Números 6:27 - Li Santil hu

²⁷ Joꞌcaꞌin nak teꞌxya̱ba lin cꞌabaꞌ saꞌ xbe̱neb laj Israel. Ut la̱in tincuosobtesiheb, chan li Dios.

Q'eqchi Bible

²⁷ Jo'ka'an naq te'xyaab'a link'ab'a' sa' xb'eeneb' laj Israel, ut laa'in twosob'tesiheb'”.

Números 6:27 ပူးပေါင်းရင်းမြစ်များ

2 Crónicas 7:14

Cui teꞌxcubsi ribeb ut teꞌxjal xcꞌaꞌux teꞌyotꞌekꞌ xchꞌo̱l ut teꞌxjal xcꞌaꞌux lin tenamit, li nequeꞌxcꞌabaꞌin incꞌabaꞌ, ut cui teꞌxtzꞌa̱ma xcuybal chicuu ut teꞌxcanab xba̱nunquil li ma̱usilal, la̱in tincuabi lix tijeb toj saꞌ choxa ut tincuy lix ma̱queb ut tincuosobtesi cuiꞌchic lix chꞌochꞌeb.

Deuteronomio 28:10

Ut chixjunileb li tenamit li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ quisicꞌoc chak e̱ru chokꞌ ralal xcꞌajol ut teꞌxucuak e̱ban.

Efesios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Xban nak junajo chic riqꞌuin li Cristo, li Dios naxqꞌue chak ke chixjunil li kosobtesinquil li nachal chak saꞌ choxa.

Jeremías 14:9

¿Cꞌaꞌut nak chanchanat jun li cui̱nk li sachso xchꞌo̱l? ¿Cꞌaꞌut nak chanchanat jun li soldado li ma̱cꞌaꞌ naxba̱nu re toxcol? At Ka̱cuaꞌ, la̱at cuancat kiqꞌuin ut la̱o nakacꞌabaꞌin la̱ cꞌabaꞌ. Moa̱canab kajunes, at Ka̱cuaꞌ, chanqueb.

Isaías 43:7

Aꞌaneb lin tenamit. La̱in quinyoꞌobtesin reheb ut quinqꞌue incꞌabaꞌ reheb re nak teꞌxqꞌue inlokꞌal, chan li Ka̱cuaꞌ.

Salmos 5:12

La̱at, at Ka̱cuaꞌ, ta̱cuosobtesiheb li ti̱queb xchꞌo̱l. Ut riqꞌuin xnimal la̱ cuusilal ta̱coleb chiruheb li xicꞌ nequeꞌiloc reheb, joꞌ nak li soldado naxcol rib riqꞌuin lix ramleb chꞌi̱chꞌ.

1 Crónicas 4:10

Laj Jabes quitijoc chiru li Ka̱cuaꞌ lix Dioseb laj Israel ut quixye: —At Ka̱cuaꞌ, china̱cuosobtesi. Ta̱qꞌue taxak cue nabal li chꞌochꞌ. Chatcua̱nk taxak cuiqꞌuin ut china̱col chiru li ma̱usilal li tixbok chak raylal saꞌ inbe̱n, chan. Ut li Ka̱cuaꞌ quirabi lix tij ut quixba̱nu joꞌ quixtzꞌa̱ma chiru.

Génesis 32:29

Ut laj Jacob quixye re: —Ba̱nu usilal ye cue ani a̱cꞌabaꞌ la̱at, chan. Ut lix takl li Dios quixye re laj Jacob: —¿Cꞌaꞌut nak ta̱cuaj ta̱nau ani incꞌabaꞌ? chan. Ut lix takl li Dios quirosobtesi laj Jacob saꞌ li naꞌajej aꞌan.

San Mateo 28:19

Joꞌcan utan texxic saꞌ chixjunil li ruchichꞌochꞌ ut te̱chꞌolob lix ya̱lal chiruheb chixjunileb li tenamit re nak teꞌpa̱ba̱nk. Te̱cubsiheb xhaꞌ saꞌ xcꞌabaꞌ li Dios Acuabej, saꞌ xcꞌabaꞌ li Dios Cꞌajolbej ut saꞌ xcꞌabaꞌ li Dios Santil Musikꞌej.

Salmos 67:7

Li Dios ta̱osobtesi̱nk ke. Joꞌcan nak cheꞌxqꞌue taxak xlokꞌal li Ka̱cuaꞌ chixjunileb li tenamit yalak bar.

Números 23:20

Xinixtakla chirosobtesinquileb li tenamit. Xrosobtesiheb laj Israel ut la̱in incꞌaꞌ naru tinjal li cꞌaꞌru quixye li Dios.

Génesis 32:26

Ut li cui̱nk quixye re laj Jacob: —China̱cuachꞌab xban nak yo̱ chi sake̱uc, chan re. Ut laj Jacob quixye re: —Cui incꞌaꞌ tina̱cuosobtesi, incꞌaꞌ tatcuachꞌab, chan.

2 Samuel 7:23

Ma̱ jun chic tenamit cuan saꞌ ruchichꞌochꞌ joꞌ la̱ tenamit Israel. Caꞌaj cuiꞌ aꞌan. At Ka̱cuaꞌ, la̱at xatcoloc reheb re nak teꞌoc chokꞌ a̱tenamit. Xaba̱nu li milagros, li sachba chꞌo̱lej ut li xni̱nkal ru naꞌleb re xcolbaleb, re nak naꞌno̱k ruheb la̱ tenamit. La̱at cat-isin chak reheb saꞌ xya̱nkeb li jalanil tenamit ut lix dioseb nak cacuisiheb chak Egipto. Caba̱nu chixjunil aꞌan xban xra̱baleb.

Éxodo 6:3

La̱in quincꞌutbesi chiruheb laj Abraham, laj Isaac joꞌ ajcuiꞌ laj Jacob nak la̱in li nimajcual Dios. Aban incꞌaꞌ quincꞌutbesi chiruheb nak la̱in li Dios li nacoloc.