Números 4:15 - Li Santil hu

¹⁵ Nak ac oc reheb chixjalbal lix naꞌajeb, laj Aarón ut eb li ralal teꞌxlan chixjunil li cꞌaꞌak re ru li nacꞌanjelac saꞌ li tabernáculo ut teꞌcha̱lk li ralal xcꞌajol laj Coat chixpakonquil. Abanan incꞌaꞌ naru teꞌxchꞌeꞌ li cꞌaꞌru kꞌaxtesinbil re li Ka̱cuaꞌ re nak incꞌaꞌ teꞌca̱mk. Aꞌan aꞌin lix cꞌanjeleb li ralal xcꞌajol laj Coat saꞌ li tabernáculo.

Q'eqchi Bible

¹⁵ Naq akaq xe'raqe'k laj Aharón ut eb' li ralal chi xlanb'al li k'a'aq re ru jwal loq' re li artal, sa' xjalb'al xna'ajeb', aka' chik eb' li ralal xk'ajol laj Kehat te'wulaq re te'xk'am. Ab'anan maak'a' li k'aru jwal loq' te'xch'e', xb'aan naq te'kamq. A'an a'in li xk'anjeleb' li ralal xk'ajol laj Kehat sa' li Loq'laj Na'ajej.

Números 4:15 ပူးပေါင်းရင်းမြစ်များ

Números 7:9

Abanan li ralal xcꞌajol laj Coat ma̱cꞌaꞌ quixqꞌue reheb xban nak eb aꞌan teꞌxpako saꞌ xbe̱neb xtel li cꞌaꞌru santobresinbil li tenebanbil saꞌ xbe̱neb xcꞌambal.

Deuteronomio 31:9

Ut laj Moisés quixtzꞌi̱ba li chakꞌrab aꞌin ut quixqꞌue reheb laj tij, eb li ralal laj Leví. Aꞌan eb li nequeꞌcꞌamoc re li Lokꞌlaj Ca̱x li cuan cuiꞌ li contrato li quixba̱nu li Ka̱cuaꞌ. Ut quixqꞌue ajcuiꞌ reheb li cui̱nk li nequeꞌcꞌamoc be saꞌ xya̱nkeb laj Israel.

Números 10:21

Ut chirixeb li ralal xcꞌajol laj Gad queꞌco̱eb li jun chꞌu̱tal li ralal xcꞌajol laj Coat li queꞌcꞌamoc re li cꞌaꞌak re ru li nacꞌanjelac saꞌ li tabernáculo. Nak nequeꞌcuulac saꞌ li naꞌajej li nequeꞌxic cuiꞌ, ac xakabanbil chic li tabernáculo.

1 Crónicas 15:2

Ut laj David quixye: —Lix Lokꞌlaj Ca̱x li Ka̱cuaꞌ incꞌaꞌ naru nacꞌameꞌ xban yalak ani. Caꞌaj eb cuiꞌ laj levita naru nequeꞌcꞌamoc re xban nak aꞌaneb li queꞌsiqꞌueꞌ ruheb xban li Ka̱cuaꞌ chixcꞌambal li Lokꞌlaj Ca̱x ut chi cꞌanjelac chiru chi junelic, chan.

1 Samuel 6:19

Ut li Ka̱cuaꞌ quixqꞌue chi ca̱mc laje̱b xca̱cꞌa̱l (70) li cui̱nk li cuanqueb Bet-semes xban nak queꞌiloc chi saꞌ li Lokꞌlaj Ca̱x. Ut eb li tenamit queꞌya̱bac xban nak li Ka̱cuaꞌ quixsach ruheb.

1 Crónicas 15:15

Eb laj tij, li ralal xcꞌajol laj Leví, queꞌxcꞌam lix Lokꞌlaj Ca̱x li Dios chi pakpo saꞌ xbe̱neb xtel riqꞌuin li cheꞌ li nequeꞌxpako cuiꞌ joꞌ quiyeheꞌ re laj Moisés xban li Dios.

2 Samuel 6:13

Nak ac xeꞌxqꞌue cuakib yoc li yo̱queb chi cꞌamoc re li Lokꞌlaj Ca̱x, laj David quixmayeja chiru li Ka̱cuaꞌ jun li bo̱yx ut jun li carner nim xtibel.

Josué 4:10

Ut eb li tenamit queꞌxba̱nu li cꞌaꞌru quixye laj Josué. Eb laj tij li yo̱queb chi cꞌamoc re li Lokꞌlaj Ca̱x queꞌcana chi xakxo saꞌ xyi li nimaꞌ Jordán toj queꞌxba̱nu li joꞌ qꞌuial quixye li Ka̱cuaꞌ re laj Josué, joꞌ quiyeheꞌ re junxil xban laj Moisés. Ut eb li tenamit queꞌnumeꞌ chi junpa̱t jun pacꞌal li nimaꞌ.

Números 3:38

Laj Moisés rochbeneb laj Aarón ut eb li ralal teꞌxyi̱b lix muheba̱leb chixcꞌatk li tabernáculo saꞌ li este chiru li oqueba̱l re li tabernáculo. Aꞌaneb li teꞌilok re li Santil Naꞌajej saꞌ xcꞌabaꞌeb laj Israel. Cui junak jalan ta̱xic cuan cuiꞌ li tabernáculo, li jun aꞌan ta̱camsi̱k.

Números 1:51

Ut nak eb laj Israel teꞌxjal xnaꞌaj li tabernáculo, eb li ralal xcꞌajol laj Leví teꞌhitok re ut aꞌaneb ajcuiꞌ li teꞌxakaba̱nk re nak teꞌhila̱nk saꞌ jalan naꞌajej. Cui junak jalan ta̱jilok riqꞌuin li tabernáculo saꞌ li ho̱nal aꞌan, li jun aꞌan ta̱camsi̱k.

Éxodo 19:12

Ta̱qꞌue retalil chire li tzu̱l re nak li tenamit incꞌaꞌ teꞌnumekꞌ ut ta̱ye reheb nak cheꞌxba̱nu cue̱nt nak incꞌaꞌ teꞌtakekꞌ chiru li tzu̱l ut incꞌaꞌ naru teꞌxqꞌue li rok aran chire. Li ani tixqꞌue li rok aran ta̱ca̱mk.

Éxodo 27:7

Ut te̱numsi li cheꞌ aꞌan saꞌ li argolla li cuan saꞌ xcaꞌ pacꞌalil li artal ut riqꞌuin li cuib chi cheꞌ te̱pako li artal.

Levítico 16:13

Tixqꞌue li incienso saꞌ li ru xam ut tixcꞌat chiru li Ka̱cuaꞌ. Lix sibel li incienso ta̱ramok re lix tzꞌapbal re li Lokꞌlaj Ca̱x li nacuyeꞌ cuiꞌ li ma̱c, li cuan cuiꞌ li chakꞌrab, re nak laj Aarón incꞌaꞌ ta̱ca̱mk.

Números 1:50

Te̱xakabeb ban li ralal xcꞌajol laj Leví chi cꞌanjelac saꞌ li tabernáculo ut aꞌaneb li teꞌilok re chixjunil li nacꞌanjelac aran. Teꞌxyi̱b lix muheba̱leb chi xjun sutam li tabernáculo.

Números 4:14

Teꞌxqꞌue saꞌ xbe̱n li artal chixjunil li cꞌaꞌak re ru li nacꞌanjelac nak nequeꞌmayejac chiru li artal joꞌ lix naꞌaj li xam, li chꞌi̱chꞌ li nequeꞌxchap cuiꞌ li tib, li pala chꞌi̱chꞌ ut li ucꞌal. Ut teꞌxtzꞌap xbe̱n riqꞌuin li rix li tzꞌiꞌ haꞌ ut teꞌxqꞌue saꞌ xnaꞌajeb li cheꞌ li nequeꞌxpako cuiꞌ.

Números 4:19

Aꞌan aꞌin li te̱ba̱nu re nak incꞌaꞌ teꞌca̱mk nak teꞌoc chixcꞌambal li cꞌaꞌru kꞌaxtesinbil cue la̱in. Laj Aarón ut eb li ralal teꞌoc saꞌ li Santil Naꞌajej ut teꞌxqꞌue xcꞌanjel li junju̱nk ut teꞌxye reheb cꞌaꞌru teꞌxcꞌam.

Números 4:20

Eb li ralal xcꞌajol laj Coat incꞌaꞌ naru nequeꞌoc saꞌ li Santil Naꞌajej chirilbal li cꞌaꞌru santobresinbil nak yo̱keb chixlanbal re nak incꞌaꞌ teꞌca̱mk, chan li Dios.

Números 18:3

Teꞌcua̱nk rubel la̱ takl. Teꞌcꞌanjelak saꞌ li tabernáculo. Abanan incꞌaꞌ naru teꞌnachꞌok riqꞌuin li cꞌaꞌak re ru li cuan saꞌ li Santil Naꞌajej chi moco teꞌnachꞌok riqꞌuin li artal. Cui teꞌxba̱nu aꞌan, teꞌca̱mk eb aꞌan ut texca̱mk ajcuiꞌ la̱ex.

2 Samuel 15:24

Laj Sadoc laj tij cuan rochben, joꞌqueb ajcuiꞌ laj levita li yo̱queb chi pako̱nc re lix Lokꞌlaj Ca̱x li Ka̱cuaꞌ. Queꞌxqꞌue saꞌ chꞌochꞌ li Lokꞌlaj Ca̱x cuan cuiꞌ laj Abiatar laj tij toj retal queꞌel chixjunileb li cristian saꞌ li tenamit.

1 Crónicas 23:26

Chi joꞌcan eb laj levita incꞌaꞌ chic tento nak teꞌxcꞌam yalak bar lix tabernáculo li Ka̱cuaꞌ, chi moco li cꞌaꞌru nacꞌanjelac saꞌ li tabernáculo, chan laj David.

Éxodo 19:21

Li Ka̱cuaꞌ quixye re laj Moisés: —Cuben. Ayu. Ta̱ye reheb li cristian nak meꞌjiloc chak arin chicuilbal. Cui nequeꞌjiloc chak arin teꞌca̱mk.

1 Reyes 8:3

Nak ac chꞌutchꞌu̱queb chixjunileb laj cꞌamol be saꞌ xya̱nkeb laj Israel, eb laj tij queꞌrisi saꞌ li tabernáculo li Lokꞌlaj Ca̱x ut queꞌxcꞌam saꞌ lix templo li Ka̱cuaꞌ.