Números 7:43 - Li Santil hu

⁴³ Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk.

Q'eqchi Bible

⁴³ Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

Números 7:43 ပူးပေါင်းရင်းမြစ်များ

Levítico 14:10

Saꞌ xcuakxak li cutan li cristian li ac xqꞌuira tixcꞌam saꞌ li tabernáculo cuib li cha̱bil carner te̱lom toj sa̱j ut li tzꞌakal re ru. Tixcꞌam ajcuiꞌ jun li ixki carner jun chihab cuan re ut tzꞌakal re ru. Tixcꞌam ajcuiꞌ numenak ca̱laju libra li cha̱bil cꞌaj rochben aceite re lix mayej. Tixcꞌam ajcuiꞌ mero botella li aceite.

Levítico 2:5

Cui tixmayeja li caxlan cua yi̱banbil saꞌ qꞌuil tento nak ta̱yi̱ba̱k riqꞌuin li cha̱bil cꞌaj yokꞌinbil riqꞌuin aceite oliva, abanan ma̱cꞌaꞌak xchꞌamal.

1 Juan 2:27

Abanan incꞌaꞌ tento ta̱cua̱nk junak aj tzolol e̱re re xcꞌutbal che̱ru cꞌaꞌru li ya̱l ut cꞌaꞌru li incꞌaꞌ ya̱l xban nak qꞌuebil e̱re li Santil Musikꞌej xban li Jesucristo. Li Santil Musikꞌej cuan e̱riqꞌuin ut aꞌan li naqꞌuehoc e̱naꞌleb. Li cꞌaꞌru naxcꞌut che̱ru li Santil Musikꞌej tzꞌakal ya̱l. Moco ticꞌtiꞌ ta. Joꞌcan nak chexcua̱nk chi sum a̱tin riqꞌuin li Jesucristo joꞌ naxcꞌut che̱ru li Santil Musikꞌej.

Hebreos 1:9

Li ti̱quilal nacuulac cha̱cuu ut li ma̱usilal xicꞌ nacacuil. Joꞌcan nak sicꞌbil a̱cuu inban la̱in li nimajcual Dios. La̱in la̱ Dios. Kꞌaxal numtajenak li sahil chꞌo̱lej xinqꞌue a̱cue la̱at chiru li xinqꞌue reheb chixjunileb la̱ cuech aj cꞌanjelil. (Sal. 45:6-7)

San Mateo 14:8

Ut li xkaꞌal chi ac tacchiꞌinbil xban lix naꞌ, quixye re laj Herodes: —Qꞌue cue arin saꞌ plato lix jolom laj Juan laj Cubsihom Haꞌ, chan.

Números 7:44

Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso.