Números 6:14 - Li Santil hu

¹⁴ Ut tixqꞌue chokꞌ xcꞌatbil mayej chiru li Ka̱cuaꞌ jun li te̱lom carner jun chihab cuan re. Ut tixqꞌue jun li ixki carner jun chihab cuan re, re xtojbal rix lix ma̱c. Ut tixqꞌue jun li te̱lom carner re tixcꞌam rib saꞌ usilal riqꞌuin li Dios. Ma̱cꞌaꞌak re̱qꞌueb li xul li tixqꞌue chokꞌ xmayej.

Q'eqchi Bible

¹⁴ ut tixq'axtesi li xmayej re li Qaawa': jun karneer aj jun chihab' chi maak'a'aq reek', cho'q k'atb'il mayej; jun li ixqi karneer aj jun chihab' chi maak'a'aq reek', re xtojb'al rix li xmaak; jun karneer chi maak'a'aq reek', re k'amok ib' sa' usilal rik'in li Qaawa';

Números 6:14 ပူးပေါင်းရင်းမြစ်များ

Levítico 4:32

Cui tixqꞌue junak li sa̱j carner chokꞌ xmayej, tento nak tixqꞌue jun li ixki carner tzꞌakal re ru.

Levítico 3:6

Cui carner li tixqꞌue chokꞌ xmayej re xcꞌambal rib saꞌ usilal riqꞌuin li Ka̱cuaꞌ Dios, tento nak tixqꞌue junak tzꞌakalak re ru, usta te̱lom usta ixki carner.

1 Pedro 1:19

Colbilex ban riqꞌuin xlokꞌlaj quiqꞌuel li Cristo. Li Cristo, aꞌan li quixmayeja rib chiru li Dios Acuabej joꞌ jun li carner namayeja̱c chi ma̱cꞌaꞌ re̱cꞌ ut chi ma̱cꞌaꞌ xpaltil.

1 Crónicas 15:26

Li Dios quitenkꞌan reheb laj levita li yo̱queb chixcꞌambal li Lokꞌlaj Ca̱x Jerusalén. Queꞌxmayeja cuukub li toro ut cuukub li carner te̱lom re xlokꞌoninquil li Ka̱cuaꞌ.

Números 15:27

Abanan cui jun ajcuiꞌ naxkꞌet li chakꞌrab chi incꞌaꞌ yal xraj xchꞌo̱l, li jun aꞌan tixcꞌam jun li ixki chiba̱t jun chihab cuan re, re xtzꞌa̱manquil xcuybal lix ma̱c.

Levítico 14:10

Saꞌ xcuakxak li cutan li cristian li ac xqꞌuira tixcꞌam saꞌ li tabernáculo cuib li cha̱bil carner te̱lom toj sa̱j ut li tzꞌakal re ru. Tixcꞌam ajcuiꞌ jun li ixki carner jun chihab cuan re ut tzꞌakal re ru. Tixcꞌam ajcuiꞌ numenak ca̱laju libra li cha̱bil cꞌaj rochben aceite re lix mayej. Tixcꞌam ajcuiꞌ mero botella li aceite.

Levítico 4:27

Cui cuan junak cristian ma̱cꞌaꞌ xcuanquil saꞌ li tenamit li naxkꞌet lix chakꞌrab li Dios chi incꞌaꞌ naxnau nak ma̱c li yo̱ chixba̱nunquil, aꞌan cuan xma̱c usta incꞌaꞌ naxnau nak ma̱c xba̱nu.

Salmos 66:15

Tincꞌat saꞌ xbe̱n la̱ artal li xul li ni̱nkeb xtibel ut ta̱cuulak toj a̱cuiqꞌuin lix bo̱c. Tinmayeja li carner, li bo̱yx ut li chiba̱t li te̱lom joꞌ xinyechiꞌi a̱cue.