Números 5:25 - Li Santil hu

²⁵ Ut laj tij tixchap li mayej cꞌaj li quixqꞌue li cui̱nk xban xcakal xchꞌo̱l, li cuan saꞌ rukꞌ li ixk. Tixtaksi chiru li Ka̱cuaꞌ ut tixcꞌam saꞌ li artal.

Q'eqchi Bible

²⁵ Toja' naq laj tij tixk'ul li xmayejil li sowenak sa' ruq' li ixq, tixtaqsi chiru li Qaawa' ut toxk'e sa' li artal.

Números 5:25 ပူးပေါင်းရင်းမြစ်များ

Levítico 8:27

Chixjunil aꞌin laj Moisés quixqꞌue saꞌ rukꞌ laj Aarón ut saꞌ rukꞌ eb li ralal. Ut laj Aarón ut eb li ralal queꞌxtaksi saꞌ rukꞌeb chiru li Ka̱cuaꞌ chokꞌ xmayejeb.

Números 5:18

Nak xakxo̱k chiru li Ka̱cuaꞌ li ixakilbej, laj tij tixjit li rismal xjolom li ixk ut tixqꞌue saꞌ rukꞌ caꞌchꞌinak li mayej cꞌaj li quixqꞌue li be̱lomej xban xcakal xchꞌo̱l. Ut laj tij tixchap saꞌ rukꞌ li cꞌahil haꞌ li nacꞌamoc chak raylal.

Números 5:15

Nak tixcꞌam li rixakil riqꞌuin laj tij tixcꞌam ajcuiꞌ numenak ca̱hib libra li cꞌaj yi̱banbil riqꞌuin cebada ut tixqꞌue chokꞌ xmayej xban xcakal xchꞌo̱l. Incꞌaꞌ tixjunaji riqꞌuin aceite chi moco riqꞌuin incienso xban nak li mayej aꞌan tixqꞌue xban xcakal xchꞌo̱l ut re ajcuiꞌ nak ta̱cꞌutu̱nk ma cuan xma̱c li ixk malaj ut ma̱cꞌaꞌ.

Éxodo 29:24

Li caxlan cua aꞌin ta̱qꞌue saꞌ rukꞌ laj Aarón joꞌ ajcuiꞌ saꞌ rukꞌeb li ralal. Teꞌxtaksi li rukꞌeb re xmayejanquil chicuu.

Números 5:24

Chirix aꞌan laj tij tixqꞌue re li ixk li haꞌ aꞌan re nak tixcꞌul raylal cui cuan xma̱c.

Números 5:26

Ut laj tij tixchap jun mo̱chꞌak li mayej cꞌaj chokꞌ retalil nak chixjunil li cꞌaj kꞌaxtesinbil re li Ka̱cuaꞌ. Ut tixcꞌat saꞌ li artal ut tixqꞌue chirucꞌ li ixk li cꞌahil haꞌ.