Números 6:23 - Li Santil hu

²³ —Ta̱ye re laj Aarón ut reheb li ralal nak joꞌcaꞌin teꞌxye nak teꞌxtzꞌa̱ma li rosobtesinquileb laj Israel.

Q'eqchi Bible

²³ “Ye a'in re laj Aharón ut eb' li ralal: Jo'ka'in naq teerosob'tesiheb' laj Israel. Teeye reheb':

Números 6:23 ပူးပေါင်းရင်းမြစ်များ

1 Crónicas 23:13

Eb li ralal laj Amram, aꞌan laj Aarón ut laj Moisés. Laj Aarón, joꞌ eb ajcuiꞌ li ralal xcꞌajol, aꞌaneb li queꞌsiqꞌueꞌ ruheb chi cꞌanjelac chi junelic chiru li Dios chokꞌ aj tij re xba̱nunquil li santil cꞌanjel li kꞌaxal lokꞌ. Queꞌxakaba̱c chixcꞌatbal li incienso ut chi cꞌanjelac chiru li Ka̱cuaꞌ ut chixtzꞌa̱manquil chiru li Ka̱cuaꞌ nak ta̱rosobtesiheb li tenamit.

Deuteronomio 21:5

Teꞌcha̱lk eb laj tij, li ralal xcꞌajol laj Leví, xban nak aꞌaneb li sicꞌbil ruheb xban li Dios chi cꞌanjelac chiru ut chixtzꞌa̱manquil nak li Dios ta̱rosobtesiheb li tenamit. Aꞌaneb li teꞌrakok re li ple̱t ut li cuechꞌi̱nc.

Hebreos 7:1

Laj Melquisedec aꞌan li rey re li tenamit Salem. Aꞌan ajcuiꞌ laj tij chiru li nimajcual Dios. Laj Melquisedec qui-el chak chixcꞌulbal laj Abraham ut quirosobtesi nak quisukꞌi chak chixsachbal ruheb li rey.

Génesis 48:20

Ut saꞌ li cutan aꞌan laj Israel quixtzꞌa̱ma chiru li Dios nak aꞌan taxak chi-osobtesi̱nk reheb li cuib chi al. Ut laj Israel quixye ajcuiꞌ reheb, —Nak junak li kalal kacꞌajol tixtzꞌa̱ma chiru li Dios nak aꞌan ta̱osobtesi̱nk re junak chic, joꞌcaꞌin tixye, “Li Ka̱cuaꞌ Dios taxak ta̱osobtesi̱nk a̱cue joꞌ nak queꞌosobtesi̱c laj Efraín ut laj Manasés xban li Ka̱cuaꞌ Dios,” chan laj Israel reheb. Ut chi joꞌcaꞌin laj Israel quixnimobresi xcuanquil laj Efraín chiru laj Manasés.

2 Juan 1:3

Aꞌ taxak li rusilal, li ruxta̱n ut li tuktu̱quilal li naxqꞌue li Dios Acuabej ut li Jesucristo li Alalbej chicua̱nk e̱riqꞌuin saꞌ xya̱lal ut riqꞌuin rahoc.

2 Corintios 13:14

Chicua̱nk taxak e̱riqꞌuin li rusilal li Ka̱cuaꞌ Jesucristo, ut chicua̱nk taxak e̱riqꞌuin li rahoc ib li naxqꞌue li Ka̱cuaꞌ Dios, ut aꞌ taxak li Santil Musikꞌej chicua̱nk e̱riqꞌuin. Joꞌcan taxak.

Génesis 47:7

Ut laj José quirocsi lix yucuaꞌ re nak laj faraón tixnau ru. Ut laj Jacob quixtzꞌa̱ma re li Ka̱cuaꞌ Dios nak aꞌan taxak chi-osobtesi̱nk re laj faraón.

1 Pedro 1:2

Ac najter kꞌe cutan qui-ala chak saꞌ xchꞌo̱l li Dios Acuabej nak la̱exak li sicꞌbil e̱ru xban. Santobresinbilakex chic xban li Santil Musikꞌej re nak tex-abi̱nk ut texpa̱ba̱nk chiru li Jesucristo. Cuybilak chic le̱ ma̱c xban xquiqꞌuel li Jesucristo. Ut chicua̱nk taxak chi nabal li rusilal li Dios e̱riqꞌuin ut li tuktu̱quilal saꞌ e̱ya̱nk.

Hebreos 7:7

Nakanau chi tzꞌakal nak li na-osobtesin, aꞌan li nim xcuanquil chiru li na-osobtesi̱c. Joꞌcan nak nakanau nak nim xlokꞌal laj Melquisedec chiru xlokꞌal laj Abraham.

1 Corintios 1:3

Chicua̱nk taxak e̱riqꞌuin li usilal ut li tuktu̱quilal li nachal riqꞌuin li Dios li kaYucuaꞌ ut riqꞌuin li Ka̱cuaꞌ Jesucristo.

Romanos 1:7

Yo̱quin chi tzꞌi̱bac e̱riqꞌuin la̱ex li cuanquex aran saꞌ li tenamit Roma. Raro̱quex ut bokbilex xban li Dios ut la̱ex aj santil pa̱banel. Li usilal ut li tuktu̱quilal chi cua̱nc e̱riqꞌuin xban li Dios Acuabej ut xban li Ka̱cuaꞌ Jesucristo.

Josué 8:33

Ut chixjunileb laj Israel, rochbeneb li nequeꞌcꞌamoc be chiruheb joꞌ eb ajcuiꞌ li cuanqueb xcuanquil, ut eb laj rakol a̱tin, joꞌ eb ajcuiꞌ li jalan xtenamiteb, queꞌxakli saꞌ xcaꞌ pacꞌalil li Lokꞌlaj Ca̱x li cuan cuiꞌ lix contrato li Dios. Yo̱queb chi iloc cuanqueb cuiꞌ laj levita laj tij li yo̱queb chi pako̱nc re li Lokꞌlaj Ca̱x. Jun jachal li tenamit cuanqueb saꞌ xjayal li tzu̱l Gerizim ut li jun jachal chic cuanqueb saꞌ xjayal li tzu̱l Ebal. Queꞌxba̱nu joꞌ quiyeheꞌ reheb junxil xban laj Moisés laj cꞌanjel chiru li Dios re nak teꞌosobtesi̱k xban li Ka̱cuaꞌ.

Deuteronomio 10:8

Saꞌ eb li cutan aꞌan li Ka̱cuaꞌ quixxakabeb li ralal xcꞌajol laj Leví chi cꞌanjelac chiru li Ka̱cuaꞌ ut chixpakonquil li Lokꞌlaj Ca̱x li cuan cuiꞌ lix contrato li Ka̱cuaꞌ, ut chixtzꞌa̱manquil li rosobtesinquileb li tenamit. Ut joꞌcan queꞌxba̱nu toj chalen anakcuan.

Génesis 47:10

Ut laj Jacob quixtzꞌa̱ma re li Ka̱cuaꞌ Dios nak aꞌan taxak ta̱osobtesi̱nk re laj faraón. Nak quixchakꞌrabi laj faraón, laj Jacob qui-el riqꞌuin.

Deuteronomio 33:1

Laj Moisés, li sicꞌbil ru xban li Dios, quixtzꞌa̱ma li rosobtesinquileb laj Israel chiru li Dios nak toj ma̱jiꞌ nacam.

Génesis 24:60

Queꞌxye re lix Rebeca: —Li Ka̱cuaꞌ Dios taxak chi-osobtesi̱nk a̱cue. Ut cheꞌcua̱nk taxak nabal la̱ cualal a̱cꞌajol. Ut nimak taxak xcuanquil eb la̱ cualal a̱cꞌajol li teꞌcua̱nk chiruheb li xicꞌ teꞌilok reheb aꞌan, chanqueb re.

Éxodo 39:43

Nak quiril nak queꞌxba̱nu chixjunil chi tzꞌakal joꞌ quixye reheb, laj Moisés quixtzꞌa̱ma chiru li Dios nak ta̱rosobtesiheb.

Números 6:22

Li Ka̱cuaꞌ quia̱tinac riqꞌuin laj Moisés ut quixye re:

1 Reyes 8:55

Nak quirakeꞌ chi tijoc, quixakli ut quixtzꞌa̱ma chiru li Dios nak ta̱rosobtesiheb li tenamit Israel li chꞌutchꞌu̱queb aran. Ut quixye chi cau xya̱b xcux:

2 Crónicas 30:27

Eb laj tij ut eb laj levita queꞌxakli chixtzꞌa̱manquil chiru li Dios nak ta̱rosobtesiheb li tenamit. Ut li Dios quirabi lix tijeb toj saꞌ choxa bar nacuan cuiꞌ.