Números 4:5 - Li Santil hu

⁵ Nak oqueb re chixjalbal lix naꞌajeb laj Israel, laj Aarón ut eb li ralal teꞌoc chi saꞌ li tabernáculo ut teꞌrisi li nimla tꞌicr. Riqꞌuin aꞌan teꞌxtzꞌap li Lokꞌlaj Ca̱x li cuan cuiꞌ lix contrato li Ka̱cuaꞌ.

Q'eqchi Bible

⁵ Naq li tenamit te'xjal xna'ajeb', laj Aharón ut eb' li ralal te'isinq li t'ikr chire li Loq'laj Na'ajej ut chiru a'an te'xtz'ap ru li Loq'laj Kaax.

Números 4:5 ပူးပေါင်းရင်းမြစ်များ

Hebreos 9:3

Li naꞌajej li cuan jun pacꞌal li tꞌicr, aꞌan Lokꞌlaj Santil Naꞌajej xcꞌabaꞌ.

San Mateo 27:51

Ut li tꞌicr li cuan chokꞌ tas saꞌ li Santil Naꞌajej saꞌ li rochoch li Dios quikꞌicheꞌ saꞌ xyi. Quiticla chak takecꞌ ut toj takꞌa coxrakeꞌ lix kꞌichilal. Caꞌ jachal qui-el. Qui-ecꞌan li chꞌochꞌ ut eb li sako̱nac quilajeꞌitzꞌeꞌ.

Hebreos 10:20

Riqꞌuin lix camic li Jesucristo quixsach xcuanquil li tꞌicr li quicuan saꞌ li tabernáculo ut quixqꞌue li acꞌ naꞌleb re xtaubal li junelic yuꞌam ut anakcuan naru tocua̱nk chi sum a̱tin riqꞌuin li Dios.

Isaías 25:7

Nak cua̱nkeb saꞌ li tzu̱l Sión li Ka̱cuaꞌ ta̱risi lix rahileb xchꞌo̱l ut li raylal li cuanqueb cuiꞌ. Ut incꞌaꞌ chic teꞌrahokꞌ saꞌ xchꞌo̱leb.

Números 10:14

Eb li ralal xcꞌajol laj Judá, aꞌaneb li xbe̱n chꞌu̱tal li queꞌco̱eb chi ubej ut cuan lix bandereb. Ut laj Naasón li ralal laj Aminadab, aꞌan li najolomin reheb.

Números 4:15

Nak ac oc reheb chixjalbal lix naꞌajeb, laj Aarón ut eb li ralal teꞌxlan chixjunil li cꞌaꞌak re ru li nacꞌanjelac saꞌ li tabernáculo ut teꞌcha̱lk li ralal xcꞌajol laj Coat chixpakonquil. Abanan incꞌaꞌ naru teꞌxchꞌeꞌ li cꞌaꞌru kꞌaxtesinbil re li Ka̱cuaꞌ re nak incꞌaꞌ teꞌca̱mk. Aꞌan aꞌin lix cꞌanjeleb li ralal xcꞌajol laj Coat saꞌ li tabernáculo.

Éxodo 40:3

Chi saꞌ li tabernáculo te̱qꞌue li Lokꞌlaj Ca̱x li cꞌu̱lanbil cuiꞌ li laje̱b chi chakꞌrab. Ut te̱tas xsaꞌ riqꞌuin jun li tꞌicr re xrambal li Lokꞌlaj Ca̱x.

Éxodo 36:35

Ut queꞌxyi̱b li tꞌicr li ta̱oc chokꞌ tas. Queꞌxyi̱b riqꞌuin li nokꞌ azul, li nokꞌ púrpura ut li nokꞌ cak, ut riqꞌuin li bakbil nokꞌ lino. Ut chokꞌ xsahob ru li tꞌicr aꞌan, queꞌxqꞌue li querubines chiru chi cha̱bil xyi̱banquil.

Éxodo 40:5

Li artal oro, li re cꞌatoc pom, te̱qꞌue chiru li tꞌicr li naramoc re li Lokꞌlaj Ca̱x. Ut te̱tzꞌap li oqueba̱l re li tabernáculo riqꞌuin junak nimla tꞌicr.

Levítico 16:2

Li Dios quixye re laj Moisés: —Ye re laj Aarón la̱ cuas nak incꞌaꞌ naru ta̱oc yalak jokꞌe cuan cuiꞌ li Lokꞌlaj Ca̱x. Cui na-oc yalak jokꞌe, naru nacam xban nak aran ninhilan la̱in saꞌ li chanchan chok saꞌ xbe̱n lix tzꞌapbal re li Lokꞌlaj Ca̱x li nacuyeꞌ cuiꞌ li ma̱c.

Números 4:4

Li cꞌanjel li teꞌxba̱nu eb li ralal xcꞌajol laj Coat saꞌ li tabernáculo li kꞌaxal lokꞌ, aꞌan aꞌin.

Números 7:9

Abanan li ralal xcꞌajol laj Coat ma̱cꞌaꞌ quixqꞌue reheb xban nak eb aꞌan teꞌxpako saꞌ xbe̱neb xtel li cꞌaꞌru santobresinbil li tenebanbil saꞌ xbe̱neb xcꞌambal.

Deuteronomio 31:9

Ut laj Moisés quixtzꞌi̱ba li chakꞌrab aꞌin ut quixqꞌue reheb laj tij, eb li ralal laj Leví. Aꞌan eb li nequeꞌcꞌamoc re li Lokꞌlaj Ca̱x li cuan cuiꞌ li contrato li quixba̱nu li Ka̱cuaꞌ. Ut quixqꞌue ajcuiꞌ reheb li cui̱nk li nequeꞌcꞌamoc be saꞌ xya̱nkeb laj Israel.

1 Samuel 6:19

Ut li Ka̱cuaꞌ quixqꞌue chi ca̱mc laje̱b xca̱cꞌa̱l (70) li cui̱nk li cuanqueb Bet-semes xban nak queꞌiloc chi saꞌ li Lokꞌlaj Ca̱x. Ut eb li tenamit queꞌya̱bac xban nak li Ka̱cuaꞌ quixsach ruheb.

1 Crónicas 15:15

Eb laj tij, li ralal xcꞌajol laj Leví, queꞌxcꞌam lix Lokꞌlaj Ca̱x li Dios chi pakpo saꞌ xbe̱neb xtel riqꞌuin li cheꞌ li nequeꞌxpako cuiꞌ joꞌ quiyeheꞌ re laj Moisés xban li Dios.

1 Crónicas 23:26

Chi joꞌcan eb laj levita incꞌaꞌ chic tento nak teꞌxcꞌam yalak bar lix tabernáculo li Ka̱cuaꞌ, chi moco li cꞌaꞌru nacꞌanjelac saꞌ li tabernáculo, chan laj David.

2 Crónicas 3:14

Ut quixyi̱b ajcuiꞌ li nimla tꞌicr li ta̱ramok re lix Lokꞌlaj Santil Naꞌajej riqꞌuin li nokꞌ azul, joꞌ ajcuiꞌ púrpura ut cak. Yi̱banbil riqꞌuin li bakbil nokꞌ lino. Chokꞌ xsahob ru quixqꞌue retalil li querubines chiru.