Números 35:12 - Li Santil hu

¹² Saꞌ li tenamit aꞌan naru teꞌxcol ribeb li teꞌcamsi̱nk chiruheb li rechꞌalal li camenak toj ta̱rakekꞌ a̱tin saꞌ xbe̱neb xbaneb laj Israel.

Q'eqchi Bible

¹² Sa'eb' li tenamit a'an naru teekol eerib' chiru laj eeqajunel kik', xb'aan naq laj kamsinel ink'a' naru taakamsiiq, wi toj maji' naraqmank aatin sa' xb'een xb'aaneb' li komonil.

Números 35:12 ပူးပေါင်းရင်းမြစ်များ

Deuteronomio 19:6

Cui kꞌaxal najt cuan li tenamit, ma̱re incꞌaꞌ ta̱ru̱k ta̱cuulak saꞌ li tenamit re tixcol rib. Li rechꞌalal li camenak naru toxtau saꞌ be ut xban xjoskꞌil tixcamsi chokꞌ re̱kaj li camenak, usta li cui̱nk aꞌan incꞌaꞌ tenebanbil ca̱mc saꞌ xbe̱n xban nak incꞌaꞌ yal xraj xchꞌo̱l nak xcamsi li rochben.

Josué 20:9

Aꞌaneb aꞌin li tenamit li quisiqꞌueꞌ ruheb xbaneb laj Israel re teꞌxcol ribeb ut re ajcuiꞌ nak teꞌxcol ribeb li jalaneb xtenamit li naxcamsi ras ri̱tzꞌin chi incꞌaꞌ yal naraj xchꞌo̱l. Teꞌxcol rib saꞌ li tenamit aꞌan re nak incꞌaꞌ teꞌcamsi̱k xbaneb li rechꞌalal li camenak toj ta̱rakekꞌ a̱tin saꞌ xbe̱neb.

2 Samuel 14:7

Anakcuan chixjunileb li cuechꞌalal xeꞌjoskꞌoꞌ saꞌ inbe̱n. Teꞌraj nak tinkꞌaxtesi saꞌ rukꞌeb lin yum re teꞌxcamsi xban nak aꞌan quicamsin re li ras. Cui teꞌxcamsi lin yum, ma̱cꞌaꞌak chic inyoꞌon ut ma̱cꞌaꞌak chic li ralal xcꞌajol lin be̱lom mokon. Ta̱sachekꞌ lix cꞌabaꞌ saꞌ ruchichꞌochꞌ, chan li ixk.

Números 35:19

Li rechꞌalal li quicamsi̱c, aꞌan li ta̱camsi̱nk re laj camsinel aꞌ yal bar tixcꞌul.

Números 35:13

Saꞌ xya̱nkeb li tenamit ta̱qꞌuehekꞌ reheb laj levita ta̱cua̱nk cuakib li tenamit li teꞌxcol cuiꞌ ribeb laj Israel.

Deuteronomio 19:4

Li ani tixcamsi li ras ri̱tzꞌin chi incꞌaꞌ yal xraj xchꞌo̱l nak tixcamsi, ut cui incꞌaꞌ xicꞌ naril, naru ta̱xic saꞌ li tenamit re tixcol rib.

Josué 20:2

—Ta̱ye reheb laj Israel nak teꞌxsicꞌ ruheb li tenamit li teꞌxcol cuiꞌ chak ribeb, joꞌ quinye re laj Moisés.