Números 5:27 - Li Santil hu

²⁷ Cui cuan xma̱c li ixk xban nak xmux ru lix sumlajic, li haꞌ tixqꞌue lix saꞌ chi si̱pocꞌ ut incꞌaꞌ chic ta̱ru̱k ta̱qꞌuiresi̱nk. Ut li ixk tzꞌekta̱nanbilak xbaneb lix tenamit.

Q'eqchi Bible

²⁷ “Wi li ixq xmux rib' ut relik chi yaal xb'alaq'i li xb'eelom, naq taaruk' li xha'el li majewank, taasipooq li xsa' ut ink'a' chik taaruk' li xha'el li majewank, taasipooq li xsa' ut ink'a' chik taa'alanq, ut majewanb'ilaq sa' xyanqeb' li xtenamit.

Números 5:27 ပူးပေါင်းရင်းမြစ်များ

Jeremías 42:18

Ut li Ka̱cuaꞌ li nimajcual Dios, lix Dioseb laj Israel, quixye ajcuiꞌ: —Joꞌ nak xincꞌutbesi lin joskꞌil chiruheb li cuanqueb Jerusalén nak xinqꞌueheb chixtojbal xma̱c, joꞌcan ajcuiꞌ nak texinqꞌue chixtojbal e̱ma̱c la̱ex cui texxic Egipto. Xucuajelak e̱rilbal. Texhobekꞌ ut ta̱patzꞌekꞌ le̱ cꞌabaꞌ nak eb li tenamit teꞌmajecua̱nk. Ut incꞌaꞌ chic texsukꞌi̱k saꞌ li naꞌajej aꞌin, chan li Ka̱cuaꞌ.

Jeremías 29:18

Junelic tintakla li ple̱t, li cueꞌej ut li caki yajel saꞌ xbe̱neb. Chixjunileb li cuanqueb saꞌ ruchichꞌochꞌ teꞌsachk xchꞌo̱l chirilbaleb. Teꞌhobekꞌ ut teꞌseꞌe̱k. Yalak bar tebintakla, teꞌetzꞌu̱k ut teꞌmajecua̱k.

Zacarías 8:13

La̱ex li ralal xcꞌajol laj Judá ut li ralal xcꞌajol laj Israel, junxil majecuanbilex ut tzꞌekta̱nanbilex xbaneb li jalanil tenamit. Abanan, anakcuan texincol ut saꞌ e̱cꞌabaꞌ la̱ex nak osobtesinbilakeb li jalanil tenamit. Mexxucuac. Cacuubresihomak ban e̱chꞌo̱l chi cꞌanjelac.—

Jeremías 44:12

La̱in tinsacheb chixjunileb laj Judá li incꞌaꞌ queꞌsacheꞌ ruheb junxil. Tinsacheb chixjunileb li teꞌxqꞌue xchꞌo̱l chi xic chi cua̱nc Egipto. Jun xxiquic, joꞌ li cuanqueb xcuanquil, joꞌ eb li ma̱cꞌaꞌeb xcuanquil, telajeꞌca̱mk aran Egipto. Cuan li teꞌca̱mk saꞌ li ple̱t ut cuan li teꞌca̱mk xban cueꞌej. Xucuajel rilbal li teꞌxcꞌul. Teꞌhobekꞌ ut teꞌmajecua̱k xbaneb li tenamit ut teꞌseꞌe̱k.

Jeremías 29:22

Xma̱queb aꞌan nak chixjunileb laj Judá li cuanqueb Babilonia teꞌxye chi joꞌcaꞌin nak teꞌmajecua̱nk, “Li Ka̱cuaꞌ tixba̱nu a̱cue joꞌ quixba̱nu reheb laj Sedequías ut laj Acab li queꞌcꞌateꞌ xban li rey Nabucodonosor.”

Jeremías 24:9

Chixjunileb aꞌan nimla raylal tintakla saꞌ xbe̱neb. Cꞌajoꞌ xuta̱nalil teꞌxcꞌul chiruheb chixjunileb li tenamit saꞌ ruchichꞌochꞌ. Teꞌhobekꞌ ut teꞌseꞌe̱k xbaneb chixjunileb li tenamit ut teꞌmajecua̱k saꞌ eb li naꞌajej li tebinjeqꞌui cuiꞌ ruheb.

Isaías 65:15

Eb li nequeꞌcꞌanjelac chicuu teꞌxpatzꞌ le̱ cꞌabaꞌ nak teꞌmajecua̱nk. La̱in li nimajcual Dios texinqꞌue chi camsi̱c. Ut tinqꞌue jun li acꞌ cꞌabaꞌej reheb li nequeꞌxba̱nu li cꞌaꞌru nacuaj la̱in.

Deuteronomio 28:37

Ut chixjunileb li tenamit teꞌsachk xchꞌo̱leb che̱rilbal. Xicꞌ tex-ilekꞌ ut texseꞌe̱k ut tex-etzꞌu̱k saꞌ li naꞌajej li textakla̱k cuiꞌ xban li Dios.

2 Pedro 2:10

¿Ma tojaꞌ ta chic incꞌaꞌ tixqꞌueheb saꞌ tojba ma̱c li nequeꞌxrahi ru li tzꞌajbe̱tal aj naꞌleb ut nequeꞌxtzꞌekta̱na lix cuanquilal li Cristo? Eb aꞌan joskꞌeb ut kꞌetkꞌeteb. Incꞌaꞌ nequeꞌxucuac chixmajecuanquileb li ángel li cuanqueb saꞌ xnimajcual cuanquilal.

2 Corintios 2:16

Chiruheb li nequeꞌsach chanchan xchuhil li camenak li nacamsin. Abanan chiruheb li nequeꞌcoleꞌ chanchan jun sununquil ban li naqꞌuehoc yuꞌam. ¿Ani tzꞌakal cuan xnaꞌleb chixchꞌolobanquil lix ya̱lal li colba-ib?

Romanos 6:21

¿Cꞌaꞌru le̱ kꞌajca̱munquil xecꞌul nak xeba̱nu chak li ma̱usilal? Ma̱cꞌaꞌ. Caꞌaj cuiꞌ xecꞌut chak e̱xuta̱n. Li cꞌaꞌru naxqꞌue li ma̱c, aꞌan li ca̱mc.

Eclesiastés 7:26

Nak yo̱quin chixtzꞌilbal rix chixjunil li cꞌaꞌak re ru aꞌin, quintau jun li chꞌaꞌajquilal kꞌaxal ra chiru li ca̱mc. Aꞌan li ixk li incꞌaꞌ us xnaꞌleb. Naxkꞌunbesi li cui̱nk toj retal natꞌaneꞌ saꞌ rukꞌ. Caꞌaj cuiꞌ li cui̱nk li naxqꞌue xlokꞌal li Dios naru naxcol rib chiru li ixk aꞌan. Abanan, laj ma̱c tzꞌakal natꞌaneꞌ saꞌ rukꞌ aꞌan.

Números 5:20

Abanan cui xamux ru la̱ sumlajic ut xatcuan riqꞌuin jalan cui̱nk li ma̱cuaꞌ a̱be̱lom,

Números 5:28

Abanan cui li ixk incꞌaꞌ xmux ru lix sumlajic, ut ma̱cꞌaꞌ xma̱c, li haꞌ ma̱cꞌaꞌ tixba̱nu re. Ut ta̱ru̱k ta̱qꞌuiresi̱nk.

Salmos 109:18

Chanchan nak naxtikib rib riqꞌuin li majecua̱nc xban nak junes majecua̱nc naxba̱nu. Aꞌ ta li majecua̱nc li naxba̱nu chinumta̱k saꞌ xbe̱n. Ut chi-oc ta saꞌ chixjunil lix tibel joꞌ nak narucꞌ li haꞌ ut joꞌ nak na-oc li aceite saꞌ lix bakel.