Números 4:14 - Li Santil hu

¹⁴ Teꞌxqꞌue saꞌ xbe̱n li artal chixjunil li cꞌaꞌak re ru li nacꞌanjelac nak nequeꞌmayejac chiru li artal joꞌ lix naꞌaj li xam, li chꞌi̱chꞌ li nequeꞌxchap cuiꞌ li tib, li pala chꞌi̱chꞌ ut li ucꞌal. Ut teꞌxtzꞌap xbe̱n riqꞌuin li rix li tzꞌiꞌ haꞌ ut teꞌxqꞌue saꞌ xnaꞌajeb li cheꞌ li nequeꞌxpako cuiꞌ.

Q'eqchi Bible

¹⁴ sa' xb'een a'an te'xk'e chixjunil li k'a'aq re ru na'oksimank sa' li artal: li xna'aj xam, li xokleb' ru xam, li xchileb'aal ru xam ut li xsek'ul, naraj naxye chixjunil li k'a'aq re ru na'oksimank sa' li artal. Te'xhel sa' xb'een junaq tz'uum q'un ru, ut te'xk'e li xche'el re xpaqonkil.

Números 4:14 ပူးပေါင်းရင်းမြစ်များ

2 Crónicas 4:19

Laj Salomón quixqꞌue chi yi̱ba̱c chixjunil li cꞌaꞌak re ru li quicꞌanjelac saꞌ lix templo li Dios. Aꞌaneb aꞌin li quiyi̱ba̱c: li artal yi̱banbil riqꞌuin oro, eb li me̱x li quiqꞌueheꞌ cuiꞌ li mayejanbil caxlan cue,

Éxodo 27:3

Chixjunil li cꞌaꞌak re ru li ta̱cꞌanjelak saꞌ li artal re li mayej, aꞌan yi̱banbilak riqꞌuin bronce. Te̱yi̱b li chꞌi̱chꞌ re xxocbal li cha, ut te̱yi̱b li pala, joꞌ ajcuiꞌ li ni̱nki secꞌ re xxocbal li quicꞌ, ut li ganchos re xchapbal li tib joꞌ ajcuiꞌ lix naꞌaj li ru xam.

Números 4:6

Chirix aꞌan teꞌxlan li Lokꞌlaj Ca̱x riqꞌuin li cha̱bil tzꞌu̱m rix li tzꞌiꞌ haꞌ. Ut teꞌxjel jun li tꞌicr rax saꞌ xbe̱n ut teꞌxqꞌue saꞌ xnaꞌajeb li cheꞌ li teꞌxpako cuiꞌ.

Números 4:13

Teꞌrisi li cha saꞌ li artal li yi̱banbil riqꞌuin bronce ut teꞌxqꞌue saꞌ xbe̱n li artal jun li tꞌicr púrpura.

Números 4:15

Nak ac oc reheb chixjalbal lix naꞌajeb, laj Aarón ut eb li ralal teꞌxlan chixjunil li cꞌaꞌak re ru li nacꞌanjelac saꞌ li tabernáculo ut teꞌcha̱lk li ralal xcꞌajol laj Coat chixpakonquil. Abanan incꞌaꞌ naru teꞌxchꞌeꞌ li cꞌaꞌru kꞌaxtesinbil re li Ka̱cuaꞌ re nak incꞌaꞌ teꞌca̱mk. Aꞌan aꞌin lix cꞌanjeleb li ralal xcꞌajol laj Coat saꞌ li tabernáculo.

Éxodo 27:1

Ut te̱yi̱b ajcuiꞌ jun li artal riqꞌuin li cheꞌ acacia. Te̱yi̱b chi ca̱ xucu̱t. Cuib metro riqꞌuin o̱b xcaꞌcꞌa̱l centímetro xnimal li ru ut cuib metro riqꞌuin o̱b xcaꞌcꞌa̱l centímetro xnimal li rok. Ut o̱b xcaꞌcꞌa̱l centímetro li xteram.