Números 35:30 - Li Santil hu

³⁰ Ta̱teneba̱k ca̱mc saꞌ xbe̱n li ani xcamsi ras ri̱tzꞌin cui cuanqueb cuib oxib li teꞌyehok re. Abanan incꞌaꞌ naru ta̱teneba̱k ca̱mc saꞌ xbe̱n cui jun ajcuiꞌ li ta̱jitok re.

Q'eqchi Bible

³⁰ “Naq xkamsiik junaq poyanam, naru xkamsinkil laj kamsinel rik'in raatineb' li xe'ilok re. Ab'an rik'in raatin li jun ajwi', maajun naru taateneb'aaq kamk sa' xb'een.

Números 35:30 ပူးပေါင်းရင်းမြစ်များ

Hebreos 10:28

Junxil incꞌaꞌ qui-ileꞌ xtokꞌoba̱l ru li ani quikꞌetoc re xchakꞌrab laj Moisés. Cui cuan cuib malaj oxib li queꞌxye nak ya̱l nak xkꞌet li chakꞌrab, quirakeꞌ a̱tin saꞌ xbe̱n ut queꞌxcamsi.

San Mateo 18:16

Cui ut incꞌaꞌ naraj nacatrabi, cꞌam jun malaj cuib li herma̱n a̱cuochben re nak riqꞌuin li ra̱tin cuib oxib chi testigo, ta̱chꞌola̱k ru chixjunil li a̱tin.

Deuteronomio 19:15

Incꞌaꞌ tzꞌakal cui jun ajcuiꞌ ta̱yehok re nak cuan xma̱c junak cristian. Tento nak ta̱cua̱nk cuib malaj ut oxib li teꞌyehok re cuan xma̱c.

2 Corintios 13:1

Aꞌin li rox sut nak tincuulak e̱riqꞌuin. Cui cuan li ta̱jitekꞌ nak tincuulak, tento nak cua̱nk cuib malaj oxib li testigo chixyebal nak ya̱l lix ma̱c, joꞌ tzꞌi̱banbil saꞌ li Santil Hu.

1 Timoteo 5:19

Ma̱pa̱b li ani ta̱jitok re junak aj cꞌamol be saꞌ xya̱nkeb laj pa̱banel cui yal jun ajcuiꞌ li najitoc re. Cua̱nk ban cuib oxibak li teꞌjitok re, re nak ta̱pa̱ba̱k nak ya̱l lix ma̱c.

Apocalipsis 11:3

La̱in tintaklaheb cuib aj cꞌanjel chicuu. Cua̱nk rakꞌeb chirix kꞌes ru retalil li rahil chꞌo̱lej. Eb aꞌan teꞌxye cuesilal chiru oxib chihab riqꞌuin cuakib po.—

San Juan 7:51

—Naxye saꞌ li kachakꞌrab nak incꞌaꞌ naru rakoc a̱tin saꞌ xbe̱n junak cui̱nk chi toj ma̱jiꞌ naxye ma cuan xma̱c malaj ut incꞌaꞌ. Tento takanau chi tzꞌakal cꞌaꞌru lix ma̱c, chan laj Nicodemo.

Números 35:16

Cui junak tixsacꞌ li ras ri̱tzꞌin riqꞌuin chꞌi̱chꞌ ut li jun aꞌan ta̱ca̱mk xban, li quisacꞌoc re, aꞌanak aj camsinel ut ta̱teneba̱k ca̱mc saꞌ xbe̱n.

Éxodo 21:12

Li ani tixsacꞌ ras ri̱tzꞌin, toj retal tixcamsi, tento nak ta̱camsi̱k ajcuiꞌ aꞌan.

Levítico 24:17

Li ani tixcamsi ras ri̱tzꞌin tento ta̱camsi̱k.

Números 35:31

Li ani naxcamsi ras ri̱tzꞌin xban nak yal xraj xchꞌo̱l nak xcamsi incꞌaꞌ naru xtojbal rix lix ma̱c riqꞌuin tumin. Tento ban nak ta̱camsi̱k xban nak tenebanbil ca̱mc saꞌ xbe̱n.

Deuteronomio 27:24

Tzꞌekta̱nanbil li ani tixcamsi ras ri̱tzꞌin usta chi mukmu naxba̱nu. Ut chixjunileb li tenamit teꞌxye: Joꞌcan taxak.