Números 35:8 - Li Santil hu

⁸ Li tenamit li teꞌqꞌuehekꞌ reheb laj levita aꞌ yal joꞌ qꞌuial li chꞌochꞌ li xeꞌxcꞌul li junju̱nk xte̱paleb laj Israel. Cui jun xte̱paleb laj Israel nabal li chꞌochꞌ xeꞌxcꞌul, nabal ajcuiꞌ li teꞌxqꞌue reheb laj levita. Cui incꞌaꞌ qꞌui, incꞌaꞌ ajcuiꞌ qꞌui li teꞌxqꞌue reheb laj levita.—

Q'eqchi Bible

⁸ Eb' li tenamit a'in li te'xk'e eb' laj Israel cho'q reheb' laj Leví, te'xk'e jo' chanru xk'ihal kitz'aqk li junq teep: li yo'oon kitz'aqk, yo'oon tixk'e; li kach'in kitz'aqk, kach'in ajwi' tixk'e”, chan li Yos.

Números 35:8 ပူးပေါင်းရင်းမြစ်များ

Números 33:54

Ta̱bu̱li rix li chꞌochꞌ nak ta̱jeqꞌui reheb laj Israel, aꞌ yal jarubeb cuanqueb saꞌ li junju̱nk xte̱pal. Cui nabaleb, nabal ajcuiꞌ li chꞌochꞌ ta̱qꞌue reheb. Ut cui incꞌaꞌ qꞌuiheb, incꞌaꞌ ajcuiꞌ qꞌui li chꞌochꞌ ta̱qꞌue. Aꞌ yal joꞌ qꞌuial ta̱tzꞌak li junju̱nk, aꞌan li ta̱qꞌue reheb. Ta̱jeqꞌui li chꞌochꞌ aꞌ yal ani lix xeꞌto̱nil yucuaꞌeb.

Números 26:54

Cui nabaleb, nim li naꞌajej li ta̱qꞌuehekꞌ reheb. Cui ut incꞌaꞌ nabaleb, incꞌaꞌ ajcuiꞌ nabal li chꞌochꞌ teꞌxcꞌul. Ta̱jeqꞌui li chꞌochꞌ aꞌ yal joꞌ qꞌuialeb saꞌ li junju̱nk chꞌu̱tal.

Éxodo 16:18

Tzꞌakal tzꞌakal li queꞌxxoc. Li queꞌxxoc nabal, ma̱cꞌaꞌ li qui-elaꞌan. Ut li queꞌxxoc caꞌchꞌin, tzꞌakal ajcuiꞌ reheb xban nak joꞌ xqꞌuialeb saꞌ rochocheb, joꞌcan ajcuiꞌ xqꞌuial li queꞌxxoc.

Génesis 49:7

Tzꞌekta̱nanbilakex taxak xban le̱ joskꞌil. Kꞌaxal numtajenak le̱ joskꞌil. Li Ka̱cuaꞌ Dios ta̱jeqꞌui̱nk reheb le̱ ralal e̱cꞌajol saꞌ xya̱nkeb chixjunileb li cualal incꞌajol.

Levítico 25:32

Ut chirix lix tenamiteb laj levita, joꞌcaꞌin teꞌxba̱nu. Naru teꞌxlokꞌ cuiꞌchic lix naꞌajeb yalak jokꞌe saꞌ li naꞌajej li queꞌtzꞌak eb aꞌan.

Números 35:9

Li Ka̱cuaꞌ quia̱tinac riqꞌuin laj Moisés ut quixye re:

2 Crónicas 11:14

Eb laj levita queꞌxcanab lix naꞌajeb ut li cꞌaꞌru reheb ut queꞌco̱eb Judá ut Jerusalén xban nak laj Jeroboam ut eb li ralal queꞌrisiheb saꞌ li cꞌanjel li nequeꞌxba̱nu chiru li Ka̱cuaꞌ.