Números 6:24 - Li Santil hu

²⁴ Aꞌ taxak li Ka̱cuaꞌ chi-osobtesi̱nk e̱re ut aꞌan taxak ta̱ilok e̱re.

Q'eqchi Bible

²⁴ «A' taxaq li Qaawa' chi'osob'tesinq ut chik'aak'alenq aawe.

Números 6:24 ပူးပေါင်းရင်းမြစ်များ

1 Ts 5:23

Aꞌ taxak li Dios li naqꞌuehoc tuktu̱quil usilal chisantobresi̱nk e̱re chi tzꞌakal ut aꞌan taxak chi-osobtesi̱nk re le̱ ra̱m, le̱ cꞌaꞌux ut le̱ rok e̱rukꞌ re nak texcua̱nk chi tzꞌakal e̱re e̱ru chi ma̱cꞌaꞌak e̱kꞌusbal saꞌ xcꞌulunic li Ka̱cuaꞌ Jesucristo.

Filipenses 4:7

Ut li Dios ta̱qꞌuehok e̱re li tuktu̱quil usilal. Aꞌan kꞌaxal lokꞌ chiru chixjunil li cꞌaꞌru nakacꞌoxla la̱o. Ut li tuktu̱quil usilal li naxqꞌue li Dios tixcꞌojob le̱ chꞌo̱l ut tixtukub le̱ cꞌaꞌux xban nak junajex chic riqꞌuin li Cristo.

San Judas 1:24

Ut anakcuan lokꞌoninbil taxak li nimajcual Dios. Aꞌan kꞌaxal nim xcuanquil che̱colbal re nak incꞌaꞌ texma̱cobk. Nim ajcuiꞌ xcuanquil che̱kꞌaxtesinquil saꞌ xnimal xlokꞌal li Dios chi ma̱cꞌaꞌak e̱ma̱c ut chi sa saꞌ e̱chꞌo̱l.

Isaías 42:6

La̱in li Ka̱cuaꞌ li nimajcual Dios. La̱in xinsicꞌoc a̱cuu. La̱in xinqꞌuehoc re la̱ cuanquilal re nak ta̱xakab li ti̱quilal saꞌ ruchichꞌochꞌ. Saꞌ a̱cꞌabaꞌ la̱at la̱in tinba̱nu li contrato riqꞌuineb li tenamit. Ut la̱at tatcutanobresi̱nk re lix cꞌaꞌuxeb li tenamit li ma̱cuaꞌeb aj judío.

San Juan 17:11

Anakcuan la̱in tinxic a̱cuiqꞌuin. Incꞌaꞌ chic tincua̱nk saꞌ ruchichꞌochꞌ. Abanan eb aꞌan toj teꞌcua̱nk saꞌ ruchichꞌochꞌ. At inYucuaꞌ, la̱at Santo. Chacuileb taxak riqꞌuin lix nimal la̱ cuanquilal li xakꞌaxtesiheb cue re nak junajak ruheb joꞌ la̱at ut la̱in junaj ku.

Salmos 91:11

Li Dios tixtaklaheb li ángel cha̱colbal. Eb aꞌan teꞌilok a̱cue yalak bar tatxic.

Salmos 134:3

Aꞌ taxak li nimajcual Dios li cuan Sión chi-osobtesi̱nk e̱re. Aꞌ taxak li Ka̱cuaꞌ li quiyi̱ban re li choxa ut li ruchichꞌochꞌ chi-osobtesi̱nk e̱re.

Li xHu LIX RUT 2:4

Saꞌ li ho̱nal aꞌan laj Booz quicꞌulun chak Belén ut quixqꞌue xsahil xchꞌo̱leb laj sicꞌol cebada ut quixye reheb: —Li Ka̱cuaꞌ taxak chicua̱nk e̱riqꞌuin, chan. Ut eb aꞌan queꞌchakꞌoc ut queꞌxye re: —Li Ka̱cuaꞌ taxak chi-osobtesi̱nk a̱cue la̱at, chanqueb.

Salmos 17:8

China̱col joꞌ nak nacacol li kꞌaxal raro a̱ban. Ut china̱tenkꞌa riqꞌuin lix nimal la̱ cuanquil.

1 Samuel 2:9

Aꞌan narileb li ti̱queb xchꞌo̱l, aban eb li incꞌaꞌ useb xnaꞌleb naxcanabeb chi ca̱mc saꞌ xkꞌojyi̱nal ru li ma̱c xban nak ma̱ ani cau rib yal xjunes rib.

1 Pedro 1:5

Xban nak nocopa̱ban, li Dios li kꞌaxal nim xcuanquil nocoril chi junelic re nak tocolekꞌ. Li colba-ib aꞌin ta̱cꞌutbesi̱k chi tzꞌakal re ru saꞌ rosoꞌjic li cutan.

Filipenses 4:23

Ut chicua̱nk taxak e̱riqꞌuin li rusilal li Ka̱cuaꞌ Jesucristo.

Efesios 6:24

Chicua̱nk taxak li rusilal li Dios e̱riqꞌuin che̱junilex la̱ex li nequexrahoc re li Ka̱cuaꞌ Jesucristo chi anchal e̱chꞌo̱l ut chi junelic. Joꞌcan taxak.

Salmos 28:9

At Ka̱cuaꞌ, chacoleb taxak la̱ cualal a̱cꞌajol ut chacuosobtesiheb. Chacuileb joꞌ jun li cha̱bil pastor. Chaberesiheb ut chaqꞌue xcacuileb xchꞌo̱l chi junelic.

Isaías 27:3

Eb laj Israel, aꞌaneb lix naꞌaj lin uvas. La̱in li Ka̱cuaꞌ nin-iloc reheb. Chanchan nintꞌakresi nak nacuileb. Nequeꞌcuil chi kꞌek chi cutan re nak ma̱cꞌaꞌ teꞌxcꞌul.

1 Corintios 14:16

Cuan li incꞌaꞌ nequeꞌxtau ru lix ya̱lal chirix li jalanil a̱tin. Cui yo̱cat chixlokꞌoninquil li Dios caꞌaj cuiꞌ riqꞌuin la̱ musikꞌ, eb aꞌan incꞌaꞌ teꞌxtau ru li ta̱ye xban nak yo̱cat chi a̱tinac saꞌ jalanil a̱tin. ¿Chan put ru nak teꞌxye “joꞌcan taxak” cui incꞌaꞌ nequeꞌxtau ru li yo̱cat chixyebal?

Génesis 28:15

La̱in junelic cua̱nkin a̱cuiqꞌuin. Yalak bar tatxic, la̱in tin-ilok a̱cue. Nak la̱at cua̱nkat chak saꞌ jalan chic naꞌajej, la̱in tatincꞌam cuiꞌchic chak saꞌ li chꞌochꞌ aꞌin. Incꞌaꞌ tatintzꞌekta̱na. Tinqꞌue a̱cue chixjunil li cꞌaꞌru xinyechiꞌi a̱cue, chan li Ka̱cuaꞌ Dios re laj Jacob.

2 Samuel 7:29

La̱in nintzꞌa̱ma cha̱cuu nak ta̱cuosobtesiheb li cualal incꞌajol. Junelic xakxo̱k taxak saꞌ xnaꞌaj lix cuanquileb. Osobtesinbilakeb a̱ban chi junelic xban nak xaye nak ta̱cuosobtesiheb, chan laj David.

Daniel 9:17

Anakcuan ut at Ka̱cuaꞌ, at kaDios, chacuabi taxak lin tij la̱in laj cꞌanjel cha̱cuu ut chasume taxak li yo̱quin chixtzꞌa̱manquil cha̱cuu. Chaxakab ta cuiꞌchic la̱ templo li jucꞌbil anakcuan. Chaxakab ta cuiꞌchic re taxak nak chixjunileb teꞌxnau nak la̱at li Ka̱cuaꞌ.