Números 31:23 - Li Santil hu

²³ Chixjunil li chꞌi̱chꞌ ut chixjunil li cꞌa chic re ru li tixcuy cꞌatecꞌ, tento xnumsinquil saꞌ xam re xsantobresinquil. Abanan tento ajcuiꞌ xsantobresinquil riqꞌuin li haꞌ re santobresi̱nc. Ut chixjunil li incꞌaꞌ naru xnumsinquil saꞌ xam ta̱chꞌajekꞌ riqꞌuin li haꞌ re santobresi̱nc.

Q'eqchi Bible

²³ chixjunil li naxkuy li xam tento teech'ajob'resi sa' xam ut teesantob'resi rik'in li osob'tesinb'il ha'. Ab'an chixjunil li ink'a' naxkuy li xam teech'aj rik'in osob'tesinb'il ha'.

Números 31:23 ပူးပေါင်းရင်းမြစ်များ

Números 19:9

Ut junak li cui̱nk li incꞌaꞌ muxbil ru tixxoc lix chahil li cuacax ut tixcanab saꞌ junak li naꞌajej li incꞌaꞌ muxbil ru chirix li naꞌajej li cuanqueb cuiꞌ lix muheba̱leb. Eb laj Israel teꞌxxoc li cha re nak teꞌxyi̱b li haꞌ li ta̱cꞌanjelak re xsantobresinquileb.

Números 19:17

Joꞌcaꞌin nak ta̱santobresi̱k li ani tixmux rib. Ta̱qꞌuehekꞌ caꞌchꞌinak lix chahil li cuacax li cak rix li quicꞌateꞌ re xtojbal rix li ma̱c saꞌ junak ucꞌal rochben caꞌchꞌinak li haꞌ li qui-isi̱c saꞌ junak li yuꞌam haꞌ.

1 Corintios 3:13

Lix cꞌanjel li junju̱nk ta̱cꞌutu̱nk nak tol-e̱lk cuiꞌchic li Ka̱cuaꞌ Jesucristo chi rakoc a̱tin. Chanchan nak ta̱numsi̱k saꞌ xam lix cꞌanjel naxba̱nu re rilbal ma ta̱osokꞌ malaj incꞌaꞌ.

San Mateo 3:11

Ya̱l nak la̱in nincubsi e̱haꞌ riqꞌuin haꞌ retalil nak xyotꞌeꞌ e̱chꞌo̱l ut xejal e̱cꞌaꞌux. Abanan cha̱lc re li kꞌaxal nim xcuanquil. Xban nak kꞌaxal nim xcuanquil chicuu la̱in, moco incꞌulub ta nak tincuisi lix xa̱b. Aꞌan tixcubsi e̱haꞌ riqꞌuin li Santil Musikꞌej ut riqꞌuin xam.

Isaías 43:2

Nak texnumekꞌ saꞌ li palau, la̱in cua̱nkin e̱riqꞌuin re e̱colbal. Nak texnumekꞌ saꞌ li nimaꞌ, incꞌaꞌ texcꞌam li rok li haꞌ. Cui texnumekꞌ saꞌ li xam incꞌaꞌ texcꞌatk, chi moco li rakꞌ xam ta̱cꞌatok e̱re.

Apocalipsis 3:18

Joꞌcan nak ninye e̱re: Lokꞌomak e̱-oro cuiqꞌuin li ac numsinbil saꞌ xam ut isinbil xtzꞌajnil. Lokꞌomak le̱ saki tꞌicr cuiqꞌuin re te̱tikib e̱rib ut incꞌaꞌ te̱cꞌut e̱xuta̱n nak tꞌustꞌu̱quex. Lokꞌomak xbanol li xnakꞌ e̱ru cuiqꞌuin re nak tex-ilok.

1 Pedro 4:12

Ex inherma̱n, misach e̱chꞌo̱l nak ta̱cha̱lk li ra xi̱cꞌ saꞌ e̱be̱n. Chanchan li xam nak nachal saꞌ e̱be̱n re xyalbal rix le̱ pa̱ba̱l. Me̱cꞌoxla nak caꞌaj cuiꞌ la̱ex yo̱quex chi cꞌuluc re.

1 Pedro 3:21

Li butꞌi haꞌ, aꞌan retalil li cubi haꞌ colbilex cuiꞌ anakcuan. Li cubi haꞌ, aꞌan ma̱cuaꞌ re risinquil lix tzꞌajnil li katibel. Cuan ban xya̱lal. Aꞌan retalil nak cuybil sachbil chic li kama̱c. Ut nakatzꞌa̱ma chiru li Dios nak cha̱bilak li kacꞌaꞌux. Colbilo xban nak quicuacli cuiꞌchic chi yoꞌyo li Jesucristo.

1 Pedro 1:7

Tento nak ta̱yalekꞌ rix le̱ pa̱ba̱l re nak ta̱cꞌutu̱nk ma tzꞌakal re ru. Li pa̱ba̱l kꞌaxal cuiꞌchic lokꞌ chiru li oro li na-osoꞌ. Li oro nanumsi̱c saꞌ xam re rilbal ma cha̱bil. Joꞌcan ajcuiꞌ nak tento xyalbal rix le̱ pa̱ba̱l ma tzꞌakal re ru. Cui tzꞌakal re ru le̱ pa̱ba̱l, tex-oxlokꞌi̱k ut ta̱nima̱k e̱ru ut ta̱qꞌuehekꞌ e̱lokꞌal nak tixcꞌutbesi cuiꞌchic rib li Jesucristo.

Efesios 5:26

Li Jesucristo quixmayeja rib re xsantobresinquileb laj pa̱banel riqꞌuin nak teꞌxcꞌul li cubi haꞌ saꞌ xcꞌabaꞌ li Cristo ut riqꞌuin li ra̱tin li Dios.

Zacarías 13:9

Ut li joꞌ qꞌuial chic teꞌcana̱k, chanchan numsinbil saꞌ xam tinba̱nu reheb nak tinyal rixeb, joꞌ nak nanumsi̱c li plata ut li oro saꞌ li xam. Eb aꞌan teꞌxya̱ba incꞌabaꞌ ut la̱in tinsumeheb ut tinye reheb: La̱ex lin tenamit. Ut eb aꞌan teꞌxye, “Li Ka̱cuaꞌ, aꞌan li kaDios,” chaꞌkeb.

Números 8:7

Joꞌcaꞌin ta̱ba̱nu re xsantobresinquileb. Ta̱rachrachi saꞌ xbe̱neb li haꞌ li nacꞌanjelac re santobresi̱nc ut ta̱ye reheb nak teꞌxjo li rismaleb ut teꞌxpuchꞌ li rakꞌeb re nak teꞌcana̱k chi santobresinbil.

Levítico 15:17

Cui li xyaꞌal xtzꞌejcual nanak chiru tꞌicr, malaj ut chiru li yi̱banbil riqꞌuin tzꞌu̱m, tento xpuchꞌbal. Ut muxbil ru ta̱cana̱k toj ta̱oc li kꞌojyi̱n.

Levítico 11:32

Ut cui li camenak xul ta̱tꞌanekꞌ saꞌ xbe̱n li cꞌaꞌ re ru, li quinak cuiꞌ muxbilak chic ru, usta cheꞌ, usta tꞌicr, usta tzꞌu̱m, usta kꞌes ru tꞌicr ut yalak cꞌaꞌru chi cꞌanjeleba̱l. Muxbilak chic ru ta̱cana̱k toj ta̱oc li kꞌojyi̱n. Ut tento nak ta̱qꞌuehekꞌ saꞌ haꞌ re nak incꞌaꞌ chic muxbilak ru.

Números 31:22

Tento xnumsinquil saꞌ xam chixjunil li chꞌi̱chꞌ joꞌ li oro, li plata, li bronce, li hierro ut li estaña joꞌ ajcuiꞌ li plomo.

Números 31:24

Saꞌ li xcuuk li cutan te̱puchꞌ le̱ rakꞌ re nak santobresinbilakex. Ut chirix aꞌan naru tex-oc saꞌ lin naꞌajej li cuanqueb cuiꞌ li muheba̱l, chan.

Éxodo 19:10

Li Dios quixye re laj Moisés: —Tatxic riqꞌuineb li cristian. Chiru li cutan aꞌin ut cuulaj ta̱kꞌaxtesiheb saꞌ cuukꞌ. Eb aꞌan teꞌxpuchꞌ li rakꞌeb, ut teꞌxti̱cobresi lix yuꞌameb chi tzꞌakal. Teꞌati̱nk ut teꞌxpuchꞌ li rakꞌeb joꞌ retalil nak xeꞌxyi̱b xyuꞌameb.

Éxodo 19:14

Laj Moisés quicube chak chiru li tzu̱l. Co̱ saꞌ xya̱nkeb li cristian ut quixkꞌaxtesiheb saꞌ rukꞌ li Dios. Ut eb li cristian quilajeꞌxpuchꞌ li rakꞌeb.