Números 4:16 - Li Santil hu

¹⁶ Laj Eleazar li ralal laj Aarón laj tij, aꞌan li ta̱ilok re li aceite re li candil, li sununquil incienso, ut li ru li acui̱mk li namayeja̱c rajlal cutan, joꞌ ajcuiꞌ li aceite li naqꞌueman saꞌ xjolomeb. Laj Eleazar, aꞌan li ta̱takla̱nk saꞌ li tabernáculo ut saꞌ xbe̱n chixjunil li cuan chi saꞌ, chan li Dios.

Q'eqchi Bible

¹⁶ Laj Elehasar, ralal laj Aharón laj tij, a'an li taa'iloq re li xya'al li xam, li sununkil ensens, li ru li awimq namayejaak rajlal kutan ut li loq'laj aseeyt re yuluk. Sa' xb'een ajwi' a'an wank rilb'al li Loq'laj Na'ajej ut chixjunil li k'a'aq re ru wank chisa': a' li k'a'aq re ru jwal loq' ut chixjunil li na'oksimank aran”.

Números 4:16 ပူးပေါင်းရင်းမြစ်များ

Éxodo 25:6

ut li aceite re li candil joꞌ ajcuiꞌ li cꞌaꞌak re ru li nacꞌanjelac re xyi̱banquil li aceite li naqꞌueheꞌ saꞌ xbe̱neb li nequeꞌxakaba̱c chi cꞌanjelac chiru li Ka̱cuaꞌ, ut nacꞌanjelac ajcuiꞌ re xyi̱banquil li incienso li sunu̱nc,

Levítico 24:2

—Ta̱ye reheb laj Israel nak teꞌxcꞌam chak li cha̱bil aceite oliva re li candil re nak lochlo̱k chi junelic.

1 Pedro 2:25

La̱ex sachso̱quex saꞌ le̱ ma̱c nak quexcuan chak. Chanchanex li carner sachenak li nachaꞌchaꞌi rib yalak bar chi ma̱cꞌaꞌ aj ilol re. Abanan anakcuan xexchal cuiꞌchic riqꞌuin li Cristo ut aꞌan chic ta̱ilok e̱re.

1 Pedro 5:2

La̱ex laj cꞌamol be, tintzꞌa̱ma che̱ru nak te̱qꞌue e̱chꞌo̱l chirilbaleb li ralal xcꞌajol li Dios joꞌ nak laj ilol xul narileb lix xul chi anchal xchꞌo̱l. Te̱qꞌue e̱chꞌo̱l chixchꞌolaninquileb laj pa̱banel li kꞌaxtesinbil e̱re xban li Dios chi ma̱cuaꞌ minbil e̱ru. Te̱ba̱nu ban chi anchal e̱chꞌo̱l. Me̱ba̱nu yal xban xrahinquil ru le̱ tojbal. Cheba̱nu ban xban nak te̱raj cꞌanjelac chiru li Dios.

Hebreos 3:6

Aban li Ka̱cuaꞌ Jesucristo, aꞌan tzꞌakal Ralal li Dios ut cuan xcuanquil chi takla̱nc saꞌ xbe̱neb li ralal xcꞌajol li Dios. La̱o li ralal xcꞌajol li Dios cui caꞌaj cuiꞌ riqꞌuin li Dios nocoyoꞌonin ut cauhak kachꞌo̱l saꞌ li kapa̱ba̱l toj saꞌ rosoꞌjic li cutan.

Hebreos 3:1

Ex herma̱n, la̱ex sicꞌbil e̱ru xban li Dios chokꞌ ralal xcꞌajol. Cheqꞌuehak e̱chꞌo̱l chixcꞌoxlanquil li Jesucristo. Aꞌan li quitakla̱c chak xban li Dios chi cꞌanjelac joꞌ xyucuaꞌil aj tij saꞌ li kapa̱ba̱l.

1 Timoteo 2:5

Ut li ya̱l, aꞌan aꞌin: nak jun ajcuiꞌ li Dios cuan ut jun ajcuiꞌ li na-oquen ut naa̱tinac chikix chiru li Dios. Aꞌan li Ka̱cuaꞌ Jesucristo li quitzꞌejcualoꞌ nak quicꞌulun saꞌ ruchichꞌochꞌ.

1 Corintios 4:1

Joꞌcan nak chenauhak nak la̱o yal aj cꞌanjelo chiru li Cristo ut qꞌuebil saꞌ kabe̱n xchꞌolobanquil lix ya̱lal li colba-ib li quiqꞌueheꞌ ke xban li Dios. Li xya̱lal aꞌin mukmu nak quicuan chak junxil.

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

San Lucas 4:18

Lix musikꞌ li nimajcual Dios cuan cuiqꞌuin xban nak li Dios quixsicꞌ cuu chixyebal li cha̱bil esil reheb li cuanqueb saꞌ nebaꞌil. Quinixtakla chixcolbaleb li cuanqueb saꞌ raylal ut chixyebal resil nak teꞌachꞌaba̱k li cuanqueb chi pre̱xil ut re ajcuiꞌ nak tinqꞌueheb chi iloc li mutzꞌ ut teꞌcuisi ajcuiꞌ saꞌ raylal li rahobtesinbileb.

Números 3:32

Laj Eleazar li ralal laj Aarón laj tij, aꞌan li najolomin reheb laj levitas li nequeꞌcꞌanjelac saꞌ li Santil Naꞌajej.

Levítico 6:20

—Aꞌan aꞌin li mayej li teꞌxqꞌue laj Aarón ut eb li ralal saꞌ li cutan nak teꞌxakaba̱k chokꞌ aj tij: ca̱hib libra riqꞌuin media libra li cha̱bil cꞌaj. Yijach teꞌxqꞌue ekꞌela ut yijach teꞌxqꞌue ecuu. Ut aꞌin teꞌxba̱nu rajlal cutan.

Éxodo 37:29

Ut queꞌxyi̱b ajcuiꞌ chi cha̱bil li sununquil aceite li nequeꞌxqꞌue saꞌ xbe̱neb li teꞌkꞌaxtesi̱k chi cꞌanjelac chiru li Ka̱cuaꞌ. Ut queꞌxyi̱b ajcuiꞌ li sununquil incienso. Queꞌxyi̱b chi cha̱bil joꞌ nequeꞌxnau xyi̱banquil li nequeꞌyi̱ban re li sununquil ban aꞌan.

Éxodo 31:11

Teꞌxyi̱b li aceite li ta̱qꞌuehekꞌ saꞌ xbe̱n li teꞌkꞌaxtesi̱k chi cꞌanjelac chicuu. Ut teꞌxyi̱b li sununquil incienso li teꞌxmayeja saꞌ li tabernáculo. Tento teꞌxba̱nu chixjunil chi tzꞌakal joꞌ xinye a̱cue, chan li Ka̱cuaꞌ.

Éxodo 30:22

Li Ka̱cuaꞌ quia̱tinac cuiꞌchic riqꞌuin laj Moisés ut quixye re:

Levítico 24:1

Li Ka̱cuaꞌ quia̱tinac riqꞌuin laj Moisés ut quixye re:

Números 4:17

Li Ka̱cuaꞌ quia̱tinac riqꞌuin laj Moisés ut laj Aarón ut quixye reheb: