Números 35:32 - Li Santil hu

³² Cui junak li xcamsi ras ri̱tzꞌin xco̱ saꞌ li tenamit li naxcol cuiꞌ rib, li jun aꞌan incꞌaꞌ naru ta̱tojok re ta̱sukꞌi̱k saꞌ li rochoch. Tento nak ta̱cana̱k aran toj nak ta̱ca̱mk lix yucuaꞌileb laj tij.

Q'eqchi Bible

³² “Chi moko teek'ulub'a tuminaak re xkolb'al rix li xo'xmuq rib' sa' junaq tenamit xaqab'anb'il re muqlenk ib'. Ink'a' naru taasutq'iiq sa' rochoch wi toj maji' nakamk li xyuwa'il laj tij.

Números 35:32 ပူးပေါင်းရင်းမြစ်များ

Apocalipsis 5:9

Queꞌxbicha jun li acꞌ bich ut queꞌxye: A̱cꞌulub xchapbal li botbil hu ut xtebal li sello xban nak la̱at catcamsi̱c. Riqꞌuin la̱ quiqꞌuel xalokꞌeb nabal re nak teꞌoc chokꞌ ralal xcꞌajol li Dios. Yalak ani xacoleb aꞌ yal ani xte̱paleb xxeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Gálatas 3:22

Li Santil Hu naxye nak chixjunil li ruchichꞌochꞌ cuan rubel xcuanquil li ma̱c re nak chixjunileb li teꞌpa̱ba̱nk re li Ka̱cuaꞌ Jesucristo teꞌxcꞌul ajcuiꞌ li colba-ib li quiyechiꞌi̱c xban li Dios.

Gálatas 2:21

Joꞌcan nak incꞌaꞌ nintzꞌekta̱na xcuanquil li rusilal li Dios. Cui ta saꞌ xcꞌabaꞌ li chakꞌrab nati̱cobresi̱c kachꞌo̱l, ma̱cꞌaꞌ raj rajbal nak quicam li Cristo.

Hechos 4:12

Ut ma̱ ani chic aj iqꞌuin ta̱ru̱k takatau kacolbal, xban nak ma̱cꞌaꞌ chic junak cꞌabaꞌej saꞌ chixjunil li ruchichꞌochꞌ qꞌuebil ta ke re ta̱ru̱k tocolekꞌ cuiꞌ, chan laj Pedro.

Números 35:31

Li ani naxcamsi ras ri̱tzꞌin xban nak yal xraj xchꞌo̱l nak xcamsi incꞌaꞌ naru xtojbal rix lix ma̱c riqꞌuin tumin. Tento ban nak ta̱camsi̱k xban nak tenebanbil ca̱mc saꞌ xbe̱n.

Números 35:33

Me̱mux ru li naꞌajej li texcua̱nk cuiꞌ. Li camsi̱nc naxmux ru li chꞌochꞌ. Caꞌaj cuiꞌ ta̱ru̱k xtojbal rix li ma̱c nak ta̱camsi̱k li xcamsin. Ut li chꞌochꞌ ta̱cana̱k chi incꞌaꞌ chic muxbil ru.

2 Samuel 21:4

Ut eb laj Gabaón queꞌxye re: —Li kachꞌaꞌajquilal riqꞌuin laj Saúl ut eb li ralal xcꞌajol incꞌaꞌ naru xyi̱banquil ru riqꞌuin tumin, chi moco riqꞌuin xcamsinquil junak saꞌ e̱ya̱nk la̱ex aj Israel, chan. Laj David quixye reheb: —¿Cꞌaꞌru te̱raj takaba̱nu e̱re chi joꞌcanan?—