Números 6:15 - Li Santil hu

¹⁵ Tixcꞌam ajcuiꞌ li mayej cꞌaj ut li mayej vino ut jun chacach li caxlan cua li ma̱cꞌaꞌ xchꞌamal ut yi̱banbilak riqꞌuin li cha̱bil cꞌaj ut junajinbilak riqꞌuin aceite. Ut yulbilak li aceite chiruheb li caxlan cua.

Q'eqchi Bible

¹⁵ jun ch'ina chakach chi wa maak'a'aq xyu, yiib'anb'ilaq rik'in aseeyt ut li k'uluj yulb'ilaq sa' aseeyt, rochb'een li mayej ut li b'iin.

Números 6:15 ပူးပေါင်းရင်းမြစ်များ

Levítico 2:4

Cui tixmayeja li caxlan cua li yi̱banbil saꞌ horno, tento nak yi̱banbilak riqꞌuin cha̱bil cꞌaj, ut tento nak ma̱cꞌaꞌak xchꞌamal. Naru tixmayeja li caxlan cua li pim, li yokꞌinbil riqꞌuin li cha̱bil aceite oliva, malaj ut naru tixmayeja li caxlan cua, sursu ut jay, li yulbil riqꞌuin aceite oliva.

Éxodo 29:2

Ut te̱yi̱b li caxlan cua li ma̱cꞌaꞌ xchꞌamal riqꞌuin li cha̱bil cꞌaj re li trigo, ut te̱yi̱b li caxlan cua jun chic li cuan aceite chi saꞌ, ut te̱yi̱b ajcuiꞌ li caxlan cua chi jay ut te̱yul li aceite chiru.

Números 15:10

Ut te̱cꞌam ajcuiꞌ cuib litro li vino. Aꞌanak jun li sununquil cꞌatbil mayej ta̱cuulak chicuu.

1 Corintios 11:26

Joꞌcan nak ninye e̱re rajlal nak te̱tzaca a caxlan cua aꞌin ut te̱rucꞌ xsaꞌ li secꞌ aꞌin, te̱jultica xcamic li Cristo. Cheba̱nuhak aꞌan toj ta̱cꞌulu̱nk cuiꞌchic li Ka̱cuaꞌ Jesucristo.

1 Corintios 10:31

La̱in tinye e̱re lix ya̱lal. Chixjunil li cꞌaꞌru te̱tzaca ut chixjunil li cꞌaꞌru te̱ba̱nu, cheba̱nuhak re xqꞌuebal xlokꞌal li Ka̱cuaꞌ Dios.

Joel 2:14

¿Ani ta biꞌ ta̱naꞌok re cꞌaꞌru tixba̱nu li Dios? Cui te̱yotꞌ e̱chꞌo̱l, ma̱re tixjal xcꞌaꞌux ut incꞌaꞌ chic tixqꞌue li raylal saꞌ e̱be̱n. Ma̱re texrosobtesi ut tixqꞌue cuiꞌchic e̱re le̱ trigo ut le̱ uvas. Ut texmayejak cuiꞌchic chiru li Ka̱cuaꞌ le̱ Dios.

Joel 1:13

La̱ex aj tij, li nequexcꞌanjelac chiru lix artal li Ka̱cuaꞌ, chexya̱bak ut cheqꞌuehak e̱rakꞌ kꞌes ru che̱rix re rahil chꞌo̱lej. Ut chenumsihak li kꞌojyi̱n chi ra saꞌ le̱ chꞌo̱l xban nak ma̱cꞌaꞌ chic li cꞌaꞌru te̱mayeja chiru li artal saꞌ lix templo li Ka̱cuaꞌ.

Joel 1:9

Eb laj tij, li nequeꞌcꞌanjelac chiru li Dios, yo̱queb chi ya̱bac, xban nak ma̱cꞌaꞌ chic li ru li acui̱mk, chi moco li vino re teꞌxmayeja saꞌ lix templo li Ka̱cuaꞌ.

Isaías 62:9

Eb aꞌan ban teꞌsicꞌok re ut teꞌxtzaca ut teꞌxlokꞌoni li Ka̱cuaꞌ. Eb li teꞌsicꞌok ru li uvas, aꞌaneb ajcuiꞌ li teꞌucꞌak re li xyaꞌal saꞌ li neba̱l re lix templo li Ka̱cuaꞌ.

Levítico 9:4

Teꞌxqꞌue ajcuiꞌ jun li cuacax ut jun li te̱lom carner re teꞌxmayeja re xcꞌambal ribeb saꞌ usilal riqꞌuin li Ka̱cuaꞌ. Teꞌxmayeja chiru li Ka̱cuaꞌ rochben li cꞌaj junajinbil riqꞌuin aceite. Teꞌxba̱nu chi joꞌcan xban nak chiru li cutan aꞌin tixcꞌutbesi rib li Ka̱cuaꞌ chiruheb, chan.

Levítico 8:2

—Ta̱xakabeb laj Aarón ut eb li ralal chi cꞌanjelac chokꞌ aj tij. Ta̱cꞌameb chiru li oqueba̱l re li tabernáculo. Ut ta̱cꞌam ajcuiꞌ li rakꞌeb laj tij ut li aceite re xqꞌuebal saꞌ xjolomeb. Ta̱cꞌam junak li toro li ta̱mayeja̱k re xtzꞌa̱manquil xcuybal lix ma̱queb. Ut ta̱cꞌameb ajcuiꞌ cuib li carner te̱lom ut li chacach li cuan cuiꞌ li caxlan cua li ma̱cꞌaꞌ xchꞌamal.

Levítico 7:12

Li ani tixqꞌue lix mayej re xbantioxinquil chiru li Ka̱cuaꞌ tixqꞌue li caxlan cua li ma̱cꞌaꞌ xchꞌamal junajinbil riqꞌuin aceite, malaj ut tixqꞌue ajcuiꞌ li caxlan cua chi jay li ma̱cꞌaꞌ xchꞌamal ut tixqꞌue aceite saꞌ xbe̱n. Tixqꞌue ajcuiꞌ li caxlan cua yi̱banbil riqꞌuin cha̱bil cꞌaj, yokꞌinbil chi us ut junajinbil riqꞌuin aceite.

Números 6:16

Laj tij tixqꞌue li cꞌatbil mayej chiru li Ka̱cuaꞌ. Ut tixqꞌue ajcuiꞌ li mayej re xtojbal rix li ma̱c.