Números 35:2 - Li Santil hu

² —Ta̱ye reheb laj Israel nak teꞌxqꞌue xtenamiteb laj levita re teꞌcua̱nk cuiꞌ saꞌ li naꞌajej li teꞌxcꞌul. Ut teꞌxqꞌue ajcuiꞌ xnaꞌajeb lix queto̱mk chi xjun sutam lix tenamiteb.

Q'eqchi Bible

² “Ye reheb' laj Israel naq sa' li na'ajej ak xk'ulumeb', te'xk'e xtenamiteb' laj Leví b'arwi' naru te'wanq; te'xk'e ajwi' li wa'lem cho'q reheb' li xketomq, chi xsutam li xtenamiteb'. Laa'ex texk'ehoq xna'ajeb' laj Leví.

Números 35:2 ပူးပေါင်းရင်းမြစ်များ

Ezequiel 48:8

Ut li naꞌajej li cuan chixcꞌatk lix chꞌochꞌ laj Judá ta̱cana̱k chokꞌ xnaꞌaj li templo. Naticla saꞌ li este ut nacuulac toj chire li palau. Cablaju kilómetro xnimal ru. Ut lix nimal rok, aꞌan juntakꞌe̱t riqꞌuin li teꞌxcꞌul lix te̱paleb laj Israel. Ut li templo ta̱cua̱nk saꞌ xyi li naꞌajej aꞌan.

Ezequiel 48:22

Li chꞌochꞌ li cuan saꞌ xcaꞌ pacꞌalil lix naꞌajeb laj levita ut li tenamit, aꞌan xnaꞌaj li rey. Li naꞌajej aꞌin naxcꞌul rib riqꞌuin lix nuba̱l lix naꞌaj laj Judá ut naxcꞌul ajcuiꞌ rib riqꞌuin lix nuba̱l lix naꞌaj laj Benjamín.

Números 35:1

Li Ka̱cuaꞌ quia̱tinac riqꞌuin laj Moisés saꞌ li ru takꞌa re Moab chire li nimaꞌ Jordán saꞌ xcaꞌyaba̱l li tenamit Jericó. Quixye re:

Números 35:3

Tento nak ta̱cua̱nk lix tenamiteb li teꞌcua̱nk cuiꞌ ut ta̱cua̱nk ajcuiꞌ lix naꞌajeb lix cuacax, lix carner ut chixjunil lix queto̱mkeb.

Deuteronomio 18:6

Ma̱re junak laj levita ta̱raj e̱lc saꞌ junak reheb le̱ tenamit aran Israel, ut ta̱recꞌa saꞌ xchꞌo̱l nak ta̱xic chi cꞌanjelac saꞌ jalan naꞌajej li tixsicꞌ ru li Ka̱cuaꞌ Dios re ta̱lokꞌoni̱k.

2 Crónicas 11:14

Eb laj levita queꞌxcanab lix naꞌajeb ut li cꞌaꞌru reheb ut queꞌco̱eb Judá ut Jerusalén xban nak laj Jeroboam ut eb li ralal queꞌrisiheb saꞌ li cꞌanjel li nequeꞌxba̱nu chiru li Ka̱cuaꞌ.

2 Crónicas 31:19

Saꞌ chixjunileb li tenamit cuanqueb cui̱nk xakabanbileb re teꞌxjeqꞌui li cꞌaꞌruheb re laj tij, li ralal xcꞌajol laj Aarón, li cuanqueb saꞌ eb li tenamit malaj ut saꞌ cꞌaleba̱l. Ut queꞌxjeqꞌui ajcuiꞌ li cꞌaꞌru reheb laj levita li tzꞌi̱banbil xcꞌabaꞌeb.

1 Crónicas 13:2

Chirix aꞌan quixye reheb chixjunileb laj Israel li cuanqueb aran: —Cui tixcꞌul e̱chꞌo̱l, ut cui joꞌcan naraj li Ka̱cuaꞌ li kaDios, takatakla xbokbaleb chixjunileb li kacomon li cuanqueb saꞌ chixjunil li tenamit Israel, joꞌ ajcuiꞌ saꞌ eb li cocꞌ cꞌaleba̱l. Ut takatakla ajcuiꞌ resil riqꞌuineb laj tij ut eb laj levita li cuanqueb saꞌ xtenamiteb re nak teꞌoque̱nk saꞌ kaya̱nk.

Nehemías 13:10

Ut queꞌxye ajcuiꞌ cue nak eb laj levita incꞌaꞌ queꞌxcꞌul li cꞌaꞌru eb re li tento raj queꞌqꞌueheꞌ reheb re xnumsinquil li cutan junju̱nk. Joꞌcan nak eb laj levita ut eb laj bichanel li nequeꞌba̱nun re li cꞌanjel, queꞌel Jerusalén ut queꞌco̱eb chi xju̱nkaleb saꞌ lix cꞌaleba̱leb.