Números 35:34 - Li Santil hu

³⁴ Me̱mux ru li naꞌajej li texcua̱nk cuiꞌ xban nak la̱in li Ka̱cuaꞌ tincua̱nk aran. La̱in tincua̱nk e̱riqꞌuin la̱ex aj Israel, chan li Dios.

Q'eqchi Bible

³⁴ “Meemux ru li ch'och' wankex wi' ut b'arwi' wankin ajwi' laa'in, xb'aan naq laa'in li Qaawa' ninhilank sa' xyanqeb' laj Israel”.

Números 35:34 ပူးပေါင်းရင်းမြစ်များ

Números 5:3

Teꞌrisi chixjunileb saꞌ li naꞌajej li cuan cuiꞌ lix muheba̱leb, usta cui̱nk usta ixk, re nak incꞌaꞌ teꞌxmux ru li naꞌajej li ninhilan cuiꞌ la̱in, chan li Ka̱cuaꞌ.

Salmos 135:21

Cheqꞌuehak taxak xlokꞌal li Ka̱cuaꞌ aran Sión. Cheqꞌuehak taxak xlokꞌal saꞌ lix tenamit Jerusalén. ¡Lokꞌoninbil taxak li nimajcual Dios!

Apocalipsis 21:27

Li ani cuanqueb xma̱c incꞌaꞌ ta̱ru̱k teꞌoc aran. Eb li nequeꞌxba̱nu ma̱usilal chi moco li nequeꞌticꞌtiꞌic, teꞌoc saꞌ li tenamit aꞌan. Li ani teꞌoc aran, caꞌaj cuiꞌ li tzꞌi̱banbileb xcꞌabaꞌ saꞌ lix hu li Jun li chanchan carner, li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic.

Oseas 9:3

La̱ex incꞌaꞌ texcana̱k arin saꞌ li naꞌajej li qꞌuebil e̱re xban li Dios. La̱ex ralal xcꞌajol laj Efraín, texcana̱k rubel xtakl laj Asiria. Chanchan nak quexcuan chak Egipto. Ut te̱tzaca li tzacae̱mk li yebil e̱re nak incꞌaꞌ us te̱tzaca.

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.

Salmos 132:14

Quixye: —Aꞌan aꞌin li naꞌajej nacuaj chokꞌ innaꞌaj. Aran tincua̱nk chi junelic xban nak nacuulac chicuu li naꞌajej aꞌan.

1 Reyes 6:13

La̱in tincua̱nk saꞌ li templo aꞌin saꞌ xya̱nkeb laj Israel lin tenamit. Ut incꞌaꞌ tincanabeb xjuneseb, chan li Ka̱cuaꞌ.

Éxodo 25:8

Ut te̱yi̱b junak li muheba̱l re nak ta̱ru̱k tincua̱nk aran saꞌ e̱ya̱nk.

Apocalipsis 21:3

Ut quicuabi jun yo̱ chak chi a̱tinac cuan cuiꞌ li cꞌojariba̱l ut quixye chi cau xya̱b xcux: —Anakcuan ta̱cua̱nk li Dios riqꞌuineb li cristian. Aꞌanakeb li ralal xcꞌajol. Li Dios ta̱cua̱nk riqꞌuineb. Aꞌanak lix Dioseb.

Isaías 8:12

—Ma̱junaji a̱cuib riqꞌuin li cꞌaꞌru nequeꞌxcꞌu̱b ru eb li tenamit, chi moco ta̱xucua li cꞌaꞌru nequeꞌxxucua eb aꞌan.

Deuteronomio 21:8

At Ka̱cuaꞌ, chacuy xma̱queb la̱ tenamit Israel li cacuisiheb chak Egipto. Ma̱qꞌue taxak saꞌ kabe̱n lix camic li cui̱nk aꞌin li ma̱cꞌaꞌ xma̱c. Ut riqꞌuin li teꞌxba̱nu tojbil chic rix lix camic li cui̱nk.”

Deuteronomio 21:23

incꞌaꞌ naru te̱canab li camenak chi tꞌuytꞌu chiru li kꞌojyi̱n. Tento nak ta̱mukekꞌ saꞌ ajcuiꞌ li cutan aꞌan xban nak tzꞌekta̱nanbil xban li Dios li ani natꞌuyuba̱c chiru cheꞌ. Incꞌaꞌ naru te̱mux ru li naꞌajej li tixqꞌue e̱re li Ka̱cuaꞌ le̱ Dios.

Jeremías 16:18

Nak toj ma̱jiꞌ nequeꞌsukꞌi saꞌ lix naꞌajeb, la̱in tinqꞌueheb chixtojbal lix ma̱usilaleb. Caꞌ sut xqꞌuial li raylal li tinqꞌue saꞌ xbe̱neb re xtojbal rix li ma̱c queꞌxba̱nu nak queꞌxmux ru lin naꞌaj riqꞌuin xlokꞌoninquil li yi̱banbil dios. Saꞌ chixjunil li naꞌajej li quinqꞌue reheb queꞌxqꞌue li yi̱banbil dios li xicꞌ nacuil, chan li Dios.

Números 16:3

Queꞌxchꞌutub ribeb ut queꞌco̱eb chixcuechꞌinquil laj Moisés ut laj Aarón. Queꞌxye reheb: —Xotitzꞌ e̱riqꞌuin. Tzꞌakal li xeba̱nu la̱ex. Chixjunileb li tenamit santobresinbileb xban li Dios ut li Ka̱cuaꞌ cuan kiqꞌuin. ¿Cꞌaꞌut nak la̱ex nequeraj takla̱nc saꞌ kabe̱n la̱o lix tenamit li Ka̱cuaꞌ? chanqueb.

Deuteronomio 6:15

Xban nak li Ka̱cuaꞌ le̱ Dios li cuan e̱riqꞌuin najoskꞌoꞌ nak te̱lokꞌoni li jalanil dios. Naru najoskꞌoꞌ saꞌ e̱be̱n ut ma̱re tixsach e̱ru chi junaj cua.

Ezequiel 35:10

La̱ex queye nak li cuib chi tenamit Judá ut Israel te̱re̱chani joꞌ ajcuiꞌ chixjunil li naꞌajej. Ta̱cana̱k chokꞌ e̱re li naꞌajej, chanquex, usta la̱in lix Dioseb.