xbe̱n alalbej joꞌqueb ajcuiꞌ li xbe̱n ral li queto̱mk aran Egipto.

Salmos 105:36

Ut li Dios quixqꞌueheb chi ca̱mc li xbe̱n ralaleb laj Egipto. Quixqꞌueheb chi ca̱mc li kꞌaxal raro xbaneb.

Salmos 78:51

Li Dios quixcanabeb chi camsi̱c li xbe̱n ralaleb laj Egipto, li ralal xcꞌajoleb laj Cam.

Números 3:13

Joꞌcan nak eb laj levitas cueheb la̱in, xban nak li xbe̱n li nayoꞌla cue la̱in chalen najter nak xinqꞌueheb chi camsi̱c li xbe̱n alalbej aran Egipto. Xinsiqꞌueb ru li xbe̱n alalbej ut cueheb la̱in. Usta cui̱nk, usta xul, cuehakeb la̱in li Ka̱cuaꞌ.—

Levítico 27:26

Ma̱ ani naru tixyechiꞌi re li Ka̱cuaꞌ li xbe̱n xul li nayoꞌla, xban nak aꞌan ac re li Ka̱cuaꞌ. Usta cuacax, usta carner li xbe̱n li nayoꞌla, aꞌan re li Ka̱cuaꞌ.

Éxodo 29:44

La̱in tinsantobresi li tabernáculo ut tinsantobresi li artal. Tinsantobresi laj Aarón joꞌqueb ajcuiꞌ li ralal re nak teꞌcꞌanjelak chicuu chokꞌ aj tij.

Éxodo 12:29

Tuktu kꞌojyi̱n nak quinumeꞌ li Dios ut quilajxcamsi li xbe̱n ralaleb chixjunileb laj Egipto. Quixcamsi li xbe̱n ralal laj faraón li kꞌaxal nim xcuanquil. Joꞌcan ajcuiꞌ li cuanqueb saꞌ tzꞌalam queꞌcamsi̱c ajcuiꞌ li xbe̱n ralaleb. Quilajeꞌcamsi̱c ajcuiꞌ li xbe̱n raleb lix queto̱mk chixjunileb, li cuanqueb xcuanquil ut li ma̱cꞌaꞌeb xcuanquil, chixjunileb li xbe̱n alalbej aran Egipto quilajeꞌcamsi̱c.

Números 8:18

Joꞌcan nak la̱in quinsicꞌ ruheb laj levita chokꞌ re̱kajeb li xbe̱n ralaleb laj Israel.