Números 5:7 - Li Santil hu

⁷ Tento nak li jun aꞌan tixxo̱to lix ma̱c chiru li Dios ut tixtoj chiru li ras ri̱tzꞌin li incꞌaꞌ us li quixba̱nu ut tixqꞌue ajcuiꞌ ral li tumin. Ju̱nk may ral li ju̱nk ciento (20%) tixqꞌue re chixjunil.

Q'eqchi Bible

⁷ Jo'kan naq tento tixxooto li xmaak xb'aanu; tixtoj rix rik'in tumin ut oob' jachal chik xkomon tixk'e.

Números 5:7 ပူးပေါင်းရင်းမြစ်များ

Levítico 5:5

Nak junak ta̱ma̱cobk riqꞌuin li cꞌaꞌak re ru aꞌin, tento nak tixye cꞌaꞌru lix ma̱c.

Josué 7:19

Ut laj Josué quixye re laj Acán: —At Acán, la̱in nintzꞌa̱ma cha̱cuu nak ta̱qꞌue xlokꞌal li Ka̱cuaꞌ, li kaDios la̱o aj Israel. Ye lix ya̱lal. Ta̱ye cue cꞌaꞌru xaba̱nu. Ma̱muk chicuu, chan laj Josué.

Levítico 26:40

La̱ex ta̱yotꞌekꞌ e̱chꞌo̱l xban li ma̱c queba̱nu ut xban li ma̱c queꞌxba̱nu chak le̱ naꞌ e̱yucuaꞌ nak quineꞌxtzꞌekta̱na ut queꞌxkꞌet lin chakꞌrab.

San Lucas 19:8

Nak yo̱queb chi cuaꞌac, laj Zaqueo quixakli chiru li Jesús ut quixye re: —Ka̱cuaꞌ, chalen anakcuan jalan chic tinba̱nu. Yijach lin jun cablal tinsi reheb li nebaꞌ. Ut cui cuan anihak xcuelkꞌa cꞌaꞌru re, ca̱hib cua chic xqꞌuial li re̱kaj tinqꞌue, chan.

Proverbios 28:13

Li ani naxmuk lix ma̱c, incꞌaꞌ us ta̱e̱lk. Abanan li ani tixpatzꞌ xcuybal xma̱c ut tixcanab xba̱nunquil li ma̱usilal, ta̱uxta̱na̱k ru.

Salmos 32:5

Tinye lin ma̱c re li Ka̱cuaꞌ, chanquin. Joꞌcan ut nak xinpatzꞌ incuybal cha̱cuu, at Ka̱cuaꞌ, ut ma̱cꞌaꞌ xinmuk cha̱cuu. Ut la̱at xacuy xasach lin ma̱c.

Levítico 7:7

Juntakꞌe̱t lix chakꞌrabinquileb chirix xqꞌuebal li mayej li nequeꞌxqꞌue re xtzꞌa̱manquil xcuybal xma̱queb riqꞌuin li mayej li nequeꞌxqꞌue nak nequeꞌxkꞌet lix chakꞌrab li Dios. Laj tij li ta̱cꞌatok reheb li mayej aꞌin, aꞌan ta̱tzꞌak li tib aꞌin.

Levítico 5:15

—Nak junak cristian ta̱ma̱cobk chi incꞌaꞌ naxnau nak ma̱c yo̱ chixba̱nunquil xban nak incꞌaꞌ quixqꞌue lix mayej chi tzꞌakal joꞌ naxye lix chakꞌrab li Dios, tento nak tixqꞌue junak lix carner te̱lom tzꞌakal re ru re nak ta̱cuyekꞌ xma̱c. La̱at ta̱bir rix joꞌ nimal xtzꞌak li carner li tixqꞌue chokꞌ xmayej chiru li Dios chokꞌ xtojbal rix lix mayej li incꞌaꞌ xqꞌue. Ta̱bir rix li joꞌ qꞌuial tento xqꞌuebal joꞌ xbisbal li mayej li nequeꞌxqꞌue saꞌ li tabernáculo.

Levítico 5:16

Tento nak tixtoj li mayej li joꞌ qꞌuial chic incꞌaꞌ xqꞌue ut tixtoj ajcuiꞌ li ju̱nk may ral li ju̱nk ciento (20%) li incꞌaꞌ quixtoj. Tixqꞌue re laj tij ut laj tij tixmayeja li carner re xtojbal rix lix ma̱c li cui̱nk li quiqꞌuehoc re li mayej. Ut ta̱cuyekꞌ lix ma̱c.

Levítico 26:41

Ut la̱ex te̱qꞌue retal nak xma̱c aꞌan nak quebintakla saꞌ xtenamiteb li xicꞌ nequeꞌiloc e̱re. Nak te̱cubsi e̱rib ut te̱cꞌu̱luban saꞌ e̱be̱n lix tojbal rix le̱ ma̱c,

Números 5:8

Cui li cui̱nk li quicꞌuluc re li raylal camenak chic ut ma̱cꞌaꞌ rechꞌalal ta̱cꞌuluk re li tixqꞌue chokꞌ xtojbal rix li ma̱c li quixba̱nu, tento nak tixkꞌaxtesi chiru li Dios ut laj tij tixcꞌul. Ut tixqꞌue ajcuiꞌ li carner te̱lom li tixmayeja laj tij chokꞌ re xtojbal rix lix ma̱c.