Números 32:23 - Li Santil hu

²³ Abanan cui incꞌaꞌ te̱ba̱nu li cꞌaꞌru xeyechiꞌi re li Ka̱cuaꞌ, qꞌuehomak retal nak texma̱cobk chiru li Ka̱cuaꞌ. Ut la̱ex te̱cꞌul xtojbal le̱ ma̱c.

Q'eqchi Bible

²³ Ab'anan wi ink'a' teeb'aanu chi jo'kan, chenawaq naq xexmaakob'k chiru li Qaawa' ut li maak a'an nakanaak sa' eeb'een chi junajwa.

Números 32:23 ပူးပေါင်းရင်းမြစ်များ

Isaías 59:12

Incꞌaꞌ nocoxtenkꞌa xban nak kꞌaxal xnumta li kama̱usilal chiru li Ka̱cuaꞌ. Li ma̱usilal xkaba̱nu naxcꞌut nak cuan kama̱c. Incꞌaꞌ us xkaba̱nu. Nakanau nak cuan kama̱c.

Proverbios 13:21

Eb laj ma̱c ta̱cha̱lk raylal saꞌ xbe̱neb. Abanan eb li ti̱queb xchꞌo̱l teꞌkꞌajca̱mu̱k riqꞌuin usilal.

Génesis 44:16

Laj Judá quixye re: —At Ka̱cuaꞌ, ¿cꞌaꞌru raj takaye a̱cue? ¿Cꞌaꞌ chic ru naru takaye a̱cue re nak ta̱pa̱b nak ma̱cuaꞌ la̱o xoba̱nun re aꞌin? Li Ka̱cuaꞌ Dios nanaꞌoc re cꞌaꞌru kama̱c. Ma̱cuaꞌ caꞌaj cuiꞌ riqꞌuin li xeꞌxtau cuiꞌ la̱ secꞌ ta̱cana̱k chokꞌ a̱mo̱s. Tocana̱k ajcuiꞌ la̱o chikajunilo, chanqueb.

Salmos 90:8

Chixjunil li ma̱usilal li xkaba̱nu, la̱at nacanau. Chixjunil li ma̱c li xkaba̱nu chi mukmu cutan saken cha̱cuu.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

Génesis 4:7

¿Ma incꞌaꞌ ta biꞌ ta̱qꞌuehekꞌ a̱lokꞌal cui us ta̱ba̱nu? Cui incꞌaꞌ us ta̱ba̱nu, yo̱cat xqꞌuebal a̱cuib chi a̱le̱c ut li ma̱c ta̱numta̱k saꞌ a̱be̱n. Abanan cua̱nk raj a̱cuanquil re nak la̱at tatnumta̱k saꞌ xbe̱n li ma̱c, chan li Dios re laj Caín.

Romanos 2:9

Raylal ut ra xi̱cꞌ ta̱cha̱lk saꞌ xbe̱neb chixjunileb li nequeꞌba̱nun re li incꞌaꞌ us. Xbe̱n cua ta̱cha̱lk saꞌ xbe̱neb laj judío ut ta̱cha̱lk ajcuiꞌ saꞌ xbe̱neb li ma̱cuaꞌeb aj judío.

Isaías 3:11

Abanan eb li incꞌaꞌ useb xnaꞌleb ra teꞌxcꞌul xban nak eb aꞌan teꞌxcꞌul lix kꞌajca̱munquil aꞌ yal chanru lix yehom xba̱nuhomeb.

Salmos 140:11

Incꞌaꞌ ta najt teꞌcua̱nk saꞌ ruchichꞌochꞌ li nequeꞌyoꞌoban a̱tin. Aꞌ ta li raylal li nequeꞌxba̱nu chisachok ruheb li nequeꞌxrahobtesi ras ri̱tzꞌin.

Salmos 139:11

Ut cui tinyal xmukbal cuib saꞌ li kꞌojyi̱n, ma̱min ta̱ru̱k. Tina̱cuil ajcuiꞌ xban nak ma̱cꞌaꞌ kꞌojyi̱n cha̱cuu.

Génesis 13:13

Eb li cristian li cuanqueb aran saꞌ li tenamit Sodoma numtajenak xma̱queb chiru li Ka̱cuaꞌ Dios.

Josué 7:18

Ut nak queꞌnumeꞌ chi xjunju̱nkaleb lix cui̱nkilaleb li ralal xcꞌajol laj Zabdi, li Dios quixcꞌut laj Acán, li ralal laj Carmi. Laj Carmi, aꞌan li ralal laj Zabdi. Ut laj Zabdi, aꞌan li ralal laj Zera. Aꞌaneb xcomoneb li ralal xcꞌajol laj Judá.

Proverbios 5:22

Li incꞌaꞌ useb xnaꞌleb, aꞌ ajcuiꞌ li ma̱usilal li nequeꞌxba̱nu nasachoc reheb. Chanchan bacꞌbo̱queb xban li ma̱c nequeꞌxba̱nu.

Jonás 1:7

Ut queꞌxye chi ribileb rib laj cꞌamol re li jucub: —Kabu̱lihak kix re takil ani cuan xma̱c nak yo̱co chixcꞌulbal li raylal aꞌin, chanqueb. Ut queꞌxbu̱li rixeb ut li ma̱c quitꞌaneꞌ saꞌ xbe̱n laj Jonás.

2 Samuel 3:39

Usta la̱in li rey li sicꞌbil cuu xban li Dios, abanan nacuecꞌa nak ma̱cꞌaꞌ incuanquil. Eb li cui̱nk aꞌin, lix yum lix Sarvia, kꞌaxal cauheb rib chicuu la̱in. Li Ka̱cuaꞌ chiqꞌuehok reheb chixtojbal xma̱queb joꞌ xcꞌulubeb xban li ma̱usilal queꞌxba̱nu, chan laj David.

1 Reyes 2:32

Li Dios ta̱qꞌuehok re chi ca̱mc laj Joab xban nak laj Joab quixcamsiheb li cuib chi cui̱nk li kꞌaxal ti̱c xchꞌo̱leb ut cha̱bileb xnaꞌleb chiru laj Joab. Quixcamsiheb chi incꞌaꞌ quixnau laj David lin yucuaꞌ. Aꞌaneb laj Abner, li quitaklan saꞌ xbe̱neb lix soldados laj Israel, ut laj Amasa, li quitaklan saꞌ xbe̱neb lix soldados laj Judá.

1 Reyes 2:33

Lix tojbal rix li ma̱c aꞌan ta̱tꞌanekꞌ saꞌ xbe̱n laj Joab ut saꞌ xbe̱neb li ralal xcꞌajol. Abanan li Ka̱cuaꞌ ta̱rosobtesiheb li ralal xcꞌajol laj David lin yucuaꞌ. Ut xakxo̱k saꞌ xnaꞌaj junelic lix cuanquilal li ralal xcꞌajol laj David li teꞌoc chokꞌ xreyeb laj Israel, chan laj Salomón.

Proverbios 24:16

Usta ta̱ba̱nu cuukub sut raylal reheb li ti̱queb xchꞌo̱l, abanan eb aꞌan teꞌxcuy ut incꞌaꞌ ta̱chꞌina̱nk xchꞌo̱leb. Abanan eb li incꞌaꞌ useb xnaꞌleb ra teꞌxcꞌul nak teꞌosokꞌ.