Números 5:28 - Li Santil hu

²⁸ Abanan cui li ixk incꞌaꞌ xmux ru lix sumlajic, ut ma̱cꞌaꞌ xma̱c, li haꞌ ma̱cꞌaꞌ tixba̱nu re. Ut ta̱ru̱k ta̱qꞌuiresi̱nk.

Q'eqchi Bible

²⁸ Ab'an wi li ixq maak'a' xmaak, maak'a' taa'uxq re xb'aan li ha' ut naru taawanq xkok'al.

Números 5:28 ပူးပေါင်းရင်းမြစ်များ

1 Pedro 1:7

Tento nak ta̱yalekꞌ rix le̱ pa̱ba̱l re nak ta̱cꞌutu̱nk ma tzꞌakal re ru. Li pa̱ba̱l kꞌaxal cuiꞌchic lokꞌ chiru li oro li na-osoꞌ. Li oro nanumsi̱c saꞌ xam re rilbal ma cha̱bil. Joꞌcan ajcuiꞌ nak tento xyalbal rix le̱ pa̱ba̱l ma tzꞌakal re ru. Cui tzꞌakal re ru le̱ pa̱ba̱l, tex-oxlokꞌi̱k ut ta̱nima̱k e̱ru ut ta̱qꞌuehekꞌ e̱lokꞌal nak tixcꞌutbesi cuiꞌchic rib li Jesucristo.

2 Corintios 4:17

Li raylal li nakacꞌul arin saꞌ ruchichꞌochꞌ, aꞌan junpa̱t ajcuiꞌ ut nakacuy xnumsinquil. Li raylal nakacꞌul, yo̱ chikacauresinquil re jun li kalokꞌal ma̱cꞌaꞌ joꞌ xchakꞌal ru ut ta̱cua̱nk chi junelic.

Salmos 113:9

Naxqꞌueheb ralal xcꞌajol li ixk li incꞌaꞌ nequeꞌqꞌuiresin. Ut naxqꞌueheb xsahil xchꞌo̱l saꞌ li rochocheb. ¡Lokꞌoninbil taxak li Ka̱cuaꞌ!

Números 5:19

Laj tij tixye re li ixk nak tixba̱nu li juramento ut tixye re, “Cui incꞌaꞌ xamux ru la̱ sumlajic ma̱cꞌaꞌ ta̱cꞌul nak ta̱cuucꞌ li cꞌahil haꞌ aꞌin li nacꞌamoc chak raylal.

Números 5:27

Cui cuan xma̱c li ixk xban nak xmux ru lix sumlajic, li haꞌ tixqꞌue lix saꞌ chi si̱pocꞌ ut incꞌaꞌ chic ta̱ru̱k ta̱qꞌuiresi̱nk. Ut li ixk tzꞌekta̱nanbilak xbaneb lix tenamit.

Números 5:29

Aꞌan aꞌin li chakꞌrab reheb li ixk li nequeꞌxqꞌue xcakal xchꞌo̱l lix be̱lom xban nak nequeꞌxmux ru xsumlajic.

Deuteronomio 24:1

Cui junak cui̱nk tixcꞌam junak rixakil ut ta̱sumla̱k riqꞌuin, abanan nak ac xsumla riqꞌuin incꞌaꞌ nacuulac chiru xban nak tixqꞌue retal nak incꞌaꞌ us xnaꞌleb, naru tixyi̱b junak li hu re tixjach rib riqꞌuin. Tixqꞌue li hu re li ixk ut ta̱risi saꞌ li rochoch.