Números 5:16 - Li Santil hu

¹⁶ Ut laj tij tixcꞌam li ixakilbej ut tixxakab chiru li Ka̱cuaꞌ.

Q'eqchi Bible

¹⁶ “Laj tij tixk'am li ixq ut toxxaqab' chiru li Qaawa'.

Números 5:16 ပူးပေါင်းရင်းမြစ်များ

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

Jeremías 17:10

Caꞌaj cuiꞌ la̱in li Ka̱cuaꞌ li ninnaꞌoc re cꞌaꞌru cuan saꞌ lix cꞌaꞌuxeb. Ut la̱in ninqꞌue xkꞌajca̱munquil li junju̱nk aꞌ yal chanru lix yehom xba̱nuhomeb.—

Levítico 1:3

Cui cuacax teꞌxqꞌue chokꞌ xcꞌatbil mayej, tento nak teꞌxqꞌue li toro tzꞌakalak re ru. Ut teꞌxqꞌue joꞌ na-ala saꞌ xchꞌo̱leb. Teꞌxcꞌam lix mayej chiru li Ka̱cuaꞌ saꞌ li oqueba̱l re li tabernáculo li nequeꞌxchꞌutub cuiꞌ ribeb li tenamit chixlokꞌoninquil li Dios.

Números 5:15

Nak tixcꞌam li rixakil riqꞌuin laj tij tixcꞌam ajcuiꞌ numenak ca̱hib libra li cꞌaj yi̱banbil riqꞌuin cebada ut tixqꞌue chokꞌ xmayej xban xcakal xchꞌo̱l. Incꞌaꞌ tixjunaji riqꞌuin aceite chi moco riqꞌuin incienso xban nak li mayej aꞌan tixqꞌue xban xcakal xchꞌo̱l ut re ajcuiꞌ nak ta̱cꞌutu̱nk ma cuan xma̱c li ixk malaj ut ma̱cꞌaꞌ.

Números 5:17

Laj tij tixchap chak caꞌchꞌinak li haꞌ li santobresinbil ut tixqꞌue saꞌ junak chꞌochꞌ secꞌ. Ut tixqꞌue ajcuiꞌ saꞌ li haꞌ caꞌchꞌinak li poks li quixoqueꞌ nak queꞌxmesu li tabernáculo.