Números 8:12 - Li Santil hu

¹² Chirix aꞌan eb laj levitas teꞌxqꞌue li rukꞌeb saꞌ xjolomeb li cuib chi toro toj sa̱jeb. Li jun teꞌxmayeja chicuu re xtzꞌa̱manquil xcuybal xma̱queb ut li jun chic teꞌxqꞌue chokꞌ cꞌatbil mayej re xtojbal rix lix ma̱queb. Joꞌcaꞌin nak queꞌxsantobresiheb laj levita.

Q'eqchi Bible

¹² Eb' laj Leví te'xk'e li ruq'eb' sa' xb'een xjolomeb' li wakax, ut laa'at taamayeja li jun chirix li kuyuk maak ut li jun chik taamayeja chi k'atb'il re xsachb'al li xmaakeb' laj Leví chiru li Qaawa'.

Números 8:12 ပူးပေါင်းရင်းမြစ်များ

Éxodo 29:10

Chirix aꞌan ta̱cꞌam li toro li toj sa̱j chiru li tabernáculo. Ut laj Aarón joꞌqueb ajcuiꞌ li ralal teꞌxqꞌue li rukꞌeb saꞌ xjolom li toro.

Hebreos 9:22

Joꞌ tzꞌi̱banbil saꞌ li chakꞌrab, tento xsantobresinquil riqꞌuin quicꞌ chixjunil li quicꞌanjelac chiruheb. Ma̱cꞌaꞌ xcuybal li ma̱c cui incꞌaꞌ ta̱hoyekꞌ li quicꞌ.

Levítico 8:14

Chirix aꞌan laj Moisés quixcꞌam chak li toro li toj sa̱j li ta̱mayeja̱k re xtzꞌa̱manquil xcuybal lix ma̱queb. Ut laj Aarón ut eb li ralal queꞌxqꞌue li rukꞌ saꞌ xjolom li xul.

Levítico 1:4

Li ani tixqꞌue lix cꞌatbil mayej tixqꞌue li rukꞌ saꞌ xbe̱n lix jolom li xul li tixcꞌat re nak li Ka̱cuaꞌ tixcꞌul chokꞌ re xtojbal rix lix ma̱c.

Números 8:8

Chirix aꞌan teꞌxqꞌue junak li toro toj sa̱j chokꞌ xcꞌatbil mayejeb rochben li cha̱bil cꞌaj yokꞌbil riqꞌuin aceite. Ut teꞌxqꞌue ajcuiꞌ jun li toro toj sa̱j re teꞌxmayeja re xtzꞌa̱manquil xcuybal li ma̱c.

Números 6:16

Laj tij tixqꞌue li cꞌatbil mayej chiru li Ka̱cuaꞌ. Ut tixqꞌue ajcuiꞌ li mayej re xtojbal rix li ma̱c.

Números 6:14

Ut tixqꞌue chokꞌ xcꞌatbil mayej chiru li Ka̱cuaꞌ jun li te̱lom carner jun chihab cuan re. Ut tixqꞌue jun li ixki carner jun chihab cuan re, re xtojbal rix lix ma̱c. Ut tixqꞌue jun li te̱lom carner re tixcꞌam rib saꞌ usilal riqꞌuin li Dios. Ma̱cꞌaꞌak re̱qꞌueb li xul li tixqꞌue chokꞌ xmayej.

Levítico 16:21

Ut tixqꞌue xcabichal li rukꞌ saꞌ xjolom li chiba̱t ut tixye chixjunil li ma̱c ut li ma̱usilal li queꞌxba̱nu eb laj Israel. Tixba̱nu chi joꞌcan re nak ta̱cana̱k chixjunil li ma̱c saꞌ xbe̱n li chiba̱t. Ut jun li cui̱nk xakabanbil li ta̱cꞌamok re, re ta̱rachꞌab chak saꞌ li chaki chꞌochꞌ.

Levítico 16:11

Joꞌcaꞌin tixba̱nu laj Aarón nak tixmayeja li toro re xtojbal rix lix ma̱c aꞌan ut re ajcuiꞌ xtojbal rix lix ma̱queb li cuanqueb saꞌ li rochoch.

Levítico 16:6

Ut laj Aarón tixmayeja li cuacax toro re xtojbal rix lix ma̱c aꞌan ut re ajcuiꞌ xtojbal rix lix ma̱queb li cuanqueb saꞌ li rochoch.

Levítico 14:22

Tixcꞌam cuib li mucuy. Abanan cui ma̱cꞌaꞌ xtumin re xlokꞌbal aꞌan, naru tixcꞌam cuib li paloma toj sa̱j. Jun ta̱cꞌanjelak re xpatzꞌbal xcuybal lix ma̱c ut li jun chic ta̱cꞌanjelak re lix cꞌatbil mayej.

Levítico 9:7

Ut laj Moisés quixye re laj Aarón: —Jilon chak riqꞌuin li artal ut ta̱qꞌue la̱ mayej re xtzꞌa̱manquil xcuybal la̱ ma̱c ut ta̱qꞌue li cꞌatbil mayej re xtojbal rix la̱ ma̱c ut lix ma̱queb li tenamit. Ta̱qꞌue lix mayejeb li tenamit re xtzꞌa̱manquil xcuybal lix ma̱queb joꞌ quixye li Ka̱cuaꞌ, chan.

Levítico 8:34

Li Ka̱cuaꞌ quixye nak takaba̱nu chixjunil li xkaba̱nu chiru li cutan aꞌin re xtojbal rix le̱ ma̱c. Ut xkaba̱nu joꞌ quixye ke li Ka̱cuaꞌ.

Levítico 8:18

Chirix aꞌan laj Moisés quixcꞌam chak li carner te̱lom li ta̱qꞌuehekꞌ chokꞌ cꞌatbil mayej. Ut laj Aarón ut eb li ralal queꞌxqꞌue li rukꞌ saꞌ xjolom li carner.

Levítico 5:7

Cui incꞌaꞌ tzꞌakal lix tumin re xlokꞌbal junak li sa̱j carner re xtzꞌa̱manquil xcuybal lix ma̱c chiru li Dios, tento nak tixqꞌue cuibak li mucuy malaj ut cuibak li paloma toj sa̱jeb. Jun tixqꞌue re xtojbal rix lix ma̱c ut jun tixqꞌue re ta̱cꞌatekꞌ.

Levítico 4:35

Ut ta̱risi lix xe̱bul li xul joꞌ nak nequeꞌrisi lix xe̱bul li xul li nequeꞌxqꞌue chokꞌ xmayej re xcꞌambaleb rib saꞌ usilal riqꞌuin li Dios. Ut laj tij tixqꞌue saꞌ xbe̱n li artal ut tixcꞌat. Ut aꞌanak jun li cꞌatbil mayej chiru li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c li quima̱cob ut ta̱cuyekꞌ xma̱c.

Levítico 4:20

Juntakꞌe̱t tixba̱nu riqꞌuin li chꞌina toro aꞌin joꞌ quixba̱nu riqꞌuin li toro li quixmayeja re xtzꞌa̱manquil xcuybal lix ma̱c aꞌan. Chi joꞌcaꞌin laj tij tixqꞌue li mayej re xtojbal rix lix ma̱queb li tenamit ut ta̱cuyekꞌ lix ma̱queb.

Levítico 4:4

Laj tij tixcꞌam li toro chire li oqueba̱l re li tabernáculo. Ut tixqꞌue li rukꞌ saꞌ xjolom, tojoꞌnak tixcamsi chiru li Ka̱cuaꞌ Dios.

Levítico 4:15

Ut eb li nequeꞌtaklan saꞌ li tenamit teꞌxqꞌue li rukꞌ saꞌ xjolom li toro chiru li Ka̱cuaꞌ ut teꞌxcamsi.

Números 8:13

Ta̱ye reheb laj levita nak teꞌxakli̱k chiru laj Aarón ut chiruheb li ralal. Nak xakxo̱keb aran ta̱kꞌaxtesiheb chicuu chokꞌ mayej.

Levítico 8:15

Ut laj Moisés quixcamsi li toro. Quixxoc lix quiqꞌuel ut riqꞌuin li ruꞌuj rukꞌ quixqꞌue li quicꞌ chiru li xucub li cuanqueb saꞌ xca̱ xucu̱til li artal re xsantobresinquil chiru li Ka̱cuaꞌ. Ut li quicꞌ li joꞌ qꞌuial chic quicana quixhoy saꞌ xto̱n li artal. Joꞌcaꞌin nak quixkꞌaxtesi li artal chiru li Ka̱cuaꞌ li teꞌmayejak cuiꞌ laj tij.