Números 6:2 - Li Santil hu

² —Tat-a̱tinak riqꞌuineb laj Israel ut ta̱ye reheb chi joꞌcaꞌin. Cui junak cui̱nk malaj ut junak ixk tixkꞌaxtesi rib chi cꞌanjelac chiru li Ka̱cuaꞌ chokꞌ aj nazareo,

Q'eqchi Bible

² “Ye a'in reheb' laj Israel: Wi junaq winq malaj ixq taa'ok cho'q aj nasireo, naraj naxye tixmayeja rib' chi k'anjelak chiru li Qaawa',

Números 6:2 ပူးပေါင်းရင်းမြစ်များ

Jueces 13:5

Ta̱cua̱nk jun la̱ cꞌulaꞌal te̱lom. Incꞌaꞌ ta̱besma̱nk rismal, xban nak chalen saꞌ xyoꞌlajic li cꞌulaꞌal aꞌan aj nazareo. Ac kꞌaxtesinbil re li Dios ut aꞌan ta̱oc chi coloc reheb laj Israel saꞌ rukꞌeb laj filisteo, chan li ángel.

Romanos 1:1

La̱in laj Pablo laj cꞌanjel chiru li Ka̱cuaꞌ Jesucristo. Sicꞌbil chak cuu xban li Dios chokꞌ x-apóstol ut taklanbilin chixyebal resilal li colba-ib.

Hebreos 7:27

Li Jesucristo ma̱cuaꞌ joꞌqueb lix yucuaꞌileb aj tij li queꞌcuan saꞌ xya̱nkeb laj Israel. Eb aꞌan cuulaj cuulaj nequeꞌxmayeja li xul re xtojbal rix lix ma̱queb joꞌ ajcuiꞌ lix ma̱queb li tenamit. Aban li Jesucristo jun sut ajcuiꞌ quixmayeja rib re xtojbal rix li kama̱c.

Gálatas 1:15

Nak toj ma̱jiꞌ ninyoꞌla, xban xnimal rusilal, li Dios ac xsicꞌ chak cuu re tincꞌanjelak chiru.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

San Lucas 1:15

La̱ cualal li ta̱yoꞌla̱k ta̱qꞌuehekꞌ xcuanquil xban li Dios. Aꞌan incꞌaꞌ ta̱ucꞌak vino chi moco li haꞌ li nacaltesin. Ut ac cua̱nk chak li Santil Musikꞌej riqꞌuin nak toj ma̱jiꞌak nayoꞌla.

Proverbios 18:1

Li ani naxsicꞌ li us chokꞌ re xjunes rib, incꞌaꞌ naxcꞌu̱luban li cha̱bil naꞌleb naqꞌueheꞌ re.

1 Samuel 1:28

Joꞌcan nak xinchal chixkꞌaxtesinquil chiru li nimajcual Dios li cꞌulaꞌal aꞌin re ta̱cꞌanjelak chiru joꞌ najtil ta̱cua̱nk saꞌ ruchichꞌochꞌ, chan. Ut queꞌxlokꞌoni li Dios.

Jueces 16:17

Ut quixye lix ya̱lal re: —La̱in ma̱ jun sut quibeseꞌ injolom xban nak la̱in aj nazareo. Ac kꞌaxtesinbilin re li Dios nak toj ma̱jiꞌ ninyoꞌla. Cui ta̱besekꞌ li cuismal, ma̱cꞌaꞌ chic inmetzꞌe̱u tincana̱k. Chanchanakin chic joꞌ chixjunileb li cui̱nk, chan.

Levítico 27:2

—Tat-a̱tinak riqꞌuineb laj Israel ut ta̱ye reheb chi joꞌcaꞌin. Cui junak li cristian naxyechiꞌi li cꞌaꞌak re ru re li Ka̱cuaꞌ naru naxtoj riqꞌuin tumin li cꞌaꞌru quixyechiꞌi. Aꞌan aꞌin li joꞌ qꞌuial tento xtojbal:

Levítico 20:26

Santakex xban nak santin la̱in li Ka̱cuaꞌ li nimajcual Dios. La̱in xinsicꞌoc e̱ru saꞌ xya̱nkeb chixjunileb li xni̱nkal ru tenamit re nak la̱exak li cualal incꞌajol.

Éxodo 33:16

Cui incꞌaꞌ tatcua̱nk kiqꞌuin, ¿chanru nak ta̱cꞌutu̱nk chiruheb li jalan xtenamiteb nak la̱o xkacꞌam kib saꞌ usilal a̱cuiqꞌuin? Cui la̱at tatcua̱nk kiqꞌuin, chixjunileb li tenamit saꞌ ruchichꞌochꞌ teꞌxnau nak la̱o sicꞌbil ku a̱ban, chan laj Moisés.

Hechos 18:18

Aꞌut laj Pablo toj quicana aran nabal cutan. Tojoꞌnak quixchakꞌrabiheb laj pa̱banel ut qui-el. Co̱ chiru haꞌ toj Siria rochbeneb lix Priscila ut laj Aquila. Aran saꞌ li tenamit Cencrea quixbes li rismal. Aꞌan retalil nak quixba̱nu li cꞌaꞌru quixyechiꞌi re li Dios.

Números 6:1

Li Ka̱cuaꞌ quia̱tinac riqꞌuin laj Moisés ut quixye re:

Jueces 13:4

Incꞌaꞌ tat-ucꞌak vino chi moco li cꞌaꞌak re ru nacaltesin ut incꞌaꞌ ta̱tzaca li cꞌaꞌak re ru li quixye li Dios nak incꞌaꞌ naru xtzacanquil.

Jeremías 35:6

Ut eb aꞌan queꞌxye cue: —La̱o incꞌaꞌ noco-ucꞌac vino xban nak laj Jonadab li ralal laj Recab li kaxeꞌto̱nil yucuaꞌ quixye ke nak ma̱ jun cua takucꞌ li vino la̱o, chi moco li kalal kacꞌajol.

Números 30:3

Cui junak tukꞌ ixk toj sa̱j, li toj cuan saꞌ rochoch lix naꞌ xyucuaꞌ, naxyechiꞌi re li Dios cꞌaꞌak re ru,

Jueces 13:14

Incꞌaꞌ naru tixtzaca li cꞌaꞌru yi̱banbil riqꞌuin li ru li uvas. Incꞌaꞌ naru ta̱rucꞌ li vino chi moco ta̱rucꞌ li haꞌ li nacaltesin. Chi moco tixtzaca li naxye saꞌ li chakꞌrab nak incꞌaꞌ naru xtzacanquil. Tixba̱nu chixjunil li xinye re, chan li ángel.