Números 4:19 - Li Santil hu

¹⁹ Aꞌan aꞌin li te̱ba̱nu re nak incꞌaꞌ teꞌca̱mk nak teꞌoc chixcꞌambal li cꞌaꞌru kꞌaxtesinbil cue la̱in. Laj Aarón ut eb li ralal teꞌoc saꞌ li Santil Naꞌajej ut teꞌxqꞌue xcꞌanjel li junju̱nk ut teꞌxye reheb cꞌaꞌru teꞌxcꞌam.

Q'eqchi Bible

¹⁹ B'aanuhomaq chi jo'ka'in, re naq ink'a' te'kamq xb'aan xch'e'b'al li loq'laj eechej re li artal: laj Aharón ut eb' li ralal te'xk'e xk'anjel li junjunq ut te'xye reheb' k'aru te'xk'am.

Números 4:19 ပူးပေါင်းရင်းမြစ်များ

Números 4:15

Nak ac oc reheb chixjalbal lix naꞌajeb, laj Aarón ut eb li ralal teꞌxlan chixjunil li cꞌaꞌak re ru li nacꞌanjelac saꞌ li tabernáculo ut teꞌcha̱lk li ralal xcꞌajol laj Coat chixpakonquil. Abanan incꞌaꞌ naru teꞌxchꞌeꞌ li cꞌaꞌru kꞌaxtesinbil re li Ka̱cuaꞌ re nak incꞌaꞌ teꞌca̱mk. Aꞌan aꞌin lix cꞌanjeleb li ralal xcꞌajol laj Coat saꞌ li tabernáculo.

Números 1:51

Ut nak eb laj Israel teꞌxjal xnaꞌaj li tabernáculo, eb li ralal xcꞌajol laj Leví teꞌhitok re ut aꞌaneb ajcuiꞌ li teꞌxakaba̱nk re nak teꞌhila̱nk saꞌ jalan naꞌajej. Cui junak jalan ta̱jilok riqꞌuin li tabernáculo saꞌ li ho̱nal aꞌan, li jun aꞌan ta̱camsi̱k.

Números 4:18

—Te̱col rixeb li ralal xcꞌajol laj Coat re nak incꞌaꞌ teꞌosokꞌ. Cua̱nkeb ban saꞌ xya̱nkeb li ralal xcꞌajol laj Leví.

2 Samuel 6:6

Nak queꞌcuulac saꞌ li naꞌajej li narisi cuiꞌ rix lix trigo laj Nacón, eb li bo̱yx queꞌxtich rokeb. Ut laj Uza quixchap lix Lokꞌlaj Ca̱x li Dios re nak incꞌaꞌ ta̱tꞌanekꞌ.

Éxodo 19:21

Li Ka̱cuaꞌ quixye re laj Moisés: —Cuben. Ayu. Ta̱ye reheb li cristian nak meꞌjiloc chak arin chicuilbal. Cui nequeꞌjiloc chak arin teꞌca̱mk.

Números 18:3

Teꞌcua̱nk rubel la̱ takl. Teꞌcꞌanjelak saꞌ li tabernáculo. Abanan incꞌaꞌ naru teꞌnachꞌok riqꞌuin li cꞌaꞌak re ru li cuan saꞌ li Santil Naꞌajej chi moco teꞌnachꞌok riqꞌuin li artal. Cui teꞌxba̱nu aꞌan, teꞌca̱mk eb aꞌan ut texca̱mk ajcuiꞌ la̱ex.