Números 5:21 - Li Santil hu

²¹ li Ka̱cuaꞌ tixqꞌue chi si̱pocꞌ la̱ saꞌ ut incꞌaꞌ chic ta̱ru̱k tatqꞌuiresi̱nk ut eb la̱ tenamit tateꞌxtzꞌekta̱na.

Q'eqchi Bible

²¹ (laj tij tixye li jurament a'in sa' xb'een li ixq) majewanb'ilaqat xb'aan li Qaawa' sa' xyanqeb' laatenamit; ink'a' chik truuq tatk'iiresinq ut chisipooq laasa'.

Números 5:21 ပူးပေါင်းရင်းမြစ်များ

Nehemías 10:29

Ut chixjunileb chi junajeb xchꞌo̱l rochbeneb li nequeꞌcꞌamoc be saꞌ xya̱nkeb queꞌxba̱nu li juramento ut queꞌxye nak teꞌxba̱nu joꞌ naxye li chakꞌrab li quixqꞌue li Dios re laj Moisés laj cꞌanjel chiru. Queꞌxye nak teꞌxba̱nu chi tzꞌakal chixjunil li naxye saꞌ li chakꞌrab li quiqꞌueheꞌ reheb xban li Ka̱cuaꞌ li kaDios.

1 Samuel 14:24

Saꞌ li cutan aꞌan tacuajenakeb li soldado aj Israel xban nak laj Saúl ac xba̱nu li juramento ut quixye: —Tzꞌekta̱nanbilak li ani ta̱cuaꞌak nak toj ma̱jiꞌ na-oc li kꞌojyi̱n cui toj ma̱jiꞌ nequeꞌke̱chaniheb laj filisteo, chan. Joꞌcan nak incꞌaꞌ queꞌcuaꞌac eb li soldados aj Israel.

Josué 6:26

Saꞌ eb li cutan aꞌan laj Josué quixba̱nu jun li juramento ut quixye: —Raylal ta chiqꞌuehekꞌ saꞌ xbe̱n xban li Ka̱cuaꞌ li ani ta̱oc cuiꞌchic chixcuaclesinquil li tenamit aꞌin. Chica̱mk ta li xbe̱n ralal li ani ta̱qꞌuehok cuiꞌchic lix cimiento li tenamit aꞌin. Ut chica̱mk ta ajcuiꞌ li i̱tzꞌinbej cui tixyi̱b li oqueba̱l, chan.

Jeremías 29:22

Xma̱queb aꞌan nak chixjunileb laj Judá li cuanqueb Babilonia teꞌxye chi joꞌcaꞌin nak teꞌmajecua̱nk, “Li Ka̱cuaꞌ tixba̱nu a̱cue joꞌ quixba̱nu reheb laj Sedequías ut laj Acab li queꞌcꞌateꞌ xban li rey Nabucodonosor.”

San Mateo 26:74

Ut laj Pedro qui-oc chi majecua̱nc ut quixye riqꞌuin juramento: —Incꞌaꞌ ninnau ru li cui̱nk aꞌan, chan. Ut saꞌ ajcuiꞌ li ho̱nal aꞌan quiya̱bac laj tzoꞌ xul.

Isaías 65:15

Eb li nequeꞌcꞌanjelac chicuu teꞌxpatzꞌ le̱ cꞌabaꞌ nak teꞌmajecua̱nk. La̱in li nimajcual Dios texinqꞌue chi camsi̱c. Ut tinqꞌue jun li acꞌ cꞌabaꞌej reheb li nequeꞌxba̱nu li cꞌaꞌru nacuaj la̱in.

Proverbios 10:7

Li cha̱bileb xnaꞌleb junelic teꞌjultica̱k. Abanan li incꞌaꞌ useb xnaꞌleb, ma̱ ani ta̱jultica̱nk reheb.

2 Crónicas 21:15

Ut tixqꞌue ajcuiꞌ jun nimla yajel saꞌ a̱be̱n la̱at toj retal ta̱e̱lk la̱ cꞌamcꞌot.”

Números 5:27

Cui cuan xma̱c li ixk xban nak xmux ru lix sumlajic, li haꞌ tixqꞌue lix saꞌ chi si̱pocꞌ ut incꞌaꞌ chic ta̱ru̱k ta̱qꞌuiresi̱nk. Ut li ixk tzꞌekta̱nanbilak xbaneb lix tenamit.