Números 31:3 - Li Santil hu

³ Joꞌcan nak laj Moisés quia̱tinac riqꞌuineb laj Israel ut quixye reheb: —Cauresihomakeb li teꞌxic chi pletic riqꞌuineb laj Madián saꞌ xcꞌabaꞌ li Dios re nak teꞌxqꞌue re̱kaj reheb li ma̱usilal li queꞌxba̱nu e̱re.

Q'eqchi Bible

³ Toja' naq laj Moisés kiraatinaleb' li tenamit ut kixye reheb' chi jo'ka'in: “Kawresihomaq eerib' chi yalok rik'ineb' laj Madián, re naq sa' xk'ab'a' li Qaawa' teek'e reeqaj li rahilal ke'xb'aanu eere.

Números 31:3 ပူးပေါင်းရင်းမြစ်များ

Levítico 26:25

La̱in tintaklaheb li xicꞌ nequeꞌiloc e̱re chi pletic e̱riqꞌuin re xtojbal rix le̱ ma̱c nak xekꞌet lin contrato. Nak texxic saꞌ eb li tenamit chixcolbal e̱rib, la̱in tintakla li rax ca̱mc saꞌ e̱be̱n ut la̱ex te̱kꞌaxtesi e̱rib saꞌ rukꞌeb li xicꞌ nequeꞌiloc e̱re.

Jeremías 46:10

Abanan li cutan aꞌan, aꞌan li cutan nak li Ka̱cuaꞌ li nimajcual Dios tixqꞌueheb chixtojbal xma̱queb li xicꞌ nequeꞌiloc re. Teꞌcamsi̱k riqꞌuin chꞌi̱chꞌ toj retal ta̱cꞌojla̱k xchꞌo̱l. Chanchan nak li chꞌi̱chꞌ ta̱recꞌa xsahil lix quiqꞌueleb. Saꞌ li cutan aꞌan li camsi̱nc li ta̱cua̱nk saꞌ li norte chire li nimaꞌ Éufrates, aꞌan joꞌ jun li mayej chiru li Ka̱cuaꞌ.

2 Reyes 10:30

Ut li Ka̱cuaꞌ quixye re laj Jehú: —La̱at xaba̱nu li us chicuu xban nak xasach ruheb li ralal xcꞌajol laj Acab joꞌ xcuaj la̱in. Joꞌcan nak la̱in ninye a̱cue nak jun reheb la̱ cualal a̱cꞌajol teꞌoc chokꞌ rey toj saꞌ li xca̱ tasalileb la̱ cualal a̱cꞌajol.

2 Reyes 9:7

La̱at tatsachok ruheb li ralal xcꞌajol laj Acab li nataklan saꞌ a̱be̱n. Chi joꞌcaꞌin ta̱qꞌueheb chixtojbal rix lix camiqueb lin profetas li queꞌcꞌanjelac chicuu li quixtakla xcamsinquil lix Jezabel.

Jueces 5:23

Lix ángel li Ka̱cuaꞌ quixye, “Chetzꞌekta̱naheb li cuanqueb saꞌ li tenamit Meroz xban nak incꞌaꞌ queꞌco̱eb chi pletic. Chetzꞌekta̱naheb xban nak incꞌaꞌ queꞌxtenkꞌaheb lix soldado li Ka̱cuaꞌ nak queꞌpletic riqꞌuineb li cuanqueb xcuanquil.”

Jueces 5:2

—Cheqꞌuehak taxak xlokꞌal li Ka̱cuaꞌ che̱junilex la̱ex xban nak saꞌ li tenamit Israel toj cuanqueb cui̱nk cauheb xchꞌo̱l chi pletic ut xban ajcuiꞌ nak toj cuanqueb cui̱nk teꞌraj oque̱nc saꞌ li ple̱t.

Números 25:13

Xakabanbileb chi cꞌanjelac chokꞌ aj tij laj Finees joꞌ eb ajcuiꞌ li ralal xcꞌajol chalen anakcuan ut chi junelic xban nak laj Finees incꞌaꞌ quiraj nak teꞌxqꞌue xlokꞌal li yi̱banbil dios. Quiraj ban nak caꞌaj cuiꞌ la̱in tineꞌxlokꞌoni. Riqꞌuin li cꞌaꞌru quixba̱nu quixtoj rix lix ma̱queb li tenamit, chan li Dios.

Números 25:11

—Xban li cꞌaꞌru xba̱nu laj Finees li ralal laj Eleazar, xcube injoskꞌil saꞌ xbe̱neb laj Israel. Laj Finees incꞌaꞌ quixcanabeb chixlokꞌoninquileb li jalanil dios. Incꞌaꞌ quiraj nak teꞌrisi inlokꞌal la̱in. Xban aꞌan nak la̱in incꞌaꞌ quinsach ruheb chixjunileb nak yo̱ injoskꞌil saꞌ xbe̱neb.

Éxodo 17:16

Ut laj Moisés quixye: —Xban nak eb laj Amalec queꞌxtiquib li ple̱t riqꞌuineb laj Israel, li Dios ta̱pletik riqꞌuin laj Amalec ut joꞌ ajcuiꞌ riqꞌuineb li ralal xcꞌajol ut riqꞌuineb li ri xmam, chan.

Jeremías 50:28

Cuanqueb li queꞌe̱lelic Babilonia ut queꞌco̱eb Jerusalén ut yo̱queb chixserakꞌinquil chanru nak li Ka̱cuaꞌ li kaDios quixqꞌue re̱kaj li incꞌaꞌ us li queꞌxba̱nu eb laj Babilonia re lix templo li Ka̱cuaꞌ.

Números 31:4

Ju̱nk mil chi cui̱nk teꞌe̱lk saꞌ li junju̱nk xte̱paleb laj Israel re teꞌxic chi pletic riqꞌuineb, chan.