Números 33:52 - Li Santil hu

⁵² te̱risiheb chixjunileb li cuanqueb saꞌ li naꞌajej aꞌan. Te̱sach ruheb chixjunileb lix dioseb li queꞌxyi̱b riqꞌuin pec ut riqꞌuin chꞌi̱chꞌ. Te̱tꞌan chixjunileb li naꞌajej li najt xteram li nequeꞌlokꞌonin cuiꞌ.

Q'eqchi Bible

⁵² teeraanilasiheb' chixjunil li poyanam wankatqeb' aran. Teejuk' chixjunileb' li b'onb'ileb' pek, teeputz'iheb' li xjalam u yiib'anb'ileb' rik'in ha'lesinb'il q'anch'iich' ut teejuk'i chixjunil li x'artaleb'.

Números 33:52 ပူးပေါင်းရင်းမြစ်များ

Levítico 26:1

Li Ka̱cuaꞌ Dios quixye: —Me̱yi̱b e̱jalanil dios chi moco e̱pechꞌbil dios, chi moco te̱yi̱b e̱dios pec re te̱lokꞌoniheb. Chi moco chiruheb li pec te̱yi̱b junak retalil e̱dios xban nak la̱in li Ka̱cuaꞌ le̱ Dios.

Éxodo 23:24

Ut me̱cuikꞌib e̱rib chiru lix yi̱banbil dios eb aꞌan, chi moco chexcꞌanjelak chiruheb. Me̱ba̱nu joꞌ nequeꞌxba̱nu eb aꞌan. Te̱jucꞌ ban lix yi̱banbil dios ut te̱sach ruheb chi junaj cua.

Jueces 2:2

Abanan tento nak la̱ex incꞌaꞌ te̱ba̱nu junak contrato riqꞌuineb li cuanqueb saꞌ li naꞌajej aꞌin. Te̱juqꞌui ban lix artaleb.” Abanan la̱ex incꞌaꞌ xeba̱nu li quinye e̱re. Xekꞌet ban li cua̱tin.

Josué 23:7

Me̱junaji e̱rib riqꞌuineb li tenamit li toj cuanqueb saꞌ e̱ya̱nk, chi moco te̱ba̱nu li juramento saꞌ xcꞌabaꞌ lix dioseb, chi moco te̱lokꞌoniheb, chi moco te̱cuikꞌib e̱rib chiruheb.

Deuteronomio 33:29

Us xak e̱re la̱ex aj Israel. ¿Ma cuan ta biꞌ junak chic tenamit juntakꞌe̱t e̱riqꞌuin la̱ex? La̱ex colbilex xban li Ka̱cuaꞌ. Li Ka̱cuaꞌ, aꞌan li ta̱tenkꞌa̱nk e̱re ut aꞌan li ta̱colok e̱re. Aꞌan ta̱qꞌuehok e̱re chi numta̱c saꞌ xbe̱neb li xicꞌ nequeꞌiloc e̱re. Eb li xicꞌ nequeꞌiloc e̱re teꞌxcuikꞌib ribeb che̱ru xban xxiuheb ut la̱ex texnumta̱k saꞌ xbe̱neb lix tenamit li queꞌxnimobresi cuiꞌ ribeb.

Deuteronomio 31:5

Li Ka̱cuaꞌ tixkꞌaxtesiheb saꞌ e̱rukꞌ ut texnumta̱k saꞌ xbe̱neb. Tento nak te̱ba̱nu reheb chixjunil li xinye e̱re.

Josué 9:7

Ut eb laj Israel queꞌxchakꞌbe laj heveo ut queꞌxye: —Ma̱re anchal nachꞌ cuanquex kiqꞌuin. ¿Chanru nak takaba̱nu junak contrato e̱riqꞌuin la̱ex?—

Josué 11:15

Joꞌ quixye li Dios re laj Moisés laj cꞌanjel chiru, joꞌcan qui-uxman xban nak laj Moisés quixye re laj Josué li cꞌaꞌru quixye li Dios. Ut laj Josué quixba̱nu chi tzꞌakal re ru li cꞌaꞌru quiyeheꞌ re xban laj Moisés. Ma̱ jun li quixye li Dios incꞌaꞌ ta quixba̱nu laj Josué.

1 Reyes 11:7

Ut laj Salomón quixtakla xyi̱banquil lix naꞌajeb li jalanil dios Quemos ut Moloc saꞌ li tzu̱l li cuan jun pacꞌal li tenamit Jerusalén bar na-el cuiꞌ li sakꞌe. Laj Quemos, aꞌan lix dioseb laj Moab. Ut laj Moloc aꞌan lix dioseb laj Amón, li kꞌaxal yibru nequeꞌxba̱nu nak nequeꞌxlokꞌoniheb.