Números 6:25 - Li Santil hu

²⁵ Chisahokꞌ taxak xchꞌo̱l li Dios e̱riqꞌuin ut chiruxta̱na taxak e̱ru.

Q'eqchi Bible

²⁵ Sahaq taxaq xch'ool li Qaawa' aawik'in ut chixk'ut chawu li rusilal.

Números 6:25 ပူးပေါင်းရင်းမြစ်များ

Salmos 80:19

At Ka̱cuaꞌ, at nimajcual Dios, choa̱tenkꞌa cuiꞌchic re nak tosukꞌi̱k cuiꞌchic a̱cuiqꞌuin. Chisahokꞌ ta cuiꞌchic a̱chꞌo̱l kiqꞌuin re nak tocolekꞌ.

Salmos 119:135

At Ka̱cuaꞌ, chacuil taxak xtokꞌoba̱l cuu ut ta̱cꞌut taxak chicuu lix ya̱lal la̱ chakꞌrab, la̱in laj cꞌanjel cha̱cuu.

Salmos 31:16

At inDios, la̱in aj cꞌanjel cha̱cuu. Chacuil taxak xtokꞌoba̱l cuu ut china̱col riqꞌuin xnimal la̱ rahom.

Salmos 67:1

At Ka̱cuaꞌ Dios, chacuuxta̱na taxak ku ut choa̱cuosobtesi. Chacuil taxak xtokꞌoba̱l ku.

Daniel 9:17

Anakcuan ut at Ka̱cuaꞌ, at kaDios, chacuabi taxak lin tij la̱in laj cꞌanjel cha̱cuu ut chasume taxak li yo̱quin chixtzꞌa̱manquil cha̱cuu. Chaxakab ta cuiꞌchic la̱ templo li jucꞌbil anakcuan. Chaxakab ta cuiꞌchic re taxak nak chixjunileb teꞌxnau nak la̱at li Ka̱cuaꞌ.

Salmos 80:7

At nimajcual Dios, choa̱tenkꞌa cuiꞌchic re nak tosukꞌi̱k cuiꞌchic a̱cuiqꞌuin. Chisahokꞌ ta cuiꞌchic la̱ chꞌo̱l kiqꞌuin re nak tocolekꞌ.

Éxodo 33:19

Li Dios quixye: —La̱in tincꞌut cha̱cuu chixjunil li cuusilal ut tinye lin cꞌabaꞌ a̱cue. La̱in li nimajcual Dios. Tincuil xtokꞌoba̱leb ru li ani li tincuaj ut tincuuxta̱naheb ajcuiꞌ ru li ani tincuaj.

Malaquías 1:9

Ut anakcuan, tijonkex. Chextzꞌa̱ma̱nk taxak chiru li Ka̱cuaꞌ re nak aꞌan ta̱ruxta̱na e̱ru. Abanan cui incꞌaꞌ nequecanab xba̱nunquil li incꞌaꞌ us, ¿chanru nak ta̱ruxta̱na e̱ru li Dios chi joꞌcan?

Génesis 43:29

Laj José quiril laj Benjamín, ut quijulticoꞌ re nak junajeb lix naꞌ riqꞌuin, ut quixye reheb: —¿Ma aꞌin le̱ ri̱tzꞌin li xeye cue junxil? chan reheb. Tojoꞌnak laj José quixye re laj Benjamín: —Li Dios taxak chi-osobtesi̱nk a̱cue, chan re.

San Juan 1:17

Li Dios quixqꞌue li chakꞌrab re laj Moisés re nak tixcꞌut chiku. Aban lix ya̱lal chirix li Dios ut li rusilal quixcꞌutbesi chiku li Jesucristo.

Salmos 86:16

Chacuil taxak xtokꞌoba̱l cuu. Chaqꞌue taxak xcacuilal inchꞌo̱l ut china̱col taxak xban nak la̱in nincꞌanjelac cha̱cuu joꞌ quixba̱nu lin naꞌ.

Salmos 21:6

Osobtesinbil a̱ban chi junelic ut kꞌaxal sa saꞌ xchꞌo̱l xban nak cuancat riqꞌuin.

Romanos 1:7

Yo̱quin chi tzꞌi̱bac e̱riqꞌuin la̱ex li cuanquex aran saꞌ li tenamit Roma. Raro̱quex ut bokbilex xban li Dios ut la̱ex aj santil pa̱banel. Li usilal ut li tuktu̱quilal chi cua̱nc e̱riqꞌuin xban li Dios Acuabej ut xban li Ka̱cuaꞌ Jesucristo.

Salmos 4:7

Numtajenak li sahil chꞌo̱lej nacaqꞌue cue, at inDios. Moco joꞌ ta xsahil xchꞌo̱leb li biom li numtajenak cꞌaꞌru reheb.