Números 32:16 - Li Santil hu

¹⁶ Queꞌnachꞌoc ut riqꞌuin laj Moisés eb laj Rubén ut eb laj Gad ut queꞌxye re: —Tento takayi̱b li kanaꞌaj reheb li kaqueto̱mk. Ut takayi̱b ajcuiꞌ li tenamit re teꞌcua̱nk cuiꞌ li kixakil ut eb li kacocꞌal.

Q'eqchi Bible

¹⁶ Toja' naq ke'jilok rik'in laj Moisés ut ke'xye re: —Arin tqayiib' xna'ajeb' li qaketomq ut tqawaklesiheb' tenamit cho'q reheb' li qalal qak'ajol.

Números 32:16 ပူးပေါင်းရင်းမြစ်များ

Números 34:22

laj Buqui li ralal laj Jogli, li nataklan saꞌ xbe̱neb li ralal xcꞌajol laj Dan;

Génesis 33:17

Ut laj Jacob co̱ saꞌ li naꞌajej Sucot. Ut aran quixyi̱b lix muheba̱l ut quixyi̱b ajcuiꞌ lix naꞌajeb li xul. Xban aꞌan Sucot quixqꞌue chokꞌ xcꞌabaꞌ li naꞌajej aꞌan.

Génesis 49:14

La̱at, Isacar, nacatinjuntakꞌe̱ta riqꞌuin jun li bu̱r li kꞌaxal cau rib li nabuchla saꞌ xnaꞌajeb li queto̱mk.

Números 32:15

Cui la̱ex te̱raj xkꞌetkꞌetinquil e̱rib chiru li Dios, li Dios toxcanab chi cua̱nc saꞌ li chaki chꞌochꞌ joꞌ quixba̱nu junxil. Ut saꞌ e̱ma̱c la̱ex nak ta̱sachekꞌ ru li katenamit Israel, chan laj Moisés.

Números 32:17

Abanan la̱o takacauresi kib ut toxic chi ubej chi pletic toj retal take̱chani li naꞌajej li teꞌcua̱nk cuiꞌ li jun chꞌol chic laj Israel. Li kixakil ut eb li kacocꞌal teꞌcana̱k arin saꞌ eb li tenamit li ac cauresinbileb re teꞌxcol cuiꞌ ribeb chiruheb li cuanqueb saꞌ li naꞌajej aꞌin.

Deuteronomio 3:19

Ut caꞌaj eb cuiꞌ li ixakilbej ut eb li cocꞌal teꞌcana̱k saꞌ eb li tenamit li xinqꞌue e̱re. Ut eb le̱ queto̱mk teꞌcana̱k xban nak ninnau nak nabaleb le̱ queto̱mk.

Deuteronomio 33:21

Queꞌxsicꞌ ru li naꞌajej li kꞌaxal cha̱bil chokꞌ reheb. Ut quiqꞌueheꞌ reheb li naꞌajej joꞌ quiqꞌueheꞌ reheb li nequeꞌcꞌamoc be. Ut queꞌxba̱nu li cꞌaꞌru quiraj li Ka̱cuaꞌ ut queꞌxba̱nu li ti̱quilal nak chꞌutchꞌu̱queb li nequeꞌcꞌamoc be saꞌ xya̱nkeb laj Israel.