Números 7:14 - Li Santil hu

¹⁴ Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso.

Q'eqchi Bible

¹⁴ Kixmayeja ajwi' jun lekleb' yiib'anb'il rik'in oor aj lajeeb' xwaqk'aal chi tumin, nujenaq chi ensens;

Números 7:14 ပူးပေါင်းရင်းမြစ်များ

2 Crónicas 24:14

Nak queꞌxchoy li cꞌanjel queꞌxcꞌam li tumin li qui-elaꞌan ut queꞌxkꞌaxtesi re li rey ut laj Joiada. Ut chiru li tumin aꞌan queꞌxyi̱b li cꞌaꞌak re ru li ta̱cꞌanjelak saꞌ li templo, joꞌ li cꞌanjeleba̱l re xqꞌuebal li cꞌatbil mayej ut eb li lecb ut li cꞌaꞌak re ru yi̱banbil riqꞌuin oro ut plata. Joꞌ najtil yoꞌyo laj Joiada junelic yo̱queb chixqꞌuebal lix cꞌatbil mayej saꞌ lix templo li Ka̱cuaꞌ.

2 Crónicas 4:22

Quixqꞌue ajcuiꞌ chi yi̱ba̱c riqꞌuin cha̱bil oro eb li chꞌi̱chꞌ re xyi̱banquil lix mechil li candil, eb li secꞌ li quixoqueꞌ cuiꞌ li quicꞌ, eb li lecleb joꞌ eb ajcuiꞌ li sansar. Ut quixqꞌue chi yi̱ba̱c riqꞌuin oro li oqueba̱l re li templo, eb li puertas re li Lokꞌlaj Santil Naꞌajej, joꞌ eb ajcuiꞌ li puertas re li Santil Naꞌajej.

1 Reyes 7:50

Quixyi̱b li secꞌ ut li ucꞌal, ut li chꞌi̱chꞌ re xchupbal lix xamlel li candil joꞌ eb ajcuiꞌ li chꞌi̱chꞌ re xchapbal li ru xam. Ut quixyi̱b ajcuiꞌ li sansar re xcꞌatbal li pom. Joꞌcaneb ajcuiꞌ li bisagras re lix puertil li Lokꞌlaj Santil Naꞌajej ut eb li bisagras re lix puertil li templo yi̱banbileb riqꞌuin oro.

Números 4:7

Teꞌxtzꞌap xbe̱n li me̱x riqꞌuin jun li raxi tꞌicr ut saꞌ xbe̱n aꞌan teꞌxqꞌueheb li plato, eb li cuchara, ut eb li secꞌ ut li xar li nequeꞌxqꞌue cuiꞌ li vino li teꞌxmayeja. Ut teꞌxqꞌue ajcuiꞌ aran li caxlan cua li nacuan aran chi junelic.

Éxodo 37:16

Ut queꞌxyi̱b ajcuiꞌ li secꞌ li ta̱cꞌanjelak saꞌ li me̱x aꞌan. Queꞌxyi̱b riqꞌuin tzꞌakal oro li xar, li plato, ut li cuchara joꞌ ajcuiꞌ li ni̱nki secꞌ li ta̱cꞌanjelak re mayejac.

Éxodo 35:8

Te̱qꞌue li aceite re li candil, joꞌ ajcuiꞌ li ban li nacꞌanjelac re xyi̱banquil li aceite li nequeꞌxqꞌue saꞌ xbe̱neb li teꞌkꞌaxtesi̱k chi cꞌanjelac chicuu, joꞌ ajcuiꞌ li ban li nacꞌanjelac re xyi̱banquil li sununquil incienso.

Números 7:13

Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk.

Números 7:15

Quixqꞌue ajcuiꞌ jun li toro toj sa̱j; jun li te̱lom carner, ut jun li te̱lom carner jun chihab cuan re, re li cꞌatbil mayej.

Números 7:20

Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso.

Números 7:26

Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso.