Números 32:1 - Li Santil hu

¹ Kꞌaxal nabaleb lix queto̱mkeb li ralal xcꞌajol laj Rubén ut eb li ralal xcꞌajol laj Gad. Queꞌril li naꞌajej Jazer ut Galaad ut queꞌxqꞌue retal nak cha̱bil re qꞌuiresi̱nc queto̱mk.

Q'eqchi Bible

¹ Eb' li ralal xk'ajoleb' laj Rubén ut li ralal xk'ajoleb' laj Gad, jwal naab'aleb' li xketomq ut q'axal ninqeb' ajwi'. Naq ke'ril naq li na'ajej Jaser ut Galahad a'an chaab'il ch'och' re k'iiresink ketomq,

Números 32:1 ပူးပေါင်းရင်းမြစ်များ

Números 21:32

Laj Moisés quixtaklaheb laj qꞌuehol etal saꞌ li tenamit Jazer. Ut eb laj Israel queꞌre̱chani li tenamit Jazer ut eb li cocꞌ cꞌaleba̱l li cuanqueb chixjun sutam. Queꞌrisiheb laj amorreo saꞌ li naꞌajej aꞌan.

Números 32:35

Atarot-sofán, Jazer, Jogbeha,

Números 32:3

—Qꞌuehomak retal chanru eb li naꞌajej Atarot, Dibón, Jazer, Nimra, Hesbón, Eleale, Sebam, Nebo ut Beón.

1 Juan 2:16

Chixjunil li ma̱usilal cuan saꞌ ruchichꞌochꞌ moco riqꞌuin ta li Dios nachal. Li ma̱c li naxrahi ru li tzꞌejcualej ut li xrahinquil ru li cꞌaꞌak re ru nakil riqꞌuin xnakꞌ ku moco riqꞌuin ta li Dios nachal. Joꞌcan ajcuiꞌ li kꞌetkꞌetil. Chixjunil aꞌin moco riqꞌuin ta li Dios nachal; xnaꞌleb ban li ruchichꞌochꞌ.

Miqueas 7:14

At Ka̱cuaꞌ, chacuil taxak la̱ tenamit riqꞌuin la̱ cuanquil, li ac sicꞌbileb ru a̱ban. Ut chaqꞌue taxak li cꞌaꞌruheb re joꞌ nak li cha̱bil aj ilol xul narileb chi us lix carner ut naxqꞌueheb chi cua̱nc saꞌ li tzu̱l cuan cuiꞌ li cha̱bil pachꞌayaꞌ. Chaqꞌueheb cuiꞌchic la̱ cualal a̱cꞌajol chi cua̱nc saꞌ li naꞌajej Basán ut Galaad joꞌ nak queꞌcuan junxil.

Jeremías 50:19

La̱in tinqꞌueheb cuiꞌchic laj Israel saꞌ lix naꞌajeb. Chanchanakeb li carner li nequeꞌichajib aran Carmelo ut Basán. Ut teꞌxtzaca ajcuiꞌ li ru li acui̱mk li na-el saꞌ lix naꞌajeb li ralal xcꞌajol laj Efraín ut Galaad toj retal ta̱cꞌojla̱k xchꞌo̱leb.

2 Samuel 24:5

Queꞌnumeꞌ jun pacꞌal li nimaꞌ Jordán ut queꞌxyi̱b lix muheba̱leb saꞌ li sur re li tenamit Aroer. Li tenamit aꞌan cuan saꞌ xyi li ru takꞌa saꞌ xjayal li cuib chi tenamit Gad ut Jazer.

Josué 13:25

Aꞌan aꞌin li naꞌajej li quiqꞌueheꞌ reheb: li naꞌajej Jazer ut chixjunileb li tenamit li cuanqueb Galaad, ut yijach lix naꞌajeb li ralal xcꞌajol laj Amón. Nacuulac toj saꞌ li tenamit Aroer li cuan chiru li naꞌajej Rabá.

Números 32:26

Eb li kacocꞌal, ut eb li kixakil joꞌ eb ajcuiꞌ li kaqueto̱mk teꞌcana̱k arin saꞌ eb li tenamit li cuan saꞌ xcue̱nt Galaad.

Éxodo 12:38

Ut cuanqueb ajcuiꞌ laj Egipto li queꞌco̱eb saꞌ xya̱nkeb laj Israel. Ut ma̱ caꞌchꞌin xqꞌuial li queto̱mk queꞌxcꞌam nak queꞌco̱eb.

Génesis 47:4

Ut queꞌxye ajcuiꞌ re laj faraón: —La̱o xochal chi cua̱nc arin xban nak kꞌaxal numtajenak li cueꞌej aran Canaán, yal ta li pachꞌayaꞌ cuan re teꞌxcuaꞌ li kaqueto̱mk. Aꞌan aj e nak xochal chixtzꞌa̱manquil a̱cue nak ta̱ba̱nu usilal, toa̱canab chi cua̱nc saꞌ li naꞌajej Gosén, chanqueb re.

Génesis 29:32

Lix Lea quicana chi yaj aj ixk. Quicuan jun lix cꞌulaꞌal. Lix Lea quixye: —Li Ka̱cuaꞌ Dios quixnau nak quirahoꞌ saꞌ inchꞌo̱l junxil. Anakcuan tinixra chic lin be̱lom, chan. Joꞌcan nak aj Rubén quixqꞌue chokꞌ xcꞌabaꞌ lix cꞌulaꞌal.

Génesis 13:5

Laj Lot biom ajcuiꞌ joꞌ laj Abram. Nabal lix queto̱mk, ut nabal ajcuiꞌ lix muheba̱l yi̱banbil riqꞌuin tꞌicr.

Génesis 13:2

Numtajenak xbiomal laj Abram. Cuan x-oro. Cuan xplata ut cuan ajcuiꞌ nabal lix queto̱mk.

Números 32:2

Joꞌcan nak queꞌco̱eb riqꞌuineb laj Moisés, laj Eleazar laj tij ut eb li nequeꞌtaklan saꞌ xbe̱neb laj Israel. Ut queꞌxye reheb:

Deuteronomio 33:21

Queꞌxsicꞌ ru li naꞌajej li kꞌaxal cha̱bil chokꞌ reheb. Ut quiqꞌueheꞌ reheb li naꞌajej joꞌ quiqꞌueheꞌ reheb li nequeꞌcꞌamoc be. Ut queꞌxba̱nu li cꞌaꞌru quiraj li Ka̱cuaꞌ ut queꞌxba̱nu li ti̱quilal nak chꞌutchꞌu̱queb li nequeꞌcꞌamoc be saꞌ xya̱nkeb laj Israel.

Josué 22:9

Joꞌcaꞌin nak queꞌxjach ribeb li ralal xcꞌajol laj Rubén ut eb li ralal xcꞌajol laj Gad, joꞌ ajcuiꞌ li yijach li ralal xcꞌajol laj Manasés riqꞌuineb li jun chꞌol chic laj Israel. Queꞌxjach ribeb aran Silo saꞌ li naꞌajej Canaán ut queꞌco̱eb saꞌ li naꞌajej Galaad, li naꞌajej li quiqꞌueheꞌ reheb joꞌ quixye li Ka̱cuaꞌ re laj Moisés.

Jueces 5:16

¿Cꞌaꞌut nak incꞌaꞌ queꞌco̱eb li ralal xcꞌajol laj Rubén? ¿Cꞌaꞌut nak queꞌcana chirabinquil lix carner nak nequeꞌya̱bac? Eb li ralal xcꞌajol laj Rubén cauheb raj rib. Abanan queꞌxucuac.

Jeremías 22:6

Chicuu la̱in, lix palacio lix reyeb laj Judá kꞌaxal chꞌinaꞌus. Chanchan li naꞌajej Galaad ut chanchan li tzu̱l li cuan Líbano. Abanan la̱in tinsach lix chꞌinaꞌusal ut tincanab chi ma̱cꞌaꞌ chic cuan chi saꞌ, chi moco cristian.

Josué 22:13

Eb laj Israel queꞌxtaklaheb saꞌ li naꞌajej Galaad laj Finees li ralal laj Eleazar laj tij riqꞌuineb li ralal xcꞌajol laj Rubén, li ralal xcꞌajol laj Gad ut li yijach li ralal xcꞌajol laj Manasés.

2 Samuel 24:6

Chirix aꞌan queꞌco̱eb saꞌ eb li tenamit Galaad ut Hodsi saꞌ lix naꞌajeb laj hititas. Nak queꞌel aran queꞌco̱eb saꞌ li tenamit Dan-jaán. Ut chirix aꞌan queꞌco̱eb Sidón ut saꞌ eb li naꞌajej li cuanqueb chi xjun sutam.

1 Crónicas 4:41

Aꞌin quicꞌulman saꞌ eb li cutan nak laj Ezequías cuan chokꞌ xreyeb laj Judá. Eb li tzꞌi̱banbil xcꞌabaꞌ queꞌco̱eb Gedor ut quilajeꞌxpoꞌ lix muheba̱leb ut li rochocheb li cuanqueb aran re nak eb aꞌan chic teꞌcua̱nk aran. Ut chalen anakcuan cuanqueb aran ut cha̱bil li naꞌajej cuanqueb cuiꞌ lix queto̱mk.

Jeremías 8:22

¿Ma ma̱cꞌaꞌ li ban aran Galaad? ¿Ma ma̱cꞌaꞌ junak aj banonel naru toxqꞌuirtesi? ¿Cꞌaꞌut nak incꞌaꞌ xo-usa? chan laj Jeremías.

Jeremías 48:32

Tinya̱bak che̱rix la̱ex li cuanquex Sibma joꞌ nak quinya̱bac chirixeb li cuanqueb Jazer. Kꞌaxal nim raj le̱ cuanquil nak xexcuan. Xcuulac toj cuan cuiꞌ li palau li cuan nachꞌ riqꞌuin li tenamit Jazer. Abanan xcꞌulun laj sachonel ut xrisi le̱ cuanquil. Chanchanex li uvas li naxhel rib chi us ut xsacheꞌ li ru.