Números 33:1 - Li Santil hu

¹ Joꞌcaꞌin nak queꞌel chak laj Israel aran Egipto. Chi chꞌu̱tal queꞌxqꞌue rib nak yo̱queb chi xic joꞌ nequeꞌxba̱nu li soldados. Ut laj Moisés ut laj Aarón, aꞌaneb li queꞌcꞌamoc be chiruheb.

Q'eqchi Bible

¹ Jo'ka'in naq ke'elk chaq Ejiipt eb' laj Israel ut ke'chalk chi tzol jo'keb' laj puub', k'amol b'eheb' chaq laj Moisés ut laj Aharón.

Números 33:1 ပူးပေါင်းရင်းမြစ်များ

Miqueas 6:4

La̱in quin-isin chak e̱re saꞌ li naꞌajej Egipto ut la̱in quincoloc e̱re nak cuanquex chak chokꞌ rahobtesinbil mo̱s. Ut quintaklaheb chokꞌ aj cꞌamol be che̱ru laj Moisés, laj Aarón, ut lix María.

Salmos 77:20

La̱at caberesiheb la̱ tenamit joꞌ nak nequeꞌberesi̱c li carner. Ut caqꞌueheb laj Moisés ut laj Aarón chi cꞌamoc be chiruheb.

1 Samuel 12:8

Nak queꞌco̱eb Egipto laj Jacob ut eb li ralal xcꞌajol, queꞌrahobtesi̱c. Eb le̱ xeꞌto̱nil yucuaꞌ queꞌxya̱ba xcꞌabaꞌ li Ka̱cuaꞌ. Ut aꞌan quixtaklaheb laj Moisés ut laj Aarón chixtenkꞌanquileb. Eb aꞌan queꞌcꞌamoc be chiruheb le̱ xeꞌto̱nil yucuaꞌ nak queꞌel chak Egipto ut aꞌaneb li queꞌcꞌamoc chak reheb chi cua̱nc saꞌ li naꞌajej aꞌin.

Josué 24:5

Mokon chic quintakla laj Moisés ut laj Aarón aran Egipto re risinquileb laj Israel aran. Ut nabal li raylal quintakla saꞌ xbe̱neb laj Egipto toj retal quexcuisi saꞌ li naꞌajej aꞌan.

Éxodo 13:18

Li Dios quixcꞌameb aꞌan saꞌ li chaki chꞌochꞌ saꞌ xjayal li palau Mar Rojo xcꞌabaꞌ. Nequeꞌtzololnac nak queꞌel chi junju̱nk chꞌu̱tal saꞌ li tenamit Egipto.

Éxodo 12:51

Ut saꞌ li cutan aꞌan li Ka̱cuaꞌ Dios quilajrisiheb chak laj Israel saꞌ li tenamit Egipto. Nequeꞌtzololnac nak queꞌel laj Israel chi junju̱nk chꞌu̱tal aran Egipto.

Éxodo 12:37

Ut chixjunileb laj Israel queꞌel saꞌ li tenamit Ramesés ut queꞌco̱eb saꞌ li tenamit Sucot. Cuakib ciento mil (600,000) chi cui̱nk queꞌco̱eb chi rok. Eb li ixk joꞌ ajcuiꞌ eb li cocꞌal ma̱cꞌaꞌeb saꞌ ajl.

Números 33:2

Ut laj Moisés yo̱ chixtzꞌi̱banquil lix cꞌabaꞌeb li naꞌajej li queꞌnumeꞌ cuiꞌ joꞌ quiyeheꞌ re xban li Ka̱cuaꞌ. Aꞌan aꞌin li retalil li reliqueb.

Salmos 105:26

Li Dios quixtakla aran Egipto laj Moisés aj cꞌanjel chiru. Ut quixtakla ajcuiꞌ laj Aarón li quixsicꞌ ru.

Éxodo 6:26

Aꞌ laj Aarón ut laj Moisés aꞌaneb li queꞌa̱tina̱c xban li Ka̱cuaꞌ Dios ut quixye reheb nak teꞌrisiheb laj Israel saꞌ li tenamit Egipto chi tzoltzo.

Éxodo 12:41

Tzꞌakal ca̱hib ciento riqꞌuin laje̱b xcaꞌcꞌa̱l (430) chihab nak queꞌel chixjunileb li ralal xcꞌajol li Dios saꞌ li tenamit Egipto.