Números 6:12 - Li Santil hu

¹² Tixkꞌaxtesi cuiꞌchic rib re li Ka̱cuaꞌ joꞌ quixba̱nu junxil chokꞌ nazareo. Incꞌaꞌ ta̱qꞌuehekꞌ saꞌ ajl eb li cutan nak quicuan chokꞌ nazareo xban nak quixmux rib riqꞌuin li camenak. Ut tixqꞌue jun li te̱lom carner aj jun chihab re xtojbal rix lix ma̱c.

Q'eqchi Bible

¹² tixq'axtesi rib' re li Qaawa' chiru chixjunil li kutan jo' xyeechi'om rib', ut tixmayeja jun chib'aat aj jun chihab' re rak'ob'resinkil wi' chik li xyeechi'om. Ink'a' chik taak'ehe'q sa' ajl eb' li kutan xe'nume'k xb'enwa, xb'aan naq xmuxe'k li rismal xjolom.

Números 6:12 ပူးပေါင်းရင်းမြစ်များ

Levítico 5:6

Tento nak tixqꞌue chokꞌ xmayej chiru li Ka̱cuaꞌ re xtzꞌa̱manquil xcuybal lix ma̱c jun li ixki carner malaj ut li ixki chiba̱t. Ut laj tij tixmayeja chiru li Ka̱cuaꞌ re xtojbal rix lix ma̱c.

2 Juan 1:8

Cheqꞌuehak retal che̱ribil e̱rib re nak incꞌaꞌ ta̱cana̱k chi ma̱cꞌaꞌ rajbal le̱ cꞌanjel chiru li Dios. Tzꞌakalak ban re ru xkꞌajca̱munquil le̱ cꞌanjel te̱cꞌul riqꞌuin li Dios.

Santiago 2:10

Li ani naxpa̱b chixjunil li chakꞌrab, abanan cui naxkꞌet junak reheb li chakꞌrab, riqꞌuin aꞌan xkꞌet chixjunil.

San Mateo 24:13

Ut li ani tixcuy xnumsinquil li raylal aꞌin toj saꞌ rosoꞌjic lix yuꞌam, aꞌan ta̱colekꞌ.

San Mateo 3:15

Ut li Jesús quichakꞌoc ut quixye re: —Us takaba̱nu anakcuan xban nak tento ta̱uxma̱nk chixjunil li cꞌaꞌru naxye li Dios, chan. Tojoꞌnak quixcꞌu̱luban xchꞌo̱l laj Juan.

Ezequiel 18:24

Abanan cui junak ti̱c xchꞌo̱l tixjal xnaꞌleb ut tixba̱nu li ma̱usilal li nequeꞌxba̱nu li incꞌaꞌ useb xnaꞌleb, li jun aꞌan ta̱ca̱mk. Ut incꞌaꞌ tixcꞌul xkꞌajca̱munquil li us li quixba̱nu junxil. Ta̱ca̱mk xban li ma̱c li quixba̱nu ut xban nak quixkꞌetkꞌeti rib.

Levítico 14:24

Laj tij tixchap li carner li toj sa̱j li ta̱mayeja̱k re xtojbal rix lix ma̱c li cristian li ac xqꞌuira ut tixchap ajcuiꞌ li aceite ut tixtaksiheb saꞌ rukꞌ chiru li Ka̱cuaꞌ.

Éxodo 12:5

Usta chiba̱t, usta carner li te̱sicꞌ, jun chihab cua̱nk re. Ut tento nak te̱lom li xul ut cha̱bilak. Ma̱cꞌaꞌak xyajel.

Levítico 5:7

Cui incꞌaꞌ tzꞌakal lix tumin re xlokꞌbal junak li sa̱j carner re xtzꞌa̱manquil xcuybal lix ma̱c chiru li Dios, tento nak tixqꞌue cuibak li mucuy malaj ut cuibak li paloma toj sa̱jeb. Jun tixqꞌue re xtojbal rix lix ma̱c ut jun tixqꞌue re ta̱cꞌatekꞌ.

Números 6:11

Laj tij tixmayeja li jun re xtzꞌa̱manquil xcuybal xma̱c li cui̱nk ut li jun chic tixcꞌat re xtojbal rix lix ma̱c xban nak quicuan li camenak chi nachꞌ riqꞌuin. Chi joꞌcaꞌin tixsantobresi cuiꞌchic li rismal xjolom.

Números 6:13

Aꞌan aꞌin li chakꞌrab li tixba̱nu laj nazareo nak ac xrakeꞌ li cutan nak ta̱cua̱nk chokꞌ aj nazareo. Ta̱xic saꞌ li oqueba̱l re li tabernáculo.