Números 32:15 - Li Santil hu

¹⁵ Cui la̱ex te̱raj xkꞌetkꞌetinquil e̱rib chiru li Dios, li Dios toxcanab chi cua̱nc saꞌ li chaki chꞌochꞌ joꞌ quixba̱nu junxil. Ut saꞌ e̱ma̱c la̱ex nak ta̱sachekꞌ ru li katenamit Israel, chan laj Moisés.

Q'eqchi Bible

¹⁵ Wi ink'a' nekepaab' li Qaawa', li Yos tooxkanab' wi' chik chi wank sa' li chaqich'och', ut laa'ex teek'am chaq nimla rahilal sa' xb'een chixjunil li tenamit, chan laj Moisés.

Números 32:15 ပူးပေါင်းရင်းမြစ်များ

2 Crónicas 15:2

Joꞌcan nak laj Azarías qui-el chixcꞌulbal laj Asa ut quixye re: —At rey Asa, chacuabi taxak li cꞌaꞌru tinye a̱cue. Ut cherabihak ajcuiꞌ la̱ex li ralal xcꞌajol laj Judá ut la̱ex li ralal xcꞌajol laj Benjamín. Li Ka̱cuaꞌ ta̱cua̱nk e̱riqꞌuin cui la̱ex cua̱nkex riqꞌuin aꞌan. Cui te̱sicꞌ li Dios, aꞌan tixcꞌutbesi rib che̱ru. Abanan cui te̱tzꞌekta̱na, li Dios textzꞌekta̱na ajcuiꞌ la̱ex.

Romanos 14:15

Cui riqꞌuin li cꞌaꞌru nacatzaca nachꞌinan xchꞌo̱l la̱ cuech aj pa̱banelil, aꞌan naraj naxye nak incꞌaꞌ nacara la̱ cuech aj pa̱banelil. Ma̱poꞌ xchꞌo̱leb la̱ cuech aj pa̱banelil riqꞌuin li cꞌaꞌru nacatzaca xban nak li Jesucristo quicam ajcuiꞌ saꞌ xcꞌabaꞌ eb aꞌan.

San Mateo 18:7

Tokꞌob ruheb li cuanqueb saꞌ ruchichꞌochꞌ xban nak cuan cꞌaꞌ re ru napoꞌoc re lix chꞌo̱leb. Ac chꞌolchꞌo nak cuan li cꞌaꞌru napoꞌoc chꞌo̱lej. Abanan raylal cha̱lel saꞌ xbe̱n li ani ta̱yoꞌoba̱nk re li cꞌaꞌ re ru ta̱poꞌok chꞌo̱lej.

Jeremías 38:23

Chixjunileb la̱ cuixakil ut eb la̱ cocꞌal teꞌkꞌaxtesi̱k saꞌ rukꞌeb laj Babilonia. Ut la̱at incꞌaꞌ tatru̱k chi e̱lelic chiruheb. Tatchapekꞌ ban xban lix reyeb laj Babilonia ut li tenamit aꞌin ta̱cꞌatekꞌ, chan laj Jeremías.

Números 32:16

Queꞌnachꞌoc ut riqꞌuin laj Moisés eb laj Rubén ut eb laj Gad ut queꞌxye re: —Tento takayi̱b li kanaꞌaj reheb li kaqueto̱mk. Ut takayi̱b ajcuiꞌ li tenamit re teꞌcua̱nk cuiꞌ li kixakil ut eb li kacocꞌal.

Josué 22:15

Eb aꞌan queꞌtakla̱c saꞌ li naꞌajej Galaad chi a̱tinac riqꞌuineb li ralal xcꞌajol laj Rubén, li ralal xcꞌajol laj Gad, ut li yijach li ralal xcꞌajol laj Manasés.