Números 4:9 - Li Santil hu

⁹ Ut riqꞌuin raxi tꞌicr teꞌxtzꞌap xbe̱n li candelero rochbeneb li candil ut li chꞌi̱chꞌ re xsetbal xmechil li candil ut li plato li naxocman cuiꞌ li teꞌxset ut li xar li cuan cuiꞌ li aceite reheb li candil.

Q'eqchi Bible

⁹ Te'xxok junaq kaqi t'ikr ut te'xlan xna'aj li saqenk, li xam, li xji'b'al ru, li xna'aj xchahil jo'wi' chixjunil li xsek'ul li aseeyt li na'oksimank re li saqenk.

Números 4:9 ပူးပေါင်းရင်းမြစ်များ

Apocalipsis 1:20

Lix ya̱lal li cuukub chi chahim li xacuil saꞌ lin nim ukꞌ, aꞌan li retalileb li cuukub lix takl li Dios li nequeꞌiloc reheb li cuukub chꞌu̱tal chi aj pa̱banel. Ut lix ya̱lal li cuukub chi candelero, aꞌan retalileb li cuukub chꞌu̱tal chi aj pa̱banel.

Salmos 119:105

La̱ cua̱tin chanchan jun li lámpara xban nak naxcutanobresi lin naꞌleb ut naxcꞌut chicuu cꞌaꞌru tinba̱nu.

San Mateo 5:15

Chi moco nalochman junak candil re xqꞌuebal rubel junak chacach. Naqꞌueman ban saꞌ xbe̱n xnaꞌaj candil re nak tixcutanobresi saꞌ li cab li cuanqueb cuiꞌ chixjunileb.

Números 4:8

Ut teꞌxtzꞌap xbe̱n chixjunil aꞌin riqꞌuin jun li caki tꞌicr. Saꞌ xbe̱n li caki tꞌicr teꞌxqꞌue rix li tzꞌiꞌ haꞌ. Ut chirix aꞌan teꞌxqꞌue saꞌ xnaꞌaj eb li cheꞌ li nequeꞌxpako cuiꞌ li Lokꞌlaj Ca̱x.

Números 4:10

Ut chirix aꞌan teꞌxlan saꞌ rix li tzꞌiꞌ haꞌ ut teꞌxqꞌue saꞌ xbe̱n li cheꞌ li nequeꞌxpako cuiꞌ.