Números 6:5 - Li Santil hu

⁵ Joꞌ najtil ta̱cua̱nk chokꞌ aj nazareo incꞌaꞌ naru tixbes li rismal xjolom. Tixcanab ban chi chamocꞌ li rismal toj ta̱rakekꞌ li cutan nak qui-oc chokꞌ aj nazareo chiru li Ka̱cuaꞌ.

Q'eqchi Bible

⁵ Jo' najtil taawanq cho'q aj nasireo ink'a' tixb'es li rismal xjolom. Toj reetal taatz'aqloq xkutankil li xmayejankil rib' chi k'anjelak chiru li Qaawa', loq' li winq a'an ut tixkanab' chi chamo'k li rismal xjolom.

Números 6:5 ပူးပေါင်းရင်းမြစ်များ

1 Samuel 1:11

Quitijoc chiru li Dios ut quixye: —At nimajcual Dios, chacuil taxak xtokꞌoba̱l cuu xban nak cꞌajoꞌ xrahil saꞌ inchꞌo̱l. Chinjulticokꞌ taxak a̱cue ut incꞌaꞌ taxak ta̱sachk saꞌ a̱chꞌo̱l. Ta̱qꞌue taxak junak incꞌulaꞌal te̱lom ut la̱in tinkꞌaxtesi ajcuiꞌ a̱cue chalen nak ta̱yoꞌla̱k toj chirix lix camic ut incꞌaꞌ ta̱besma̱nk li rismal xjolom, chan.

Jueces 16:17

Ut quixye lix ya̱lal re: —La̱in ma̱ jun sut quibeseꞌ injolom xban nak la̱in aj nazareo. Ac kꞌaxtesinbilin re li Dios nak toj ma̱jiꞌ ninyoꞌla. Cui ta̱besekꞌ li cuismal, ma̱cꞌaꞌ chic inmetzꞌe̱u tincana̱k. Chanchanakin chic joꞌ chixjunileb li cui̱nk, chan.

Jueces 13:5

Ta̱cua̱nk jun la̱ cꞌulaꞌal te̱lom. Incꞌaꞌ ta̱besma̱nk rismal, xban nak chalen saꞌ xyoꞌlajic li cꞌulaꞌal aꞌan aj nazareo. Ac kꞌaxtesinbil re li Dios ut aꞌan ta̱oc chi coloc reheb laj Israel saꞌ rukꞌeb laj filisteo, chan li ángel.

Jueces 16:19

Ut li ixk quixqꞌue chi cua̱rc laj Sansón chi ruch raꞌ. Ut quixbok jun li cui̱nk re tixbes li rismal. Quixset li rismal li tzꞌulbil chi cuukub jo̱b. Ut ma̱cꞌaꞌ chic xmetzꞌe̱u quicana laj Sansón. Lix Dalila qui-oc chixhobbal laj Sansón.

Hechos 18:18

Aꞌut laj Pablo toj quicana aran nabal cutan. Tojoꞌnak quixchakꞌrabiheb laj pa̱banel ut qui-el. Co̱ chiru haꞌ toj Siria rochbeneb lix Priscila ut laj Aquila. Aran saꞌ li tenamit Cencrea quixbes li rismal. Aꞌan retalil nak quixba̱nu li cꞌaꞌru quixyechiꞌi re li Dios.

Números 6:4

Joꞌ najtil ta̱cua̱nk chokꞌ aj nazareo incꞌaꞌ naru tixtzaca li cꞌaꞌak re ru yi̱banbil riqꞌuin uva, chi moco li rix li uva, chi moco lix nakꞌ.

Ezequiel 44:20

Eb laj tij incꞌaꞌ teꞌxjo li rismal xjolomeb, chi moco teꞌxcanab chi chamocꞌ. Caꞌaj cuiꞌ tzꞌakal teꞌxbes.