Números 8:11 - Li Santil hu

¹¹ Ut laj Aarón tixkꞌaxtesiheb laj levita chicuu chokꞌ xmayejeb laj Israel re teꞌcꞌanjelak chicuu.

Q'eqchi Bible

¹¹ Toja' naq laj Aharón tixq'axtesiheb' laj Leví chiru li Qaawa' cho'q xmayejeb' laj Israel. Chi jo'kan eb' laj Leví q'axtesinb'ilaqeb' chi k'anjelak chiru li Qaawa'.

Números 8:11 ပူးပေါင်းရင်းမြစ်များ

Levítico 7:30

Nak tixcꞌam lix mayej li ta̱cꞌatma̱nk, riqꞌuin rukꞌ aꞌan tixtaksi li xe̱b ut li re xchꞌo̱l li xul chiru li artal re xkꞌaxtesinquil chiru li Ka̱cuaꞌ.

Números 6:20

Chirix aꞌan laj tij tixchap cuiꞌchic li mayej ut tixtaksiheb saꞌ rukꞌ chiru li Ka̱cuaꞌ. Aꞌan jun li mayej santo ut re laj tij rochben li re xchꞌo̱l ut li rukꞌ jun chic. Chirix aꞌan laj nazareo ta̱ru̱k ta̱rucꞌ cuiꞌchic li vino.

Levítico 8:29

Ut laj Moisés quixchap li re xchꞌo̱l li carner li ta̱tzꞌak aꞌan ut quixtaksi saꞌ rukꞌ chiru li Ka̱cuaꞌ chokꞌ xmayej. Quixba̱nu joꞌ quiyeheꞌ re xban li Ka̱cuaꞌ.

Levítico 8:27

Chixjunil aꞌin laj Moisés quixqꞌue saꞌ rukꞌ laj Aarón ut saꞌ rukꞌ eb li ralal. Ut laj Aarón ut eb li ralal queꞌxtaksi saꞌ rukꞌeb chiru li Ka̱cuaꞌ chokꞌ xmayejeb.

Éxodo 29:24

Li caxlan cua aꞌin ta̱qꞌue saꞌ rukꞌ laj Aarón joꞌ ajcuiꞌ saꞌ rukꞌeb li ralal. Teꞌxtaksi li rukꞌeb re xmayejanquil chicuu.

Levítico 7:34

La̱in xinyehoc re nak laj Aarón laj tij ut eb li ralal teꞌxcꞌul li re xchꞌo̱l ut li rukꞌ li xul li teꞌxmayeja eb laj Israel re xcꞌambaleb rib saꞌ usilal riqꞌuin li Dios. Aꞌan jun chakꞌrab teꞌxba̱nu chi junelic, chan li Dios.

Deuteronomio 10:8

Saꞌ eb li cutan aꞌan li Ka̱cuaꞌ quixxakabeb li ralal xcꞌajol laj Leví chi cꞌanjelac chiru li Ka̱cuaꞌ ut chixpakonquil li Lokꞌlaj Ca̱x li cuan cuiꞌ lix contrato li Ka̱cuaꞌ, ut chixtzꞌa̱manquil li rosobtesinquileb li tenamit. Ut joꞌcan queꞌxba̱nu toj chalen anakcuan.