Números 6:20 - Li Santil hu

²⁰ Chirix aꞌan laj tij tixchap cuiꞌchic li mayej ut tixtaksiheb saꞌ rukꞌ chiru li Ka̱cuaꞌ. Aꞌan jun li mayej santo ut re laj tij rochben li re xchꞌo̱l ut li rukꞌ jun chic. Chirix aꞌan laj nazareo ta̱ru̱k ta̱rucꞌ cuiꞌchic li vino.

Q'eqchi Bible

²⁰ Toja' naq laj tij tixtaqsi sa' ruq' chixjunil a'an, chiru li Qaawa'. A'an jun li loq'laj mayej, taakanaaq cho'q re laj tij, rochb'een li re xch'ool li mayej ut li ra' jun chik. Chirix chik a'an laj nasireo truuq taa'uk'aq b'iin.

Números 6:20 ပူးပေါင်းရင်းမြစ်များ

Eclesiastés 9:7

Joꞌcan nak anakcuan chatcuaꞌak chi sa saꞌ a̱chꞌo̱l ut chacuucꞌak li vino riqꞌuin sahil chꞌo̱lej xban nak li Dios ma̱cꞌaꞌ naxye riqꞌuin li cꞌaꞌru nacaba̱nu.

Números 5:25

Ut laj tij tixchap li mayej cꞌaj li quixqꞌue li cui̱nk xban xcakal xchꞌo̱l, li cuan saꞌ rukꞌ li ixk. Tixtaksi chiru li Ka̱cuaꞌ ut tixcꞌam saꞌ li artal.

San Juan 19:30

Li Jesús quirucꞌ li vinagre ut quixye: —Anakcuan xtzꞌakloc ru chixjunil.— Quixxulub lix jolom ut quicam.

San Marcos 14:25

Relic chi ya̱l tinye e̱re nak incꞌaꞌ chic tincuucꞌ lix yaꞌal ru li uva toj ta̱cuulak xkꞌehil nak tincuucꞌ cuiꞌchic saꞌ lix nimajcual cuanquilal li Dios, chan li Jesús.

San Mateo 26:29

Relic chi ya̱l tinye e̱re nak chalen anakcuan incꞌaꞌ chic tincuucꞌ lix yaꞌal ru li uva toj nak ta̱cuulak xkꞌehil nak tincuucꞌ cuiꞌchic cuochbenex saꞌ lix nimajcual cuanquilal lin Yucuaꞌ, chan li Jesús.

Zacarías 10:7

Cauhakeb rib chi pletic li ralal xcꞌajoleb laj Efraín. Ta̱sahokꞌ saꞌ xchꞌo̱leb joꞌ nak nasahoꞌ saꞌ xchꞌo̱leb nak nequeꞌrucꞌ li vino. Nak teꞌxqꞌue retal li usilal xinba̱nu reheb, ta̱sahokꞌ ajcuiꞌ saꞌ xchꞌo̱leb li ralal xcꞌajol. Ta̱sahokꞌ saꞌ xchꞌo̱leb cuiqꞌuin la̱in li Ka̱cuaꞌ.

Zacarías 9:17

Cꞌajoꞌ lix rahom ut li rusilal li Dios saꞌ xbe̱neb lix tenamit. Nabalak li ru li trigo ut lix yaꞌal li uvas ta̱cua̱nk. Sahak saꞌ xchꞌo̱leb li sa̱j cui̱nk ut li sa̱j ixk.

Zacarías 9:15

Li nimajcual Dios tixcoleb lix tenamit Israel. Ut aꞌaneb teꞌnumta̱k saꞌ xbe̱neb li xicꞌ nequeꞌiloc reheb ut teꞌxyekꞌi saꞌ rokeb li pec li teꞌcutekꞌ cuiꞌ. Teꞌsachekꞌ chi junaj cua li xicꞌ nequeꞌiloc reheb laj Israel joꞌ nak nacamsi̱c li xul li nequeꞌxmayeja. Nequeꞌxxoc lix quiqꞌuel saꞌ jun li secꞌ ut nequeꞌxqꞌue saꞌ xxuc li artal.

Isaías 35:10

Eb li colbileb xban li Ka̱cuaꞌ sahak saꞌ xchꞌo̱leb nak teꞌsukꞌi̱k Sión. Junelic sahak saꞌ xchꞌo̱leb ut yo̱keb chi bicha̱nc. Incꞌaꞌ chic teꞌrahokꞌ saꞌ xchꞌo̱leb chi moco teꞌya̱bak chic xban raylal.

Isaías 25:6

Saꞌ li tzu̱l Sión li Ka̱cuaꞌ li nimajcual Dios tixba̱nu jun li ninkꞌe re chixjunileb li xni̱nkal ru tenamit. Teꞌxtzaca li cha̱bil tzacae̱mk ut teꞌrucꞌ li cha̱bil vino.

Números 18:18

Lix tibel li xul aꞌan tinqꞌue a̱cue, ut a̱cue ajcuiꞌ li re xchꞌo̱l ut li rukꞌ li cuan saꞌ xnim, li nequetaksi saꞌ e̱rukꞌ chicuu la̱in li Ka̱cuaꞌ.

Levítico 23:11

Nak ac xnumeꞌ li hiloba̱l cutan laj tij tixtaksi saꞌ rukꞌ le̱ mayej chiru li Ka̱cuaꞌ re nak ta̱cꞌulekꞌ.

Levítico 10:15

Riqꞌuin lix xe̱bul li mayej li nacꞌatman te̱cꞌam li re xchꞌo̱l ut li rukꞌ li teꞌxtaksi saꞌ rukꞌeb chiru li Ka̱cuaꞌ. Rajlal te̱cꞌul aꞌin chokꞌ e̱re ut reheb le̱ ralal e̱cꞌajol joꞌ quixye li Ka̱cuaꞌ.

Levítico 9:21

Laj Aarón quixtaksi saꞌ rukꞌ chiru li Ka̱cuaꞌ li re xchꞌo̱l ut li rukꞌ li xul li cuan saꞌ xnim joꞌ quiyeheꞌ re xban laj Moisés.

Levítico 7:34

La̱in xinyehoc re nak laj Aarón laj tij ut eb li ralal teꞌxcꞌul li re xchꞌo̱l ut li rukꞌ li xul li teꞌxmayeja eb laj Israel re xcꞌambaleb rib saꞌ usilal riqꞌuin li Dios. Aꞌan jun chakꞌrab teꞌxba̱nu chi junelic, chan li Dios.

Levítico 7:31

Ut laj tij tixcꞌat li xe̱b saꞌ li artal. Abanan li re xchꞌo̱l, aꞌan re laj Aarón ut reheb ajcuiꞌ li ralal.

Levítico 7:30

Nak tixcꞌam lix mayej li ta̱cꞌatma̱nk, riqꞌuin rukꞌ aꞌan tixtaksi li xe̱b ut li re xchꞌo̱l li xul chiru li artal re xkꞌaxtesinquil chiru li Ka̱cuaꞌ.

Levítico 7:32

Ut li rukꞌ li cuan saꞌ xnim, teꞌxqꞌue re laj tij xban nak aꞌan li tento ta̱tzꞌak.

Números 6:21

Aꞌan aꞌin li chakꞌrab li tixba̱nu nak tixyechiꞌi lix mayej chiru li Ka̱cuaꞌ chokꞌ aj nazareo. Ut tixqꞌue ajcuiꞌ jun chic li mayej li joꞌ qꞌuial naru xqꞌuebal chiru. Tento nak tixba̱nu li cꞌaꞌru quixyechiꞌi joꞌ naxye saꞌ li chakꞌrab li qꞌuebil reheb laj nazareo.